১ তীমথিয় 4:1 - Chakma Bible

¹ পবিত্র আত্মাগানে গমেডালে কোইয়্যেদে, ভবিচ্চ্যদে কুদুক্কুন মানুচ্‌ খ্রীষ্টীয় ধর্ম-বিশ্বেজত্তুন্ সুরি যেবাক্ আর ছলনাগুরিয়্যে আত্মা আর ভান্ন্যেই আত্মাগুনোর্ শিক্ষ্যে ইন্দি মনানি দিবাক্।

১ তীমথিয় 4:1 Iomraidhean Croise

পত্থম 3:13

সেক্কে লগেপ্রভু গোজেনে সে মিলেবোরে কলঅ, “তুই ইয়ান্‌ কি গোজ্যচ্‌?” মিলেবো কলঅ, “সেই সাপ্পো মরে ছলনা গুরি ভুলেয়্যে সেনত্যে মুই সিগুন হেইয়োং।”

১ রাজাবলী 13:18

জোবত্‌ সে ভাববাদীবো কলঅ, “মুই তঅ ধোক্কেন্‌ ইক্কো ভাববাদী। লগেপ্রভুর কধামজিম্‌ ইক্কো স্বর্গদূতে মরে কোইয়্যেদে যেনে মুই তরে মঅ ঘরত্‌ ফিরেই নেযাং যেনে তুই হানা আর পানি হেই পারচ্‌।” মাত্তর্‌ তে তারে মিজে কধা কলঅ।

যিশাইয় 2:2

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্।

যিরমিয় 23:26

আর কয়দিন এই ভাববাদীগুনে তারার মনর্ মিজেত্তুন মিজে কধা কবাক্?

যিরমিয় 48:47

মাত্তর্ আগামিদি মুই মোয়াবর অবস্থা ফিরেম। মুই লগেপ্রভু এ কধাগান কঙর্।” মোয়াবর বিচেরর কধা ইয়োত্ থুম্ ওইয়্যে।

যিরমিয় 49:39

মাত্তর্ আগামিদি মুই এলমর অবস্থাগান্ ফিরেম। মুই লগেপ্রভু এ কধাগান কঙর্।”

যিহিষ্কেল 1:3

বাবিলীয়গুনোর্ দেজত্ কবার গাঙ পাড়ত্ বুষির পুয়ো ধর্মগুরু যিহিষ্কেল ইধু, অত্তাৎ মইধু লগেপ্রভুর কধানি ফগদাং অলঅ। সিয়েনত্ লগেপ্রভুর আঢ্‌‌‌তানি মঅ উগুরে এলঅ।

যিহিষ্কেল 38:16

দেজ্‌‌‌চান মেঘ ধোক্ক্যেন গুরি নাঢি ফেলেবাত্তে তুই মঅ মানুচ্ ইস্রায়েল বিরুদ্ধে উজেই এবে। ও গোগ, শেজ্ কালত্ মুই মঅ দেজ্‌‌‌‌‌চান বিরুদ্ধে তরে আনিম। সেক্কে মুই জাদ্‌‌‌‌‌তুনোর চোগো মুজুঙোত্ তঅ ভিদিরেদি নিজোরে সুদ্ধো-সাংগ বিলি দেগেম্ যেনে তারা মরে হবর্ পান।

দানিয়েল 10:14

আগামিদি তঅ মানুচ্চুনো উগুরে যিয়েনি ঘুদিবো সিয়েনি তরে বুঝিবাত্তে মুই ইক্কিনে তইদু এচ্চ্যং, কিত্যে দর্শনর ভিদিরেদি যে সময়র্ কধা কুয়ো ওইয়্যে সিয়েনি এজঅ ন-এজে।”

