১ তীমথিয় 2:5 - Chakma Bible

⁵ গোজেন বানা একজন আঘে আর গোজেন আহ্ মান্‌জ্যরে মিলেমিলি গুরি দিবাত্যেয়ো বানা একজন আঘে। সেই মিলেমিলি গুরি দিয়্যেবো অলঅ মানুচ্‌ খ্রীষ্ট যীশু।

১ তীমথিয় 2:5 Iomraidhean Croise

ইয়োব 9:33

আহ্‌, যুনি এধোক্ক্যেন্‌ কনজন থেদাক্‌ যিবে আমা ভিদিরে মগদ্দমা গুরি দি পারে আহ্‌ যিবের্‌ কধা আমি দ্বিজনে মানি নেযেই পারিই;

যিশাইয় 44:6

লগেপ্রভু, যিবে ইস্রায়েলর রাজা আর উদ্ধোরগুরিয়্যে, যিবে বেগত্তুন্ খেমতাবলা লগেপ্রভু, তে এ কধাগান কোইয়্যেদে, “মুয়ই পত্তম আর মুয়ই শেজ্; মুই বাদে আর কনঅ গোজেন নেই।

মথি লেখ্যে গম্ হবর্ 1:1

যীশু খ্রীষ্ট দায়ূদ বংশর আর দায়ূদে অব্রাহাম বংশর মানুচ্। যীশু খ্রীষ্টর বংশর্ নাঙানি:

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

লূকে লেখ্যে গম্ হবর্ 14:22

ইয়েনি বেক্কানি গরানার্ পরেদি সেই চাগর্‌বো কলঅ, ‘প্রভু, তঅ উগুম্ মজিম্ বেক্কানি গরা ওইয়্যে, মাত্তর্ এজঅ বোউত্ জাগা আঘে।’

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

প্রেরিত্‌ 4:12

পাপত্তুন্ উদ্ধোর্ আর কারঅ ইধু পাহ্ ন-যায়, কিয়া গোদা পিত্‌থিমীত্ আর এমন্‌ কেঅ নেই যিবের্ নাঙে আমি পাপত্তুন্ উদ্ধোর্ পেই পারিই।”

রোমীয় 1:3

সেই গম্ হবরান্ অলঅ তার্ পুয়োবো পৌইদ্যেনে। সেই পুয়োবো যীশু খ্রীষ্ট, আমার্ গিরোজ্। কিয়্যেগানদি তে রাজা দায়ূদোর গুট্টি এলঅ, আর তার্ পাপ-নেইয়্যে আত্মাগান ইন্দিত্তুন্ তে দাঙর্ খেমতালোই মরণত্তুন্ জেদা ওইনে গোজেনর্ পুয়ো ইজেবে ফগদাং ওইয়্যে।

রোমীয় 10:12

যিহূদী আর অযিহূদীগুনো ভিদিরে কনঅ বেচ্‌কম্ নেই, কিয়া বেক্কুনোর্ এক্কো প্রভু। যিগুনে তারে ডাগন্ তে তারা উগুরে জদবদে বর্ দে।

১ করিন্হীয় 8:4

এবেরা মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, জগদত্ মূত্তি আজলে কিচ্চু নয় আর গোজেন্অ বানা একজন বাদে আর নেই।

১ করিন্হীয় 8:6

মাত্তর্ আমাত্তে গোজেন বানা এক্কো আঘে। তেয়ই বাপ্; তাত্তুন্ বেক্কানি এচ্চ্যে আর তাত্তেই আমি বাঁজি আঘিই। আর প্রভুয়ো আমার বানা এক্কো, তে যীশু খ্রীষ্ট। তা মাধ্যমে বেক্কানি এচ্চ্যে আর তা মাধ্যমে আমি বাঁজি আঘিই।

গালাতীয় 3:20

মাত্তর্ বানা একজন থেলে সংমোধ্যের্ দরকার্ ন-অয়; আর গোজেন বানা একজন।

ইফিষীয় 4:6

বেক্কুনোর গোজেন আর বাপ বানা একজনই আঘে। তে বেক্কুনো উগুরে; তেয়ই বেক্কুনো ইধু আর বেক্কুনো মনত্ আঘে।

দ্বি’লম্বর বিররণ 6:4

ইস্রায়েলীয়গুন, শুনো, আমার গোজেন লগেপ্রভু এক্কো।

১ তীমথিয় 6:13

গোজেন, যিবে বেক্কুনোরে জিংকানি দান গরে আর খ্রীষ্ট যীশু, যিবে পন্তীয় পীলাত মুজুঙোত্ সত্যর্ পৌইদ্যেনে সাক্ষ্য দিয়্যে, সেই গোজেন আর খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

ইব্রীয় 12:24

যিবে এক্কান নূয়ো সুদোমর্ কারিদ্যেং সেই যীশু ইধু এচ্চ্য; আর হেবল লো-গানত্তুন্ যে লো-গান্ আরঅ গম্ কধা কয়, তুমি সেই ছিদি দিয়্যে লো কায়কুরে এচ্চ্য।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

ইব্রীয় 8:6

মাত্তর্ ইক্কিনে আমি দেগির্, যীশু যে ধর্মগুরুর্ কামান পেয়্যে সিয়েন সেই ধর্মগুরুগুনোর্ কামত্তুন্‌অ বোউত্ উগুরে, যেধোক্ক্যেন গুরি যে সুদোমানর্ সংমধ্যে তে ওইয়্যে সেই সুদোমান আগ বেবস্থাত্তুন্অ বোউত উগুরে; কিয়া এ সুদোমান আরঅ গম্ গম্ এগেম উগুরে নির্ভর গরের্।

ইব্রীয় 9:15

গোজেনে যিগুনোরে ডাগিনে উমরত্যে অধিকার দিবার্ এগেম্ গোজ্জ্যে তারা যেন সিয়েন পান্ সেনত্যে খ্রীষ্ট এক্কান নূয়ো বেবস্থাগানর্ উগিল্ ওইয়্যে। এই অধিকারান পানা মান্‌জ্যত্যে সম্ভব ওইয়্যে, কিয়া পত্তম বেবস্থা অদেঅদে থেবার সময়োত্ মান্‌জ্যে যেদক্কানি পাপ গোজ্জ্যন সেই বেক্ পাপর্ আঢত্তুন্ মান্‌জ্যরে উদ্ধোর্ গুরিবার দাম ইজেবে খ্রীষ্ট পরাণান্ দিয়্যে।

১ যোহন 2:1

মর্ কোচ্‌পেইয়্যে পুয়ো-ছাগুন্, তুমি যেনে পাপ ন-গরঅ সেনত্যে মুই তমা ইধু এ বেক্‌ কধানি লেগঙর্। মাত্তর্ কেঅ যুনি পাপ গুরি ফেলান্ সালে বাবা ইধু আমার পৌইদ্যেনে কধা কবাত্যে একজন আঘে; তে অলঅ যীশু খ্রীষ্ট, যিবে নিদ্দুজি।

ফগদাং পেইয়্যে 1:13

সেই চেরাগ টগ্‌কুনোর সংমোধ্যে মান্‌জ্যপুয়োবো ধোক্ক্যেন কেঅ একজন এলঅ। তার্ কিয়্যেত্ টেং সং লাম্বা পজাক্ এলঅ আর তা বুগোত্ সনার্ ফিটে বান্ন্যে এলঅ।