১ তীমথিয় 3:6 - Chakma Bible

⁶ মন্ডলীর পরিচালক্‌কো যেন নুয়ো বিশ্বেজি ন-অয়, কিয়া নুয়ো বিশ্বেজি অলে তে অয়ত দেমাগে ফুলি উদিবো আর শদানরে দিয়্যে সাজার যগাজ্জ্যে অবঅ।

১ তীমথিয় 3:6 Iomraidhean Croise

২ রাজাবলী 14:10

ইদোমরে ওদেই দিইনে ঘেচ্চেকগুরি তর্‌ দেমাক্ ওইয়্যে। জিদেনার বাড়্ গর্‌, মাত্তর্ নিজো ঘরত্‌ থাগ্‌। কিত্তে দযাগান্‌ ডাগি আনিবে আর সিয়েন লগে ডাগি আনিবে নিজোর্‌ আর যিহূদার ভস্ত অনাগান্?”

২ বংশধর 26:16

উষিয় বোলী ওই উদোনার্‌ পরেন্দি তা মনত্‌ বাড়্‌বোগান্ অলঅ আর সেক্কে তার্‌ অধপতন অলঅ। তে আগর্‌বাট্টি-পূজোত্‌ আগর্‌বাট্টি জ্বালেবাত্তে লগেপ্রভুর ঘরত্‌ সোমেইনে তার্‌ গোজেন প্রভুর বিরুদ্ধে পাপ গুরিলো।

২ বংশধর 32:25

মাত্তর্‌ হিষ্কিয়ো মনত্‌ বাড়্‌বো গরানাগান্ দেগা দিলো। তা উগুরে যে বাবোত্যে বর্‌ দিয়্যে ওইয়্যে সেই মজিম্ তে কাম্‌ ন-গরে; সেক্কে তা উগুরে আর যিহূদা আর যিরূশালেম উগুরে লগেপ্রভুর রাগ্‌ অলঅ।

গম্ উপদেজ্ 18:12

মান্‌জ্যর মনর্ বাড়্‌বো গরানাগানে ভস্ত অনা ডাগি আনে, মাত্তর্ নম্রগানে সর্মান আনে।

গম্ উপদেজ্ 29:23

বাড়্‌বো গরানাগানে মান্‌‌‌‌‌‌জ্যরে তলে ফেলায়, মাত্তর্ নম্র স্বভাবর মান্‌‌জ্যে সর্মান পান্।

যিশাইয় 2:12

বেগত্তুন্ খেমতাবলা লগেপ্রভু অহংকারী আহ্ বাড়্‌বো গোজ্যে মানুচ্চুনোরে আর যিগুনে গম্ পোজিশনত্ আগন্ বেক্কুনোত্তে এক্কো দিন ঠিগ্ গোজ্যে; সেদিন্যে তারারে বেক্কুনোরে তলে ফেলা অবঅ।

দানিয়েল 11:12

দোগিণো রাজা সৈন্যগুনোরে বন্দী গুরিনে নেযেবার পরেদি অহংকারে ভরা অবঅ আর আজার্ আজার্ মান্‌‌‌‌জ্যরে মারে ফেলেব, তো তে শেজদি ন-জিদিবো।

লূকে লেখ্যে গম্ হবর্ 10:18

যীশু তারারে কলঅ, “মুই শদানরে স্বর্গত্তুন্ আগাজ ঝিমিলেনি ধোক্ক্যেন্ গুরি পত্তে দেখ্যং।

১ করিন্হীয় 3:1

ভেইলগ্, যিগুনে আধ্যাতিক্ সেবাবোত্যে মানুচ্চুনো ইধু যেবাবোত্যে গুরি কধা কনা উচিত, মুই তমা ইধু সেবাবোত্যেগুরি কধা কোই ন-পারং, বরং যিগুনে পাপ-স্বভাবর্ অধীনোত্ আঘন্ তারা ইধু যেবাবোত্যেগুরি কধা কনা উচিত, সেবাবোত্যেগুরি তমা ইধু কোইয়োং। খ্রীষ্টিয় জিংকানিত্ তুমি দঅ এক্কুবারে চিগোন্ গুরো ধোক্ক্যেন, সেনত্তে তমা ইধু সেবাবোত্যেগুরি কধা কোইয়োং।

