১ তীমথিয় 2:9 - Chakma Bible

⁹ মুই ইয়েন্অ চাং যেন মিলেগুনে ভদ্র গুরিনে আর গম্ বিচেরবুদ্ধি বেবহার গুরিনে যগাজ্জ্যে কাবড়-চুগোর্ পিনোন্। তারা যেন নানান্ বাবোত্যে চুলোর্ ঝুদো বানন্, সোনা আর মুক্তোর গয়না পিনোন্ আর মংগা মংগা কাবড়-চুগোড়্‌লোই নিজোরে ন-সাজান্।

১ তীমথিয় 2:9 Iomraidhean Croise

পত্থম 24:53

সে পরেদি তে সোনা আর রুবোর্‌ অলংকার আর কাবড়-চুগোড় নিগিলেনে রিবিকারে দিলো, আর রিবিকার ভেই আহ্‌ মাবোরেয়ো বোউত্‌ মংগা মংগা পযাপিরা দিলো।

২ রাজাবলী 9:30

ইয়েনর্ পরেন্দি যেহূ যিষ্রিয়েলত্‌ গেলঅ। ঈষেবলে সে কধাগান শুনিনে চোগোত্‌ কাজল্‌ দিইনে আর দোল্‌ গুরি চুল বানিনে জান্দালান্দি চেলঅ।

ইষ্টের 5:1

ইষ্টেরে তিন দিনোর্ দিন্নোত্‌ রাণীর পোজাক্‌ উরিনে রাজার ঘর মুজুঙোত্‌ রাজঘর ভিদিরে দরবারত্‌ যেইনে থিয়্যেল। রাজা দোরান ইন্দি মু গুরিনে সে ঘর ভিদিরে সিংহাসনত্‌ বুয়োই এলঅ।

গীতসংহিতা 149:4

কিত্তে লগেপ্রভু তা মানুচ্চুন্দোই হুজি অয়; তে নম্র মানুচ্চুনোরে উদ্ধোর্ গুরিনে সর্মান গরে।

গম্ উপদেজ্ 31:22

বিচ্চোনত্তে তে চাদর্ বানায়; তে নিজেয়ো মসীনার কাবড় আর মংগা বিগুনো রঙর্ কাবড় উরে।

গম্ উপদেজ্ 31:25

খেমতা আর সর্মানান অলঅ তার পোজাক্; ভবিচ্চদর দিনুনো কধা ভাবিনে তার কনঅ চিদে-চজ্জা ন-অয়।

গম্ উপদেজ্ 7:10

সে অক্তত্ এক্কো মিলে তা লগে দেগা গুরিবাত্তে নিগিলি এলঅ; তা কিয়্যেত্ বেশ্যেমিলের্ পজাক্ উজ্যে আর তা মনান্ এলদে ছলনালোই ভরা।

যিশাইয় 3:16

লগেপ্রভু আরঅ কলঅ, “সিয়োনর মিলেগুন্ বাড়্‌বো। তারা মাঢাবো উজু গুরি আঢি বেড়ান্ আর চোগেদি ইজিরে দুয়োন্; টেঙ নূপুরোর্ রুম্‌ঝুম রঅবো তুলিনে তারা পাদল্ টেঙানিলোই কায়দা গুরিনে আঢন্।

যিশাইয় 61:4

তারা আগ দিনোত্ ভস্ত ওইয়্যে জাগানি আরঅ তুলিবাক আর ঠিগ্ গুরিবাক। যেদক্কানি শঅর্ বংশর পর বংশ ধুরিনে ভস্ত ওই যেইয়্যে সিয়েনি তারা আরঅ নূয়ো গুরি বানেবাক্।

যিরমিয় 2:32

কনঅ মিলে কি তার অষ্‌‍‍ট অলংকার পৌইদ্যেনে ভুলি যেই পারে? কনঅ নূয়ো বৌ কি তার মেলার সনা-রুবো পৌইদ্যেনে ভুলি যেই পারে? মাত্তর্ মঅ মানুচ্চুনে ভালোক্ দিন ধুরিনে মরে ভুলি রোইয়োন।

যিরমিয় 4:30

ও ভস্ত ওইয়্যে সেই শঅরান, তুই কি গুরিবে? কিত্তে রাঙা রংয়র কাবড় আর সোনার গহনা পিন্যচ্? কিত্তে চোগোত্ কাজল্ গুল্যচ্? তুই অনত্তক্ নিজোরে সাজেয়োজ্। তর্ লাঙুনে তরে ঘিনেবাক্, তারা তঅ পরাণান নিবার চেট্ট্যা গুরিবাক্।

মথি লেখ্যে গম্ হবর্ 11:8

সিয়েন ন-অলে কি চেবাত্তে যেইয়ো? দোল্ কাবড় উজ্যে কনঅ মান্‌জ্যরে চেবাত্তে নাকি? আজলে যিগুনে দোল্ কাবড় উরোন্ তারা রাজঘরত্ থান্।

১ তীমথিয় 2:10

সিয়েনর্ বদলে যেন তারা গম গম কাম্বোই নিজোরে সাজান্। যে মিলেগুনে নিজোরে গোজেন-ভক্ত কোই থান্ সেই মিলেগুনোত্যে সিয়েনই অবঅ যগাজ্জ্যে কাম্।