১ তীমথিয় 2:7 - Chakma Bible

⁷ আর এ সাক্ষ্যগান দিবাত্যে গোজেনে মরে প্রচারক, দূত আর অযিহূদীগুনো ইধু বিশ্বেজ্ আর সত্যর্ মাষ্টর ইজেবে বেঈ লোইয়্যে। মুই সত্য কধাগান্ কঙর্, মিজে ন-কঙর্।

১ তীমথিয় 2:7 Iomraidhean Croise

গীতসংহিতা 111:7

তার্ বেক কামানিত্ তে বিশ্বেজি আর অমকদ গম; তার বেক সুদোমানি বিশ্বেজ্ গুরিবার।

উপদেশক 1:12

মুই উপদেশক; মুই যিরূশালেম ইস্রায়েল উগুরে রাজা এলুং।

উপদেশক 7:27

উপদেশকে কোইয়্যেদে, “চাহ্”, বেক্কানির্ পিজেদি যে সল্লাগান্ আঘে সিয়েন্ তোগেই চেবাত্তে মুই উজেই যেইনে কয়েক্কান পৌইদ্যেনে হবর্ পেলুং।

যোহন 7:35

যীশুর এ কধাগান্দোই যিহূদী নেতাগুনে নিজো ভিদিরে কুয়ো কি গরা ধুরিলাক্, “এ মানুচ্চো কুধু যেবঅ যে, আমি তারে তোগেই ন-পেবং? অযিহূদীগুনো ভিদিরে যে যিহূদীগুন্ ছিদি পোজ্যে আগন্, তে কি সিধু যেইনে অযিহূদীগুনোরে শিক্ষ্যে দিবো?

প্রেরিত্‌ 14:27

আন্তিয়খিয়াত্ লুমিনে মন্ডলীর বেক্কুনোরে তারা এক জাগাত্ থুবেলাক্ আর গোজেনে তারা মাধ্যমে যিয়েনি গোজ্জ্যে সিয়েনি বেক্কানি কলাক্। গোজেনে কেধোক্ক্যেন্ গুরি অযিহূদীগুনোরে সুযোগ গুরি দিয়্যে যাতে তারা খ্রীষ্ট উগুরে বিশ্বেজ্ গুরি পারন্ সিয়েনিয়ো কলাক্।

প্রেরিত্‌ 22:21

সেক্কে প্রভু মরে কলঅ, তুই যাহ্, মুই তরে দূরোত্ অযিহূদীগুনো ইধু পাধেম্।

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

রোমীয় 1:9

গোজেন পুয়ো পৌইদ্যেনে গম্ হবর্ প্রচার গুরিনে মর্ বেক্ মনান্দোই মুই গোজেনরে সেবা গরঙর্। মুই যেদক্ বার্ তবনা গরং সেদক্ বার্ যে তমা কধানি ইদোত্ তুলোং, তেয়ই সিয়েনর্ সাক্ষী।

রোমীয় 10:14

মাত্তর্ যিবে উগুরে তারা বিশ্বেজ্ ন-গরন্ তারে কেধোক্ক্যেন্ গুরি ডাগিবাক্? যিবে পৌইদ্যেনে তারা ন-শুনোন্ তা উগুরে কেধোক্ক্যেন গুরিনে বিশ্বেজ্ গুরিবাক্? প্রচারক ন-থেলে তারা কেধোক্ক্যেন্ গুরিনে শুনিবাক্?

রোমীয় 11:13

অযিহূদীগুন, মুই তমারে কঙর্, অযিহূদীগুনো ইধু প্রচারক্ ইজেবে মুই মর্ কামানরে ভারী সর্মানর্ চোগেদি দেগঙর্।

রোমীয় 9:1

খ্রীষ্ট সমারে মিজেইনে মুই কঙত্তে, মনত্ দুঘে বুগ্ ভাঙের্ আর চিদোত্ পুদের্, আর এ কধাগান সত্য, মিজে নয়। মঅ বিবেগ্‌কান্অ পবিত্র আত্মা সমারে মিজেইনে সেই একই সাক্ষ্য দের্।

১ করিন্হীয় 9:1

মুই কি স্বাধীন নয়? মুই কি প্রচারক্ নয়? আমা প্রভু যীশুরে কি মুই ন-দেগং? প্রভুত্যে মুই যে কাম্ গোজ্জ্যং তুমি কি সিয়েনর্ ফল নয়?

