১ তীমথিয় 2:10 - Chakma Bible

¹⁰ সিয়েনর্ বদলে যেন তারা গম গম কাম্বোই নিজোরে সাজান্। যে মিলেগুনে নিজোরে গোজেন-ভক্ত কোই থান্ সেই মিলেগুনোত্যে সিয়েনই অবঅ যগাজ্জ্যে কাম্।

১ তীমথিয় 2:10 Iomraidhean Croise

গম্ উপদেজ্ 31:25

খেমতা আর সর্মানান অলঅ তার পোজাক্; ভবিচ্চদর দিনুনো কধা ভাবিনে তার কনঅ চিদে-চজ্জা ন-অয়।

গম্ উপদেজ্ 31:31

তা কামর্ পাওনা সর্মান তারে দুয়ো; শঅর গেদোত্ তা কামানিয়ে তারে বাঈনী গোরোক্।

প্রেরিত্‌ 9:36

যাফো শঅরত্ টাবিথা নাঙে এক্কো মিলে শিচ্চ্য এলঅ। গ্রীক ভাষায় এ নাঙানর্ অত্ত দর্কা। তে আমিযে অন্যগুনোরে উপকার গুরিদো আর নাঢা মানুচ্চুনোরে সাহায্য গুরিদো।

প্রেরিত্‌ 9:39

সেক্কে পিতরে তারা সমারে গেলঅ। তে সিধু লুমোনার্ পরেদি সে উগুরে গুদিবোত্ তারে নেযা অলঅ। বেক্‌ রানি মিলেগুনে সেক্কে পিতর চেরোকিত্ত্যেদি থিয়্যেইনে কানা ধুরিলাক্ আর দর্কা বাঁজি থাগদে যে সিলুমুন আর অন্য কাবর্-চুগোড়ানি বানেয়্যে সিয়েনি পিতররে দেগেলাক্।

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

১ তীমথিয় 2:11

কধা ন-কোইনে আর পুরোপুরি বাধ্য থেইনে মিলেগুনে শিক্ষ্যে লাভ গোত্তোক্।

১ তীমথিয় 2:9

মুই ইয়েন্অ চাং যেন মিলেগুনে ভদ্র গুরিনে আর গম্ বিচেরবুদ্ধি বেবহার গুরিনে যগাজ্জ্যে কাবড়-চুগোর্ পিনোন্। তারা যেন নানান্ বাবোত্যে চুলোর্ ঝুদো বানন্, সোনা আর মুক্তোর গয়না পিনোন্ আর মংগা মংগা কাবড়-চুগোড়্‌লোই নিজোরে ন-সাজান্।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

তীত 3:8

এ কধানি বিশ্বেজ্‌ গুরিবার। মুই চাং, তুই ইয়েনি পৌইদ্যেনে জোর্ দে, যেনে গোজেন উগুরে যিগুনে বিশ্বেজ্ গোজ্জ্যন তারা অন্যগুনোরে উপকার গুরিবার কামত্ নিজোরে লাগি থেবাত্যেই মনানি দুয়োন। মান্‌জ্যর্ পক্ষে ইয়েনি বেক্কানি গম আর উপকারী।

১ পিতর 2:12

কারন সিয়েনিয়ে তমার আত্মার বিরুদ্ধে যুদ্ধো গরে। গোজেনরে যিগুনে ন-জানন্ তারা ভিদিরে তুমি গমেডালে চলঅ যেনে অন্যেয়গুরিয়্যে বিলিনে তারা তমারে নিন্দে গুরিলেয়ো তমা গম কামানি খিয়েল্ গরন্ আর বিচেরর্ দিনোত্ তমার্ সেই কামানিত্যে গোজেনরে বাঈনী গরন্।

২ পিতর 3:11

বেক্কানি যেক্কে এবাবোত্যেগুরি ভস্ত অবাত্যে যার্ সেক্কে তমার কিবাবোত্যে মানুচ্‌ অনা উচিত? আওজ্ গুরিনে গোজেন দিন্নোরে বাজ্জেই থেইনে তমার পবিত্র আর গোজেন উগুরে ভোক্তিবলা জিংকানি কাদানা উচিত। সেদিন্ন্যে দাঙর্ আগাজ্‌চান পুড়ি যাদে যাদে ভস্ত ওই যেবঅ আর বেলান-চানান আর তারাগুন আগুনোত্ গলি যেবাক্।

ফগদাং পেইয়্যে 2:19

মুই তর্ কামানি, তর্ কোচ্‌পানা, তর্ বিশ্বেজ্, তর্ সেবা আর তর্ ধৈজ্জ্যর্ কধা কোই পারং। আর তুই পত্তমে যেদক্কানি কাম গোজ্জ্যস্ সিয়েনিত্তুন্ বেশ্ ইক্কিনে যে আরঅ বেশ্ কাম গরর্ সে কধাগানঅ মুই কোই পারং।