১ তীমথিয় 4:15 - Chakma Bible

¹⁵ এ বেপারানিলোই মনযোগি অ; নিজোরে পুরোপুরি গুরিনে সিয়েন ভিদিরে ডুবেই রাগা, যেন বেক্কুনে দেগন্ যে, তুই উজেই যর্।

১ তীমথিয় 4:15 Iomraidhean Croise

গীতসংহিতা 1:2

বানা লগেপ্রভুর রীদি-সুদোমেই তার্ হুজি, আর সিয়েন তার্ দিনো-রেদোর্ ধ্যান।

গীতসংহিতা 104:34

মর্ ধ্যান গরানা তাইদু মধুর ওক্; মুই লগেপ্রভুর লগে এগত্তর্ ওইনে ফুত্তি গুরিম।

গীতসংহিতা 105:5

ও তার চাগর অব্রাহামর বংশধরুন্, তার বেঈ লোইয়্যে যাকোবর পুয়োছাগুন্, তুমি তার দাঙর্ কামানির কধা ইদোত্ রাগঅ; তার আমক্ অবার কামানির্ কধা আর বিচেরর যে সাজার কধা তে কোইয়্যে সিয়েন ইদোত্ রাগঅ।

গীতসংহিতা 119:148

পহ্‌র্ অবার আগেদি মঅ চোগ্‌কুনে জাগন্, যেনে তর্ বেক এগেমানিলোই মুই ধ্যান গুরি পারং।

গীতসংহিতা 119:15

মুই তর্ সুদোম পৌইদ্যেনে ধ্যান গরং, আর তর পধ্‌থানন্দি মনযোগ দুয়োং।

গীতসংহিতা 119:23

যুনিয়ো শাজন্‌গুরিয়্যেগুনে বোইনে মর্ বিপক্কে কধা কন্ তো তর্ এ চাগর্‌বো তঅ সুদোমানিলোই ধ্যান গরে।

গীতসংহিতা 119:48

তর্ বেক উগুমানি উগুরে মর্ অমকদ আওজ্ আঘে, কিত্তে মুই সিয়েনি গম পাং; তর্ সুদোমানি মুই চিন্তে গরং।

গীতসংহিতা 119:97

মুই তর্ উগুমানি কত্তমান্ গমপাং! গোদা দিন্নোবো মুই সিয়েনি ধ্যান গরং।

গীতসংহিতা 119:99

মর্ বেক মাস্তরুনোত্তুন্ বেশ্ মুই জ্ঞানবলা, কিত্তে তর্ বেক কধানিলোই মুই ধ্যান গরং।

গীতসংহিতা 143:5

মুই পুরোণি দিনুনোর্ কধা ইদোত্ তুলোং, তর্ বেক কামানি পৌইদ্যেনে ধ্যান গরং; তঅ আঢ্‌তানিয়ে যিয়েনি গোজ্যে সিয়েনি ভাবঙর্।

গীতসংহিতা 19:14

ও লগেপ্রভু, মর্ আশ্রয়র-মুড়ো, মর্ উদ্ধোর্ গুরিয়্যে, মর্ মুয়োর কধানি আর মর্ মনর্ চিদেগানিয়ে তরে যেন হুজি গরে।

গীতসংহিতা 49:3

মঅ মুয়োত্তুন জ্ঞানর কধা নিগিলি এবঅ; মঅ মনত্ গভিন্ চিন্তেগানে বুঝিবার খেমতা দিবো।

গীতসংহিতা 63:6

বিচ্ছোনত্ পড়িনে মুই তঅ কধা ভাবং, পুরো রেত্তো তঅ পৌইদ্যেনে ধ্যান গরং;