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

মীখা 4:1

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্। ‌‌‌

গণাণা 24:14

মুই ইক্কিনে মর্‌ মানুচ্চুনো ইদু ফিরি যাঙর্‌, মাত্তর্‌ তা আগেন্দি মুই তরে উজিয়ার্‌ গুরি কোই দি যাঙর্‌ এই জাদ্‌তো আগামিদি তর্‌ জাদ্‌তো উগুরে কি গুরিবো।”

মথি লেখ্যে গম্ হবর্ 18:7

কদক্ দর্‌গরেপারা এই পিত্‌থিমীগান পাপ পধেদি নেযেবাত্তে তারার্ বিশ্বেজ্‌চানি আরেই ফেলাদন! অবুচ্চ্যই সিয়েনি দঅ ঘুদিবো; মাত্তর্ কত্তমান দর্‌গরেপারা যিবেলোই সিয়েনি ঘদে!

লূকে লেখ্যে গম্ হবর্ 17:1

যীশু তা শিচ্চ্যগুনোরে কলঅ, পাপঅ পধেদি নেযেবাত্যে মানুচ্চুনে চিন্তে গুরিনে পড়ি যান্ আর সিয়েনি ঘদে, মাত্তর্ কত্তমান দর্‌গরেপারা যিবের মাধ্যমে সিয়েনি ঘদে!

যোহন 16:13

মাত্তর্ সেই সত্যর্ আত্মাগান্ যেক্কে এবঅ সেক্কে তে তমারে পধ দেগেইনে পুরোপুরি সত্যত্ নেযেব। তে নিজোত্তুন্ কধা ন-কবঅ, মাত্তর্ যিয়েনি শুনে সিয়েনি কবঅ, আর যিয়েনি ঘুদিবো সিয়েনি তে তমারে জানেব।

প্রেরিত্‌ 13:2

তারা যেক্কে উবোচ্‌ থেইনে প্রভুর উবোসনা গত্তন্ সেক্কে পবিত্র আত্মাগানে তারারে কলঅ, “বার্ণবা আর শৌলরে মুই যে কামানত্যে ডাক্কোং মর্ সেই কামানত্যে ইক্কিনে তারারে জুদো গরঅ।”

প্রেরিত্‌ 17:18

সেক্কে ইপীকুরীয় আর স্তোয়িকীয় দলর্ কয়েক্কো মাষ্টর্ পৌল সমারে কধা সলাসুলি বাজেলাক্। তারাত্তুন্ কয়েকজনে কলাক্, “এই কোধোগিবো কি কবার্ চার্।” আর অন্যগুনে কলাক্, “মনে অয় তে বিদেশী দেব-দেবীর্ কধা ফগদাং গরের্।” তারা এ কধাগান্ কলাক্ কারন পৌলে যীশু পৌইদ্যেনে আর মরণত্তুন্ জেদা ওই উদোনা পৌইদ্যেনে ফগদাং গরের্।

প্রেরিত্‌ 20:23

মুই বানা এ কধাগান্ হবর্ পাং, পবিত্র আত্মাগানে পত্তি শঅরত্ মরে এ কধাগান্ জানেই দেত্তে, মত্তুন্ জেলোত্ যাহ্ পড়িবো আর দুঘ্ পাহ্ পড়িবো।

প্রেরিত্‌ 21:11

তে আমা ইধু এইনে পৌলর্ কমর্-বিজোনিগান্ খুলি নেযেল আর সিয়েন্দোই নিজো আঢ্-টেঙানি বানিইনে কলঅ, পবিত্র আত্মাগানে কোইয়্যেদে, যিরূশালেমর্ যিহূদীগুন এই কমর্-বিজোনির্ গিরোজ্‌সোরে এবাবোত্যেগুরি বানিবা আর অযিহূদীগুনো আঢত্ দিবা।

প্রেরিত্‌ 28:25

পৌল কধালোই তারা ভিদিরে কধা মানা-মানি ন-অলঅ আর তারা সিয়েনত্তুন্ গেলাক্‌কোই। তারা যেবার্ আগেদি পৌলে কলঅ, পবিত্র আত্মাগানে ভাববাদী যিশাইয় মাধ্যমে তমা পূরোণি মানুচ্চুনো ইধু সত্য কধাগান কোইয়্যেদে যে,

