১ তীমথিয় 4:3 - Chakma Bible

³ ইগুনে মান্‌জ্যরে মোক্ ন-লবার উগুম দুুয়োন আর কনঅ কনঅ হানা খাদে মানা গরন্। মাত্তর্ বিশ্বেজিগুনে, যিগুনে গোজেনর্ সত্যগানরে জান্ন্যন্, তারা যেন ভালেদি জানেইনে খান সেনত্যে দঅ গোজেনে এই বেক্ হানাগানি সৃট্টি গোজ্যে।

১ তীমথিয় 4:3 Iomraidhean Croise

পত্থম 9:3

জেদা আর ঘুরি বেড়েয়্যে বেক্‌ প্রাণীগুন তমার হানা অবঅ। হানা ইজেবে মুই আগে যেবাবোত্যে তমারে শোজ্য আর শাক্‌-পাদ্ দুয়োং সেবাবোত্যে ইক্কিনে বেক্কানি তমারে দিলুং;

উপদেশক 5:18

সে পরেদি মুই বুঝিলুং, গোজেনে বেলান তলেদি মান্‌জ্যরে যে কয়দিন বাঁজি থেবাত্তে দিয়্যে সেনত্তে হানা-দানা গরানা আর তার্ জদবদে কাম্ গরানার্ মাধ্যমে ঈল্ অনা তার্ তপ্পে গম্ আর যগাজ্যে, কিত্তে সিয়েনই তার্ পাওনা।

দানিয়েল 11:37

তার পূরোণি মানুচ্চুনোর দেবেদাগুন বা মিলেগুনে যিয়েনি চান্ সিয়েনি উগুরে তে কনঅ সর্মান ন-দেগেব; আজলে কনঅ দেবেদারে তে সর্মান ন-গুরিবো, মাত্তর্ বেক্কুনো উগুরে নিজোরে অজল্ গুরি দেগেব।

মথি লেখ্যে গম্ হবর্ 15:11

মুয়ো ভিদিরে যিয়েনি যায় সিয়েনি মান্‌জ্যরে অসিজি ন-গরে, মাত্তর্ মুয়ো ভিদিরেত্তুন্ যিয়েনি নিগিলি এজে সিয়েনি মান্‌জ্যরে অসিজি গরে।”

লূকে লেখ্যে গম্ হবর্ 24:30

যেক্কে তে তারা সমারে হেবাত্যে বুজিলো সেক্কে রুটি লোইনে গোজেনরে ভালেদি জানেল আর সিয়েন্ কট্টা গুরিনে তারারে দিলো।

যোহন 6:23

মাত্তর্ যিয়েনত্ প্রভু ভালেদি জানেবার্ পরেদি মানুচ্চুনে রুটি হেইয়োন্ সে জাগান কায় সেক্কে তিবিরিয়া শঅরত্তুন্ কয়েক্কান নঅ লুমিলোগি।

প্রেরিত্‌ 27:35

এ কধাগান্ কোইনে পৌলে রুটি লোইনে তারা বেক্কুনো মুজুঙোত্ গোজেনরে ভালেদি জানেল আর সিয়েন ভাঙিনে হা ধুরিলো।

রোমীয় 14:17

গোজেন রেজ্যত্ হানা-দানা দাঙর্ কধা নয়; দাঙর্ কধা অলঅ, পবিত্র আত্মার্ মাধ্যমে গম্ পধেদি চলানা আর সেক্কে সুগ্-শান্দি, মন হুজি থায়।

রোমীয় 14:3

চোইদ্দ্যে হেইয়্যেবো যেন শাক্-পাত্ হেইয়্যেবোরে ঈচ্ ন-গরে আর শাক্-পাত্ হেইয়্যেবো যেন চোইদ্দ্যে হেইয়্যেবোরে দুষ্ ন-ধরে, কিয়া গোজেনে দঅ সেই দ্বিজনরে আপন গুরি লোইয়্যে।

রোমীয় 14:6

বিশেষ্ কনঅ এক্কো দিন যে পালায় তে দঅ গোজেনরে হুজি গুরিবাত্তে সিয়েন গরে। যে বেক্কানি খায় তে গোজেনরে হুজি গুরিবাত্তে খায়, কিয়া তে গোজেনরে ভালেদি জানায়। যে বেক্কানি ন-খায় তে গোজেনরে হুজি গুরিবাত্তে ন-খায়, আর তেয়ো গোজেনরে ভালেদি জানায়।