গীতসংহিতা 77:12

তর্ বেক কামানির পৌইদ্যেনে মুই ধ্যান গুরিম; তর্ বেক কামানির কধা ভাবি চেম্।

গণাণা 8:26

সেক্কে এই মানুচ্চুনে মিলন-তাম্বুলোত্‌ তারার্‌ ভেইয়ুনো সমারে দেগাশুনোর্‌ কামত্‌ সাহায্য গুরি পারিবাক মাত্তর্‌ নিজেয়ো কনঅ কামত্‌ আত্‌ দিই ন-পারিবাক। এই সুদোম মজিম তুই লেবীয়গুনোর্‌ কামানি ঠিগ্ গুরি দিবে।”

মথি লেখ্যে গম্ হবর্ 5:16

সেবাবোত্যেগুরি তমা পহ্‌‌রান মানুচ্চুনো মুজুঙোত্ জ্বোলোক্, যেনে তারা তমার্ গম্ কামানি দেগিনে তমা স্বর্গর্ বাপ্পোর্ বাঈনী গরন্।

১ করিন্হীয় 16:15

ভেইলগ্, তুমি দঅ কোই পারঅ, স্তিফানর্ পরিবার মানুচ্চুনে আখায়া রেজ্যর্ পত্তম বিশ্বেজি। গোজেন মানুচ্চুনোরে সেবা গুরিবাত্যে তারা নিজোরে উৎসর্ব গোজ্জ্যন্।

২ করিন্হীয় 4:14

কিয়া আমি কোই পারিই, যিবে প্রভু যীশুরে জেদা গোজ্জ্যে তে তা সমারে আমারেয়ো জেদা গুরিবো আর তমা সমারে আমারেয়ো নিজো মুজুঙোত্ আঝির্ গুরিবো।

২ করিন্হীয় 8:5

আমার্ আজাত্তুন্-অ বেচ্‌ তারা দান গোজ্জ্যন্-তারা নিজোরে পত্তমে প্রভু ইধু আর পরেদি গোজেনর্ আওজ্ মজিম আমা ইধু দি দুয়োন্।

১ তীমথিয় 4:14

মন্ডলী নেতাগুনে যেক্কে তঅ উগুরে তারার্ আঢ্‌তানি রাগেয়োন সেক্কে ভাববাদী ইজেবে কধা কনার্ মাধ্যমে যে বিশেষ্ দান তরে দিয়্যে ওইয়্যে সেই দানান্ তুই অবহেলা ন-গুরিচ্।

১ তীমথিয় 4:16

তর্ নিজো পৌইদ্যেনে আর তর্ শিক্ষ্যে পৌইদ্যেনে উজিয়ার্ থাক্। ইয়েনি গরানাত্ থাক্, কিয়া সেক্কে তুই নিজোরে রোক্ষ্যে গুরি পারিবে আর যিগুনে তঅ কধা শুনিবাক্ তারারেয়ো রোক্ষ্যে গুরি পারিবে।

১ তীমথিয় 4:6

যুনি তুই এ বেপারানি ভেইয়ুনোরে বুঝেই দুয়োচ্ সালে খ্রীষ্টীয় ধর্ম-বিশ্বেজর্ যে সত্যগান আর ভুল-নেইয়্যে শিক্ষ্যেগান তুই মানি চলর্, সিয়েন্দোই কাবিল্ ওইনে খ্রীষ্ট যীশুর এক্কো যগাজ্জ্যে সেবাগুরিয়্যে অবে।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

যিহোশূয় 1:8

রীদি-সুদোমর্ এ বোইবো ভিদিরে যিয়েনি লেগা আঘে সিয়েনি যেনে আমিঝে তঅ‌ মুয়োত্‌ থায়। ইবে ভিদিরে যিয়েনি লেগা আঘে সিয়েনি যেনে তুই পালেবাত্তে মন দুয়োচ্‌ সেনত্তেই দিনরেত্‌ সিয়েনিলোই তুই গমেডালে চিদে গুরিবে। সেক্কে বেক্কানিত্‌ তুই ফোলেবে আর তর্‌ গম্‌ অবঅ‌।