১ করিন্হীয় 10:20

সিয়েন নয়, বরং মুই কঙর্, অযিহূদীগুনে যিয়েনি উৎসর্ব গরন্ সিয়েনি গোজেন ইধু ন-গরন্, ভান্ন্যেই আত্মাগুনো ইধু গরন্। মুই ন-চাং, ভান্ন্যেই আত্মাগুনো সমারে তমার কনঅ উদো-বসা থায়।

১ করিন্হীয় 11:19

খালিক্ তমা ভিদিরে কধার্ অমিল্ অবঅ যেন গোজেনর্ চোগেদি তমা ভিদিরে যগাজ্যে মানুচ্ কন্না, সিয়েন ধরা পড়ে।

১ করিন্হীয় 12:11

এ বেক্‌ কামানি সেই একই পবিত্র আত্মাগানে গুরি থায়। তে যেবাবোত্যেগুরি আওজ্ গরে সেবাবোত্যেগুরি এই বেক্ দানানি পত্তিজনরে যুদো যুদো গুরি দে।

১ করিন্হীয় 2:10

মাত্তর্ গোজেনে তার্ আত্মার্ মাধ্যমে সিয়েনি আমা ইধু ফগদাং গোজ্জ্যে, কিয়া পবিত্র আত্মার্ অজানা কিচ্চু নেই; এমন্‌ কি, তে গোজেনর্ গভিন পৌইদ্যেনেয়ো কোই পারে।

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

দ্বি’লম্বর বিররণ 32:29

বুদ্ধি থেলে এই কধাগান তারা বুঝিদাক, বুঝিদাক তারার শেজ্‌ দজাগান কি অবঅ।

দ্বি’লম্বর বিররণ 4:30

যেক্কেনে তুমি দুগোত্‌ পুরিবা আর এই বেক্কানি তমা উগুরে ঘুদি যেবঅ সেক্কে আগামি দিনুনোত্‌ তুমি তমা গোজেন লগেপ্রভু ইদু ফিরি এবা আর তার্‌ বাধ্য ওইনে চলিবা।

কলসীয় 2:18

নিজো কিয়্যেগানরে দুঘ্ দেনা আর স্বর্গদূত্‌তুনোরে উবোসনা গরানা যিগুনে দরকারী বিলিনে মনে গরন্ সিগুনে যেন তমার বক্‌শিজ্ পেবার পধত্ মানা ন-গরন্। এবাবোত্যে মান্‌জ্যে যিয়েন দেক্ক্যন বিলিনে ভান্ গুরিনে সে পৌইদ্যেনে বোউত্ দাঙর্ দাঙর্ কধা কন্ আর এনেবাদে অহংকারে ফুলি উদোন্, কিয়া তারার্ মনানি পাপ-খাচ্চ্যদে ভরা।

২ তীমথিয় 3:13

মাত্তর্ পাজি মানুচ্চুনে আর ফক্করুনে দিন দিন আরঅ বজং অবাক্। তারা অন্যগুনোরে ভুল্ পধেদি নেযেবাক্ আর নিজেয়ো ভুল্ পধেদি চলিবাক্।

২ তীমথিয় 4:4

তারা গোজেনর্ সত্যগান পৌইদ্যেনে ন-শুনিনে হিত্য-কধা শুনিবাত্যে চেবাক্।

যাকোব 3:15

এবাবোত্যে জ্ঞান স্বর্গত্তুন্ লামি ন-এজে, বরং পিত্‌থিমীর্, ভান্ন্যেই আওজর্ আর ভান্ন্যেই আত্মাগুনো সমারে তার্ উদোন্ বজন্;

