১ তীমথিয় 1:16 - Chakma Bible

¹⁶ আর সেনত্যে গোজেনে মরে দোয়্যে গোজ্জ্যে, যেন আজল্ পাপী যে মুই, মর্ মাধ্যমে খ্রীষ্ট যীশু তার্ ধৈজ্জ্যগান্ দেগেই পারে। তা উগুরে বিশ্বেজর্ কারনে যিগুনে উমর্‌অ জিংকানি পেবাক্ তারা যেন মরে দেগিনে শিগিই পারন্ সেনত্যে তে মঅ উগুরে এবাবোত্যে গোজ্জ্যে।

১ তীমথিয় 1:16 Iomraidhean Croise

২ বংশধর 33:19

তার্‌ তবনাগানর কধানি, তার্‌ কোজোলিগান্দোই গোজেন মনান্‌ নরম অনার্‌ কধাগান, তার্‌ বেক্‌ পাপ্পানি আর অবিশ্বেজর্ কধানি আর তে নিজোরে গোজেন মুজুঙোত্‌ চিগোন্‌ গুরিবার আগেন্দি পূজোর্‌ যেদক্কানি অজল্‌ জাগা বানেয়্যে আর আশেরা-খুদো আরে কাবিনে লেখ্যে মূত্তি থিদেবর্ গোজ্যে সে বেক্‌ কধানি দেগিয়্যেগুনোর্‌ বোইয়োত্‌ লেগা আঘে।

গীতসংহিতা 25:11

মর্ অন্যেয়র বুধিবো অমকদ বেশ্, সেনত্তে ও লগেপ্রভু, তর্ নাঙান্ রোক্ষ্যে গুরিবাত্তেই মর্ সেই অন্যেয়ানি তুই খেমা গর্।

যাত্রা 34:8

এ কধাগান শুনিনে মোশি সেক্কে মাদিত্‌ মাদা নিগিরিনে তারে ভোক্তি জানেইনে কলঅ‌, “ও প্রভু, মঅ উগুরে যুনি তর্‌ দোয়্যে থায়্‌ সালে তুই আমা লগে আদিচ্। যুনিয়ো এ মানুচ্চুনে একবুচ্চ্যে তো তুই আমার্‌ ভান্ন্যেইয়ানি আর পাপ্পানি ক্ষেমা গুরিনে তর্‌ নিজোর্‌ বিলি আমারে মানি লঅ‌।”

যিশাইয় 1:18

লগেপ্রভু আরঅ কোইয়্যেদে, “ইক্কিনে এজঅ, আমি বুঝোপাড়া গুরিই। যুনিয়ো তমার্ বেক্ পাপ্পানি দোক্ দোক্ক্যে রাঙা ওইয়্যে তো সিয়েনি বরফ ধোক্ক্যেন ধুব্ অবঅ; যুনিয়ো সিয়েনি রাঙা রঙর্ ওইয়্যে তো সিয়েনি ভেড়া কেশ ধোক্ক্যেন্ ধুব্ অবঅ।

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

গণাণা 23:3

সে পরেদি বিলিয়মে বালাকরে কলঅ, “যে য়েমানুন্‌দোই পুজ্যে-উৎসর্বর অনুষ্ঠানান গরা অলঅ তুই সিগুনো ইদু থাক্‌ আর মুই উন্দি যাঙর্‌। দগেনলে লগেপ্রভু মঅ লগে দেগা গুরিবাত্তে এবঅ। তে মইদু যিয়েনি ফগদাঙ্‌ গুরিবো মুই সিয়েনি তইদু কোম্‌।” এই কধাগান কোইনে বিলিয়মে এন্‌ এক্কো মুড়ো উগুরে উদিলো যিয়েনত্‌ কনঅ গাজ্‌পালা ন-এলাক্।

লূকে লেখ্যে গম্ হবর্ 15:10

মুই তমারে কঙর্, ঠিগ্ সেবাবোত্যেগুরি এক্কো পাপী পাপত্তুন্ মন্ ফিরেলে গোজেন দূত্‌তুনো ইধু হুজী অয়।”

লূকে লেখ্যে গম্ হবর্ 23:43

জোবত্ যীশু তারে কলঅ, “মুই তরে ঘেচ্চ্যেক্‌গুরি কঙর্, তুই এচ্চ্যে মঅ সমারে স্বর্গত্ লুমিবে।”

লূকে লেখ্যে গম্ হবর্ 7:47

সেনত্তে মুই তরে কঙর্, তে বেশ্ কোচ্‌পানা দেগেয়্যে বিলি বুঝো যাত্তে, তার্ পাপ বেশ্ অলেয়ো সিয়েনি খেমা গরা ওইয়্যে। যিবের্ থরা খেমা গরা অয় তে থরা কোচ্‌পানা দেগায়।”

যোহন 20:31

মাত্তর্ ইয়েনি বেক্কানি লেগা অলঅ যাতে তুমি বিশ্বেজ্ গরঅ, যীশুই মশীহ, গোজেনর্ পুয়ো, আর বিশ্বেজ্ গুরিনে যেন তা মাধ্যমে জিংকানি পঅ।

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

যোহন 5:24

মুই তমারে ঘেচ্চ্যেক্‌গুরি কঙর্, মঅ কধা যে শুনে আর মরে যে দিপাধেয়্যে তারে বিশ্বেজ্ গরে তার্ উমর্‌অ জিংকানি আঘে। তারে দুষি বিলিনে ঠিগ্ গরা ন-অবঅ; তে দঅ মরণত্তুন্ জিংকানিত্ পার্ ওই যেয়্যে।

