১ তীমথিয় 2:1 - Chakma Bible

¹ পত্তমে মুই কঙর্, বেক্কুনোত্যে গোজেন ইধু যেন মিনতি, তবনা, কোজোলী আর ভালেদি জানা অয়।

১ তীমথিয় 2:1 Iomraidhean Croise

ইষ্রা 6:10

যেনে তারা স্বর্গর গোজেনর্ নাঙে গুজি লইদ্যেবাবোত্যে উৎসর্বর অনুষ্ঠান গুরি পারন আর রাজা আহ্ রাজার্ পুয়োগুনোর্ ভালেদিত্যে তবনা গুরি পারন।

গীতসংহিতা 72:19

জিংকানিবর্ তার মহিমাবলা নাঙানির্ নাং গিনে ওক্; পুরো দুনিয়াগান তার মহিমালোই পূরোন ওক্। আমেন, আমেন।

যিরমিয় 29:7

ইয়েনি বাদেয়ো যে শঅরত্ মুই তমারে বন্দী ইজেবে নেযেয়োং সিদুগোর্ ভালেদির্ চেরেস্‌‌টা গরঅ। ইয়েনত্তে মইধু তবনা গরঅ, কিত্তে যুনি সে শঅরর্ ভালেদি অয় সালে তমারঅ ভালেদি অবঅ।

প্রেরিত্‌ 17:30

আগ দিনো মানুচ্চুনে হবর্ ন-পেদাক্ বিলি গোজেনে ইয়েনি দেগিনেয়ো ন-দেগে। মাত্তর্ ইক্কিনে তে বেক্ জাগানিত্ বেক্ মানুচ্চুনোরে পাপত্তুন্ মনানি ফিরেবাত্তে উগুম্ দের্,

রোমীয় 1:8

পত্তমে মুই যীশু খ্রীষ্টর্ মাধ্যমে তমা বেক্কুনোত্যে মর্ গোজেনরে ভালেদি জানাঙর্, কিত্যে তমা বিশ্বেজর্ কধানি গোদা দুনিয়েগানত্ ছিদি পোজ্জ্যে।

রোমীয় 6:17

মাত্তর্ গোজেনর্ ভালেদি ওক্‌, কিয়া যুনিয়ো তুমি পাপর্ চাগর্ এলা তো যে শিক্ষ্যেগান্ তমারে দিয়্যে ওইয়্যে বেক্ মনান্দোই তুমি তার্ বাধ্য ওইয়ো।

১ করিন্হীয় 15:3

মুই নিজে যিয়েন পেয়োং সিয়েন বেগত্তুন্ দরকারী বিষয় ইজেবে তমারেয়ো দুয়োং। সেই বিষয়ান অলঅ ইয়েন-পবিত্র বোইবোর্ কধা মজিম খ্রীষ্ট আমার্ পাপত্যে মোজ্জ্যে,

২ করিন্হীয় 8:6

ইয়েন দেগিনে আমি তীতরে বিশেষ গুরিনে কোজোলি গোজ্জ্যেই, দান গুরিবার যে কামান্ তে তমা ইধু আরাম্ভ গোজ্জ্যে সিয়েন যেন তে থুম্ গরে।

ইফিষীয় 3:13

সেনত্যে মুই কোজোলি গরঙত্তে, তমাত্যে মুই দুঘ্-কষ্ট ভুগোঙর্ বিলিনে তুমি সাহচ্‌ ন-আরেয়ো, কিয়া সিয়েনি বেক্কানি তমার্ বাঈনী পেবাত্যে অর্।

ইফিষীয় 5:20

আমিঝে বেক্কানিত্যে আমা প্রভু যীশু খ্রীষ্টর্ নাঙে বাবা গোজেনরে ভালেদি জানঅ।

ইফিষীয় 6:18

পবিত্র আত্মালোই পরিচালিত ওইনে মনে-পরাণে নিত্য তবনা গরঅ। ইয়েনত্যে সজাগ্ থেইনে গোজেনর্ বেক্‌ মানুচ্চুনোত্যে আমিঝে তবনা গরানাত্ থাগঅ।

ফিলিপীয় 1:3

মুই যেদক্‌‌বার তমা কধা ইদোত্ তুলোং সেদক্‌‌বার মঅ গোজেনরে ভালেদি জানাং।

ফিলিপীয় 4:6

কনঅ বেপার্‌লোই চিন্তিত ন-ওইয়ো, বরং তমার বেক্‌ মাগানার্ বেপারানি ভালেদি জানেইনে গোজেনরে জানঅ।

১ থিষলনীকীয় 3:12

প্রভু গোরোক্, আমি যেধোক্ক্যেন তমারে কোচ্‌পেই ঠিগ্ সেধোক্ক্যেন গুরিনে তমার্‌অ একজন আরেকজনরে, এমন কি, বেক্কুনো উগুরে কোচ্‌পানা যেন থায়।

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

১ তীমথিয় 2:4

তে চায় যেন বেক্কুনে পাপত্তুন্ উদ্ধোর্ পান আর খ্রীষ্ট পৌইদ্যেনে সত্যগানরে মূড়োত্ পুরিনে বুঝি পারন্।

১ তীমথিয় 5:5

যে রাণী মিলেবোর্ কেঅ নেই তে গোজেন উগুরে আজা রাগেইনে দিন-রেত্ গোজেন ইধু তবনা আর কোজোলি গরানাত্ থায়।

২ তীমথিয় 2:24

যিবে প্রভুর চাগর্, তার কোল্-কোজ্জ্যে গরানা উচিত নয়, বরং তাত্তুন্ বেক্কুনো উগুরে দোয়্যেলু উয়ো পরিবো। তাত্তুন্ অন্যগুনোরে শিক্ষ্যে দানর্ খেমতা আর সোজ্জ্যগুণ থাহ্ পরিবো।

তীত 2:11

গোজেনর্ যে দোয়্যেলোই পাপত্তুন্ উদ্ধোর্ পাহ্ যায় সিয়েন বেক্‌ মানুচ্চুনো ইধু ফগদাং পেয়্যে।

তীত 3:2

তারা যেন কারঅ নিন্দে ন-গরন্ বা কোল্‌-কোজ্জ্যে ন-গরন্, বরং তারা যেন শান্ত খাচ্চ্যদর্ অন্ আর বেক্কুনো সমারে ভারী চিদে বেবহার গরন্।

ইব্রীয় 6:11

আমি চেই, তুমি পত্তিজনে যেন থুম্ সং এক্কুই আওজ্ দেগঅ। সেক্কে তুমি পুরোপুরি গুরি নিচ্চিত্ অবা যে, তমার আজাগান পূরোণ অবঅ।

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।