১ পিতর 1:20

পিত্‌থিমীগান বানেবার আগেদি গোজেনে ইয়েনত্যে তারে ঠিগ্ গুরি থোইয়্যে, মাত্তর্ এই থুমো সময়োত্ তমাত্যে তে ফগদাং ওইয়্যে।

২ পিতর 2:1

মাত্তর্ ইস্রায়েলীয়গুনো ভিদিরে যেধোক্ক্যেন ফক্কর্ ভাববাদী এলাক্ সেধোক্ক্যেন তমা ভিদিরেয়ো ফক্কর্ মাষ্টর থেবাক্। তারা চুবেচুবে এন্‌ ভুল শিক্ষ্যে আনিবাক্ যিয়েনি মান্‌জ্যরে ভস্ত গুরি দিবো; এন্‌ কি, যিবে তারারে কিন্ন্যে সেই প্রভুরেয়ো তারা অস্বীগের্ গুরিবাক্। এবাবোত্যে গুরি তারা যাদিমাদি নিজো উগুরে ভস্ত অনাগান ডাগি আনিবাক্।

২ পিতর 3:3

পত্তমে এ কধাগান মনত্ রাগেয়ো, যিগুনোর্ গম কাম পৌইদ্যেনে ঠাট্টা-তামাজা গরানার্ খাচ্চ্যদ্ তারা শেজ্ কালত্ এইনে ঠাট্টা-তামাজা গুরিবাক্। তারা নিজোর্ কামনা-বাচনালোই চলিবাক্,

১ যোহন 2:18

পুয়ো-ছা লগ্, ইবেয়ই শেজ্ সময়। তুমি দঅ শুন্ন্য যে, খ্রীষ্ট-শত্রুবো এজের্, মাত্তর্ তার আরঅ ভালোক্কুন্ শত্রু এ ভিদিরে এই যেইয়োন। সেনত্যে আমি বুঝি পারির্, ইবেয়ই শেষ্ সময়।

১ যোহন 4:6

আমি গোজেনর্; যে গোজেনরে জানে তে আমা কধা শুনে, মাত্তর্ যে গোজেনর্ নয় তে আমা কধা ন-শুনে। ইয়েন্দোই আমি সত্যর্ আত্মাগানরে আর ছলনার্ আত্মাগানরে চিনি পারিই।

যিহূদা 1:18

তারা তমারে এ কধাগান কধাক্, “ঠাট্টা-তামাঝা গরানা যিগুনোর্ খাচ্চ্যত্ তারা শেজ্ সময়োত্ এবাক আর তারার ভোক্তি নেইয়্যে কামনা-বাসনা মজিম চলিবাক্।”

যিহূদা 1:4

ইয়েনর্ দরকার আঘে, কিয়া যে মানুচ্চুনোর্ সাজা পৌইদ্যেনে আগেদি বোইবোত্ লেগা ওইয়্যে তারা তমা ভিদিরে চুবেচুবে সোমেয়োন্দি। গোজেন উগুরে এ মানুচ্চুনোর ভোক্তি নেই; আমার গোজেনর্ দোয়্যেগানরে তারা ভান্ন্যেই এক্কান তালি দেনা মনে গরন আর যিবে আমার এক্কো গুরি গিরোজ্ আর প্রভু সেই যীশু খ্রীষ্টরে তারা অস্বীগের্ গরন্।

ফগদাং পেইয়্যে 13:14

সেই পত্তম য়েমান্নোর্ ওইনে যেদক্কানি আমক্ কাম গুরিবাত্যে তারে খেমতা দিয়্যে ওইয়্যে তে সিয়েনি গুরিনে মানুচ্চুনোরে ভুল্ পধেদি নেযা ধুরিলো। পত্তম যে য়েমান্নো ছুড়ির্ আঘাত্ পেইনেয়ো বাঁজি এলঅ, দ্বিলম্বর য়েমান্নোয়ো মানুচ্চুনোরে কলঅ যেন তারা তার্ এক্কো মূত্তি বানান্।

