১ তীমথিয় 3:7 - Chakma Bible

⁷ বারেদি মানুচ্চুনো ইধু তার সুনাঙ্ থানা দরকার, যেন তে বদ্‌নাঙর্ ভাগী ন-অয় আর শদানর্ ফালত্ ন-পড়ে।

১ তীমথিয় 3:7 Iomraidhean Croise

মার্ক 4:11

যীশু তারারে কলঅ, “গোজেন রেজ্যর্ গুমুরো সত্যগান্ তমারে জানিবাত্তে দিয়্যে ওইয়্যে, মাত্তর্ অন্যগুন যিগুনে বারেত্তুন্, হিত্ত্যলোই বেক্ কধানি কুয়ো অয়,

প্রেরিত্‌ 10:22

সেই মানুচ্চুনে কলাক্, “সেনাপতি কর্ণীলিয় আমারে পাধেয়্যে। তে এক্কো ধার্মিক মানুচ্‌ আর তে গোজেনরে ভোক্তি গরে। বেক্‌ যিহূদীগুনে তারে নাঙ্ গিনোন্। গোজেনর্ এক্কো দূত্ তারে উগুম দিয়্যে যেন তে তরে তা ঘরত্ ডাগি নেযেইনে তঅ কধা শুনে।”

প্রেরিত্‌ 22:12

পরেদি অননিয় নাঙে এক্কো মানুচ্‌ মইধু এলঅ। তে মোশির্ রীতি-সুদোমানি ভোক্তি গুরিনে পালেদ, আর সিধুগোর্ বেক্‌ যিহূদীগুনে তারে ভারি সর্মান গুরিদাক্।

প্রেরিত্‌ 6:3

ভেইলগ, তমা ভিদিরেত্তুন্ এমন্‌ সাতজন্ মান্‌জ্যরে তুমি বেঈ লঅ যিগুনোরে বেক্কুনে সর্মান গরন্ আর যিগুনে পবিত্র আত্মালোই আর জ্ঞানে পরিপূরোন। আমি তারা উগুরে এ সেবা কামর ভারান্ দিইনে নিজে তবনা আর গোজেনর্ কধা ফগদাঙত্ মনান্ দিবোং।”

১ করিন্হীয় 10:32

মুই যেবাবোত্যে গুরি বেক্‌ মান্‌জ্যরে নানান্ বাবোত্যে গুরি হুজি গুরিবাত্তে চেষ্টা গরং তুমিয়ো সেবাবোত্যে গরঅ; অত্তাৎ যিহূদী বা অযিহূদী বা গোজেন মন্ডলীর মানুচ্চুনোর পধত্ কাঙেলেত্যে ন-গোজ্জ্য। মুই নিজোর্ মংগল চেষ্টা ন-গুরিনে ভালোক জনর্ মংগলর্ চেষ্টা গরং যেন তারা পাপত্তুন্ উদ্ধোর্ পান্।

১ করিন্হীয় 5:12

মন্ডলীর্ বারেদি মানুচ্চুনোরে বিচের গুরিবাত্যে মর্ কি গরচ্ পোজ্জ্যে? মাত্তর্ মন্ডলীর্ ভিদিরে মানুচ্চুনোরে বিচের গরানা কি তমার্ উচিত নয়?

২ করিন্হীয় 6:3

খ্রীষ্টত্যে আমি যে কাম্ গুরিই সিয়েনর যেন বদ্‌‌নাঙ্ ন-অয় সেনত্তে আমি এমন্‌ কিজু ন-গুরির্ যিয়েনর কারনে কেঅ কনঅ বাবদে মনত্ দুঘ্ ন-পান্।

২ করিন্হীয় 8:21

আমি বানা প্রভুর্ মুজুঙোত্ নয়, মাত্তর্ মান্‌জ্য মুজুঙোত্অ গমেডালে চলানা ইন্দি মনযোগ্ দিই।

কলসীয় 4:5

যিগুনে গোজেনর্ মানুচ্‌ নয় সিগুনো সমারে বুদ্ধি খাদেইনে চোল্ল্য আর খ্রীষ্ট পৌইদ্যেনে সাক্ষি দিবার পত্তি সুযোগ্ কামত্ লাগেইয়ো।

১ থিষলনীকীয় 4:12

যেন বারেদি মানুচ্চুনো চোগোত্ তমার আঢাউদো যগাজ্জ্যে অয় আর অন্য উগুরে নির্ভর গরা ন-পড়ে।

১ থিষলনীকীয় 5:22

আর নানান্ বাবোত্যে ভান্ন্যেয়ত্তুন্ দূরোত্ থেয়ো।

১ তীমথিয় 3:6

মন্ডলীর পরিচালক্‌কো যেন নুয়ো বিশ্বেজি ন-অয়, কিয়া নুয়ো বিশ্বেজি অলে তে অয়ত দেমাগে ফুলি উদিবো আর শদানরে দিয়্যে সাজার যগাজ্জ্যে অবঅ।

১ তীমথিয় 5:14

সেনত্যে মুই এ উপদেজ্‌‍চান দুয়োঙর্, গাবুজ্জ্যে রানি মিলেগুনে নেগ্ লোদোক্, পুয়ো-ছাগুনোর্ মা ওদোক্, নিজোর্ নিজোর্ সংসারর্ দেগাশুনো গোত্তোক্ আর নিন্দে গুরিবাত্যে শত্রুগুনোরে কনঅ জু গুরি ন-দেদোক্।

১ তীমথিয় 6:9

মাত্তর্ যিগুনে থাগোইয়্যে অবাত্যে চায় তারা নানান্ পোরোক্ষ্যেত্ আর ফালত্ পরন্, আর এমন্‌ বাজে আর ক্ষতি গুরিবার আওজ্ তারার্ মনত্ উদে যিয়েনি মান্‌জ্যরে ভস্ত আর সর্বনাজ্ গরে।

২ তীমথিয় 2:26

সিয়েনর্ ফলে তারা শদানর্ ফালত্তুন্ ধেই এবাক্, কিয়া শদানে তার্ আওজ্‌চান পালেবাত্যে তারারে ধোজ্জ্যে।

তীত 2:5

নিজোরে দোঙেই রাগান, পবিত্র থান্, সংসার ইন্দি খিয়েল্ গরন, দোয়্যেলু অন্ আর নেগ অধীনোত্ থান্, যেনে কেঅ গোজেনর্ কধা অসর্মান গুরি ন-পারন্।

তীত 2:8

কেঅ যেনে তঅ দুষ্‌চান ধুরি ন-পারন্ সেবাবোত্যে সত্য শিক্ষ্যে দিস্, যেন তমার বিপক্ষ মানুচ্চুনে লাজান্, কিয়া আমা পৌইদ্যেনে ভান্ন্যেই কধা কবার্ দঅ কিচ্চু ন-থেবঅ।

৩ যোহন 1:12

বেক্কুনে দীমীত্রিয়রে নাঙ্ গিনোদন্; এন্‌ কি, গোজেনর্ সত্যগানেয়ো সিয়েন গরের্। আমিয়ো তারে নাঙ্ গিনির্। তুই দঅ কোই পারচ্ আমি যিয়েন কোই সিয়েন সত্য।

১ শমূয়েল 2:24

নাদে, নাদে, মর্‌ পূঅগুন, লগেপ্রভুর মানুচ্চুনোর যেদক্কানি কধা কুয়ো কি গত্‌‌তে শূন্যং সিয়েনি গম্‌ নয়।