যোহন 6:37

বাবা মরে যিগুনোরে দে তারা বেক্কুনে মঅ ইধু এবাক্। যে মইধু এজে মুই তারে কনবাবদে বারেদি ফেলেই ন-দিম্,

যোহন 6:40

মঅ বাপ্পো আওজ্‌চান্ ইয়েন-তমা ভিদিরে যিগুনে পুয়োবোরে দেগিনে তা উগুরে বিশ্বেজ্ গরন্ তারা যেন উমর জিংকানি পান্। আর মুয়ই তারারে শেজ্ দিনোত্ জেদা গুরি তুলিম্।”

যোহন 6:54

যুনি কেঅ মর্ য়েরাগান্ আর লো-গান্ খায় তে উমর্‌অ জিংকানি পায়, আর মুই শেজ্ দিনোত্ তারে জেদা গুরি তুলিম্।

প্রেরিত্‌ 13:39

তুমি মোশির রীতি-সুদোম্বোই পাপর্ সাজাত্তুন্ রেহাই ন-পঅ, মাত্তর্ যে কেঅ যীশু উগুরে বিশ্বেজ্ গরে তে পাপর্ সাজাত্তুন্ রেহাই পায়।

রোমীয় 15:4

পবিত্র বোইবোত্ যিয়েনি আগে লেগা ওইয়্যে সিয়েনি আমার্ শিক্ষ্যাত্যে লেগা ওইয়্যে, যাতে সেই বোইবোত্তুন্ আমি ধৈজ্জ্য আর উচ্চোমি পেই আর সিয়েনর্ কারনে আজা পেই।

রোমীয় 6:23

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

১ করিন্হীয় 7:25

গাবুজ্যে মিলেগুনোত্ত্যে প্রভুত্তুন্ কনঅ উগুম মুই ন-পাং। মাত্তর্ গোজেনর্ দোয়্যে পেইনে মুই বিশ্বেজবলা ওইয়োং বিলিনে মঅ কধাগান জানাঙর্।

২ করিন্হীয় 4:1

এই বেবস্থাগানর্ কধা জানিবার ভারান্ গোজেনে দোয়্যে গুরিনে আমারে দিয়্যে বিলিনে আমি আজা ন-আরেই।

ইফিষীয় 1:12

আমি যিগুনে আগেদি খ্রীষ্ট উগুরে আজা গোজ্জ্যেই, তেয়ই আমা মাধ্যমে যেন গোজেনর্ মহিমার্ বাঈনী গরা অয় সেনত্যে তে আমারে বেঈ লোইয়্যে।

ইফিষীয় 1:6

তে ইয়েন গোজ্জ্যেদে যেন তে তার্ কোচ্‌‌‌পানার্ পুয়োবোর্ মাধ্যমে মাগানা মহিমাভরা দোয়্যে আমারে গোজ্জ্যে সিয়েনর্ বাঈনী অয়।

ইফিষীয় 2:7

তে এই কামান্ গোজ্জ্যেদে যেন তে তার্ অমকদ দোয়্যেগান্ আগামিদি যুগ্ যুগ্ ধুরি দেগেই পারে। তে খ্রীষ্ট যীশুর্ মাধ্যমে আমা উগুরে দোয়্যে গুরিনে যিয়েনি গোজ্জ্যে সিয়েনিলোই তার্ এই দোয়্যেগান ফগদাং পেইয়্যে।

১ তীমথিয় 1:13

যুনিয়ো মুই আগে খ্রীষ্টরে বদ্‌নাঙ গত্তুং আর অত্যেচারী আহ্ ভান্ন্যেইরাগী এলুং তো মরে তে এ কামত্ বেঈ লোইয়্যে। মরে তে দোয়্যে গোজ্জ্যে, কিয়া মর্ অবিশ্বেজত্যে মুই হবর্ ন-পেইনে সিয়েনি বেক্কানি গত্তুং।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

১ পিতর 3:20

ভালোক্ দিন আগে নোহর সেই জাহাজ্‌চান বানেবার সময়োত্ গোজেনে যেক্কে ধৈয্য ধুরিনে বাজ্জেই রোইয়্যে সেক্কে যিগুনে অবাধ্য ওইয়োন এ আত্মাগুন তারার্। সেই জাহাজত্ উদিনে বানা কয়েক্‌জন, অত্তাৎ বানা আস্‌টোজন সেই পানিগানত্তুন্ বাচ্চ্যন্।

২ পিতর 3:15

মনত্ রাগেয়ো, মান্‌জ্যরে পাপত্তুন্ উদ্ধোর্ পেবার সুযোগ দিবাত্যে আমা প্রভু ধৈজ্জ্য ধুরি আঘে। এই একই কধা আমার পরাণর্ ভেই পৌল-অ গোজেনর্ দিয়্যে জ্ঞানে তমা ইধু লেখ্যে।

২ পিতর 3:9

কনঅ কনঅ মান্‌জ্যে মনে গরন্ প্রভু তার্ এগেমান্ পূরোণ গত্তে দেরি গরের্, মাত্তর্ সিয়েন নয়। আজলে তে তমা উগুরে ধৈজ্জ্য ধরের্, কিয়া কেঅ যে ভস্ত ওই যায় তে সিয়েন ন-চায়, বরং বেক্কুনে যেন পাপত্তুন্ মনানি ফিরান ইয়েনই তে চায়।