ফগদাং পেইয়্যে 16:14

সেই ভান্ন্যেই আত্মাগুনে আমক্ আমক্ কাম গত্তন্। বেগত্তুন্ খেমতাবলা সেই গোজেনর দাঙর্ দিনোত্ যুদ্ধো গুরিবাত্যে তারা সারা জগদর্ রাজাগুনোরে এগত্তর্ গুরিলাক্।

ফগদাং পেইয়্যে 18:2

তে জোরে রঅ ছাড়িনে কলঅ, “ভস্ত ওইয়্যে, সেই নাঙ্-গোজ্জ্যে বাবিলান ভস্ত ওইয়্যে! সিয়েন ইক্কিনে ভান্ন্যেই আত্মাগুনোর থেবার্ জাগা ওইয়্যে আর পত্তি ভান্ন্যেই আত্মাগুনোর্ আড্ডাখানা আর অসিজি আর জঘন্য পেগ্‌খুনোর্ বাহ্ ওইয়্যে,

ফগদাং পেইয়্যে 18:23

চেরাগ পহ্‌রান্ আর কনদিনঅ তমা ইধু ন-জ্বলিবো। নুয়ো বৌ-জামেয় মুয়োত্তুন্ আবাজ্অ আর তমা ভিদিরে কনদিনঅ শুনো ন-যেবঅ। তর্ বেবসায়ীগুনে পিত্‌থিমীত্ নাঙ্‌‌গিনেপারা এলাক্, আর বেক্‌ জাদ্‌‌তুনে তর্ যাদুর ছলনায় ভুলিদাক্।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 2:11

যিবের শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো দ্বি'পল্লা মরণ অলেয়ো কনবাবদে তার ক্ষতি ন-গুরিবো।

ফগদাং পেইয়্যে 2:17

যিবের্ শুনিবার কান্ আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই লুগেইয়্যে মান্নাগানত্তুন্ কিজু মান্না আর এক্কো ধূব্ পাত্তর্ দিম। সেই পাত্তর্‌‌বো উগুরে এমন এক্কান নুয়ো নাঙ্ লেগা থেবঅ যিয়েন কেঅ কোই ন-পারন; বানা যে সিয়েনি পেবঅ তেয়ই সিয়েন কোই পারিবো।

ফগদাং পেইয়্যে 2:29

যিবের্ শুনিবার কান্ আঘে তে শুনোক্, পবিত্র আত্মা মন্ডলীগুনোরে কি কর্!

ফগদাং পেইয়্যে 2:7

যিবের্ শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই গোজেনর্ পরমদেজর্ জিংকানি-গাজর্ ফল হেবাত্যে দিম।

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।

ফগদাং পেইয়্যে 20:8

তে সেক্কে যেইনে গোদা পিত্‌থিমীর জাদ্‌তুনোরে, অত্তাৎ গোগ-মাগোগরে ভুল পধেদি নেযেব আর যুদ্ধোত্যে তারারে এক সমারে এগত্তর্ গুরিবো। ইগুনে জনেদি অবাক্ দোজ্জ্যে সাগরর্ ধূল্যেচর ধোক্ক্যেন গুণি ন-পুরেইয়্যে।

ফগদাং পেইয়্যে 3:13

যিবের শুনিবার কান আঘে তে শুনোক্, পবিত্র আত্মা মন্ডলীগুনোরে কি কর্।

ফগদাং পেইয়্যে 3:22

যিবের শুনিবার কান্ আঘে তে শুনোক্, পবিত্র আত্মা মন্ডলীগুনোরে কি কর্।”

ফগদাং পেইয়্যে 3:6

যিবের শুনিবার কান আঘে তে শুনোক্, পবিত্র আত্মা মন্ডলীগুনোরে কি কর্।

ফগদাং পেইয়্যে 9:20

মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্‌সোই বানেয়্যে মূত্তিগুনোরে পূজো গরানাত্ থেলাক্।