১ করিন্হীয় 6:13

আরঅ কেঅ কেঅ এ কধাগান-অ কন্, “হানা পেদত্যে আর পেট্‌তো হানাত্যে।” ভারী গম্ কধা, মাত্তর্ এ দ্বিয়েন জিনিস এক দিন গোজেনে বাদ্ দি দিবো। কিয়্যেগান বেভিচার গুরিবাত্যে নয় বরং সিয়েন প্রভুত্যে, আর প্রভু কিয়্যেগানত্তে।

১ করিন্হীয় 7:28

মাত্তর্ মোগ্ যুনি তুই লস্ সালে তর্ কনঅ পাপ ন-অয়। কনঅ গাবুর্ মিলে যুনি নেক্ লয় সালে সিয়েন্অ পাপ ন-অয়। মাত্তর্ যিগুনে লন্ সিগুনে এ সংসারত্ দুঘ্ পেবাক্, আর মুই এ বেক্কানিত্তুন্ তমারে রেহাই দিবাত্তে চাঙর্।

১ করিন্হীয় 8:8

মাত্তর্ হানালোই আমি গোজেনর্ মানি লোইয়্যে ন-ওই। আমি যুনি ন-হেই সালে আমার্ কনঅ ক্ষতিয়ো ন-অয়, আর যুনি হেই সালে আমার্ কনঅ লাভঅ ন-অয়।

কলসীয় 2:16

সেনত্যে হানা-দানা বা ধর্মীয় কনঅ পরব্ বা আঙোচ্চ্যা বা জিরেবার দিন্নোলোই তমারে দুষ্ দিবার্ অধিকার কারর্ নেই।

কলসীয় 3:17

তুমি যিয়েনি কঅ বা গুরিদা সাৎ সিয়েনি প্রভু যীশুর্ নাঙে গরঅ আর সিয়েনির মাধ্যমে বাবা গোজেনরে ভালেদি জানঅ।

১ তীমথিয় 2:4

তে চায় যেন বেক্কুনে পাপত্তুন্ উদ্ধোর্ পান আর খ্রীষ্ট পৌইদ্যেনে সত্যগানরে মূড়োত্ পুরিনে বুঝি পারন্।

১ তীমথিয় 4:4

গোজেনর্ বানেয়্যে পত্তি জিনিচ্‌ গম, সেনত্যে কনঅ জিনিচ্ ভান্ন্যেই মনে গুরিনে বাদ দেনা উচিত নয়; মাত্তর্ সিয়েন যেন ভালেদি জানেইনে মানি লুয়ো অয়,

১ তীমথিয় 5:14

সেনত্যে মুই এ উপদেজ্‌‍চান দুয়োঙর্, গাবুজ্জ্যে রানি মিলেগুনে নেগ্ লোদোক্, পুয়ো-ছাগুনোর্ মা ওদোক্, নিজোর্ নিজোর্ সংসারর্ দেগাশুনো গোত্তোক্ আর নিন্দে গুরিবাত্যে শত্রুগুনোরে কনঅ জু গুরি ন-দেদোক্।

ইব্রীয় 13:4

পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।

ইব্রীয় 13:9

নানান্ বাবোত্যে নূয়ো নূয়ো শিক্ষ্যেলোই যেন তমারে ভুল্ পধেদি ন-নেযান্। আমা মনানি উৎসর্বর হানা উগুরে ন-থেইনে যেন গোজেন দোয়্যে উগুরে থির্ ওইনে বজে। যিগুনে সেই হানাগান উগুরে নির্ভর্ গুরিনে চলিদাক্, সেই হানাগানত্তুন্ তারার্ কনঅ লাভ্ ন-অয়।

১ শমূয়েল 9:13

তুমি শঅরত্‌ সোমেলে তা সমারে তমার দেগা অবঅ। তুমি দেগিবা তে মুড়োমুড়ি উগুরে হেবাত্তে যার্‌। তে ন-যানা সং মানুচ্চুনে হানা-দানা ন-গুরিবাক্, কিত্যে তারে তাত্তুন্‌ উৎসর্বর জিনিসছানি বর্‌ দিয়্যে পুরিবো; সে পরেন্দি যিগুনোরে ডাগা ওইয়্যে তারা হেবাক্। তুমি ইক্কিনেই উদি যঅ, ইক্কিনেই তার দেগা পেবা।”