১ করিন্হীয় 8:1

এবার্ মুই মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, আমার্ বেক্কুনোর জ্ঞান আঘে। জ্ঞান মান্‌জ্যরে দেমাগ্ গরে, মাত্তর্ কোচ্‌পানা মান্‌জ্যরে গড়েই তুলে।

২ করিন্হীয় 12:7

ভালোক্কানি মইধু ফগদাং ওইয়্যে বিলিনে মুই যেন বাড়্‌বো ন-অং, সেই আজায় মরে দুঘ্ দিবাত্যে মর্ কিয়্যেগানত্ এক্কো কাদা, অত্তাৎ শদানর্ দূত দিয়্যে ওইয়্যে।

দ্বি’লম্বর বিররণ 17:20

ইয়েনত্যে অন্য ইস্রায়েলীয় ভেইয়ুনোত্তুন্‌ নিজোরে দাঙর্‌ গুরি চেবার মনভাব তার্‌ মনত্‌ ন এবঅ আর রীদি-সুদোমত্তুন্ তে ইন্দি উন্দি সুরি ন যায়। ইয়েন্দোই তে আর তার বংশধরুনে ইস্রায়েলীয়গুনো উগুরে ভালোকদিন সং রাজাগিরি গুরি পারিবাক্।

দ্বি’লম্বর বিররণ 8:14

সেক্কে তুমি বার্বো ওইনে উদিবা আর যিবে মিসর দেজর্‌ চাগর্‌ খাদানাত্তুন্‌ তমারে নিগিলেই আন্যে তমার সেই গোজেন লগেপ্রভুরে তুমি ভুলি যেবা।

১ তীমথিয় 3:7

বারেদি মানুচ্চুনো ইধু তার সুনাঙ্ থানা দরকার, যেন তে বদ্‌নাঙর্ ভাগী ন-অয় আর শদানর্ ফালত্ ন-পড়ে।

১ তীমথিয় 6:4

তে কিচ্চু ন-বুঝে; কোজ্জ্যে আর তর্কাতর্কি গরানা যেন তার্ এক্কান পিড়ে ওই যায়।

২ তীমথিয় 3:4

তারা বেঈমান, একগোঙ্যে আর বাড়্‌‌বো অবাক্। গোজনরে কোচ্‌ ন-পেইনে তারা সংসারর্ সুগ্‌‌কানরে কোচ্‌পেবাক্।

১ পিতর 2:2

এই ইক্কিনে জোর্মেয়্যেদে চিগোন্ গুরো ধোক্ক্যেন তমার্ আধ্যাত্মিকভাবে বাড়িবাত্যে খাটি দুধ পেবাত্যে তুমি ভারী আওজি অ, যেন সিয়েন্দোই বাড়দে বাড়দে তুমি পুরোপুরি উদ্ধোরর্ ইন্দি উজেই যেই পারঅ।

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”

২ পিতর 2:4

স্বর্গদূত্‌তুনে যেক্কে পাপ গোজ্জ্যন সেক্কে গোজেনে তারারে ইরি নঅ-দে বরং নরগর্ আন্ধার গাঢত্ ফেলে দিইনে বিচারত্যে থোই দিয়্যে।

যিহূদা 1:6

ইয়েনবাদে যে স্বর্গদূত্‌তুনে নিজোর্ অধিকারান রোক্ষ্যে ন-গুরিনে নিজোর্ জাগায়ানি ফেলেই যেইয়োন তারার কধানি ইদোত্ তুলো। সেই দাঙর্ দিন্নোর্ বিচেরর্ আজায় গোজেনে তারারে উমরত্যে আন্ধারত্ বানি থোয়্যে।