২ করিন্হীয় 11:31

আমা প্রভু যীশু খ্রীষ্টর্ গোজেন আর বাপ্, যিবে উমরত্যে বাঈনী পেবার্, তে কোই পারে মুই মিজে কধা ন-কঙর্।

গালাতীয় 1:16

মুই যেন অযিহূদীগুনো ইধু খ্রীষ্ট পৌইদ্যেনে গম হবর্ প্রচার গরং, ইয়েনত্যে গোজেনে যেক্কে তার্ আওজ্ মজিম তা পুয়োবোরে মইধু ফগদাং গুরিলো সেক্কে মুই কনঅ মান্‌জ্য লগে সল্লা ন-গরং।

গালাতীয় 1:20

গোজেনে সাক্ষী, মুই তমা ইধু যিয়েন লেগঙর্ সিয়েনর্ কিচ্চু মিজে নয়।

গালাতীয় 2:16

মাত্তর্ তো আমি এ কধাগান্ কোই পারিই যে, রীতি-সুদোম্ পালেবাত্যে গোজেনে মান্‌জ্যরে নিদ্দুযি বিলিনে মানি ন-লয়, বরং যীশু খ্রীষ্ট উগুরে বিশ্বেজর্ কারনে মানি লয়। সেনত্যে আমিয়ো খ্রীষ্ট যীশু উগুরে বিশ্বেজ্ গোজ্জ্যেই, যেন রীতি-সুদোম্ পালেবাত্যে নয় বরং খ্রীষ্ট উগুরে বিশ্বেজর্ কারনে আমারে নিদ্দুজি বিলিনে মানি লুয়ো অয়; কিয়া রীতি-সুদোম্ পালানার্ কারনে কাররে নিদ্দুজি বিলি মানি লুয়ো ন-অবঅ।

গালাতীয় 2:9

সেই গণ্যমান্য মানুচ্চুনে, অত্তাৎ যাকোব, পিতর আর যোহনে ইয়েনি দেগিনে বুঝি পাজ্জ্যন্দে, মুই গোজেনত্তুন্ বিশেষ দোয়্যে পেইয়োং। তারার্ আর আমা ভিদিরে যে উদো-লোলি আঘে সিয়েন দেগেবাত্যে তারা মর্ আর বার্ণবার্ লগে ডেন্ আঢ্‌তানি মিলেলাক্। তারা রাজী অলাক্কে যে, আমি অযিহূদীগুনো ইধু যেবং আর তারা নিজেই যিহূদীগুনো ইধু যেবাক্।

গালাতীয় 3:9

সালে দেগা যায়, গোজেনরে বিশ্বেজ্ গুরিনে অব্রাহামে যেধোক্ক্যেন বর্ পেইয়্যে ঠিগ্ সেধোক্ক্যেন গুরি সে পরেত্তুন্ ধুরি যিগুনে গোজেনরে বিশ্বেজ্ গোজ্জ্যন্ তারায়ো সেই বর্ পাদন্।

২ তীমথিয় 1:11

আর এই গম্ হবরান জানেবাত্যে মরে প্রচারক, মাষ্টর ইজেবে নেযা ওইয়্যে।

২ পিতর 2:5

আর তে সেই পুরোণি জগদ্‌তানরেয়ো ইরি ন-দে, বরং গোজেন উগুরে ভোক্তি-নেইয়্যে মানুচ্চুনো উগুরে পানি বান্ আন্ন্যে; মাত্তর্ নোহ আর অন্য সাতজনরে তে বাজেয়্যে। এই নোহ গোজেন-ভোক্তি পৌইদ্যেনে ফগদাং গুরিদো।