১ তীমথিয় 1:15 - Chakma Bible

¹⁵ এ কধাগান বিশ্বেজ্‌বলা আর পুরোপুরি গুরিনে মানি লবার্‌অ যগাজ্জ্যে যে, পাপত্তুন্ পাপীগুনোরে উদ্ধোর্ গুরিবাত্যে খ্রীষ্ট যীশু জগদত্ এচ্চ্যে।

১ তীমথিয় 1:15 Iomraidhean Croise

ইয়োব 42:6

সেনত্তে মুই যিয়েনি কোইয়োং সিয়েনি ইক্কিনে ফিরেই নেযাঙর্, আর ধূল্যে আর ছেইয়ো ভিদিরে বোইনে আবিলেচ্ গরঙর্।”

যিহিষ্কেল 16:63

মুই যেক্কে তর্ বেক অন্যেয়ানি খেমা গুরিম সেক্কে তুই সেই বেক্ অন্যেয় কামানির্ কধা ইদোত্ তুলিনে লাজেবে আর তর্ অসর্মানত্তে আর কনদিন্‌অ মুয়োন ন-খুলিবে। মুই প্রভু লগেপ্রভু এ কধাগান কঙর্।”

মথি লেখ্যে গম্ হবর্ 1:21

তুই তা নাঙান্ যীশু রাগেবে, কিত্যে তে তা মানুচ্চুনোরে তারার্ পাপত্তুন্ উদ্ধোর্ গুরিবো।”

মথি লেখ্যে গম্ হবর্ 18:10

চেয়ো, তুমি যেন এ চিগোন্ গুরোগুনো ভিদিরে একজনরেয়ো ঈচ্ ন-গরঅ। মুই তমারে কঙর্, স্বর্গত্ তারার্ দূত্‌তুনে নিত্য মঅ স্বর্গর্ বাপ্পো মুয়োন্ দেগদন্।

মথি লেখ্যে গম্ হবর্ 18:11

যিয়েনি আযি যেইয়্যে সিয়েনি উদ্ধোর্ গুরিবাত্তে মান্‌জ্য পুয়োবো এচ্চ্যে। তুমি কি মনে গরঅ?

মথি লেখ্যে গম্ হবর্ 20:28

ইদোত্ রাগেয়ো, মান্‌জ্যপুয়োবো সেবা পেবাত্তে ন-এজে বরং সেবা গুরিবাত্তে এচ্চ্যে আর ভালোক্কুন্ মান্‌জ্যর্ উদ্ধোরর্ দাম্ ইজেবে তারা পরাণানির্ বদলে নিজো পরাণান্ দিবাত্তে এচ্চ্যে।”

মথি লেখ্যে গম্ হবর্ 9:13

‘মুই দোয়্যে দেগিবাত্তে চাং, য়েমান্-উৎসর্ব নয়’-পবিত্র বোইবোত্ এ কধাগানর্ অত্ত কি, সিয়েন যেইনে তোগেইনে নিগিলো। যিগুন্ ধার্মিক তারারে মুই ডাগিবাত্তে ন-এজং, বরং পাপীগুনোরে ডাগিবাত্তে এচ্চ্যং।”

মার্ক 2:17

এ কধাগান্ শুনিনে যীশু সেই ধর্ম-মাষ্টরুনোরে কলঅ, “গম্ মানুচ্চুনোত্তে ডাক্তরর্ দরকার নেই বরং পীড়েল্যেগুনোত্তে দরকার্ আঘে। মুই ধার্মিক্‌‌কুনোরে ডাগিবাত্তে ন-এজং বরং পাপীগুনোরে ডাগিবাত্তে এচ্চ্যং।”

লূকে লেখ্যে গম্ হবর্ 15:2

ইয়েন্দোই ফরীশীগুনে আর ধর্ম মাষ্টরুনে ইয়েন কোইনে তোইচ্চ্যে পেইনে কুয়ো ধুরিলাক্, “এ মানুচ্চো বজং মানুচ্চুনো সমারে মিজেই আর হানা-দানা গরে।”

লূকে লেখ্যে গম্ হবর্ 19:10

যিগুনে আঝি যেয়োন্ সিগুনোরে তোগেবাত্যে আর পাপত্তুন্ উদ্ধোর্ গুরিবাত্যে মান্‌‌‌‌জ্য পুয়োবো এইচ্চ্যে।”

লূকে লেখ্যে গম্ হবর্ 5:32

পাপত্তুন্ মনানি ফিরেবাত্তে মুই ধার্মিক্কুনোরে ডাগিবাত্তে ন-এজং বরং পাপীগুনোরে ডাগিবাত্তে এচ্চ্যং।”

যোহন 1:12

মাত্তর্ যেদক্‌জনে তা উগুরে বিশ্বেজ্ গুরিনে তারে গুজি ললাক্ তারারে বেক্কুনোরে তে গোজেনর্ পুয়ো অবার্ অধিকারান্ দিলো।

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

যোহন 12:47

যুনি কেঅ মঅ কধা শুনিনে সেবাবোত্যেগুরি ন-চলে সালে মুই নিজে তার্ বিচের্ ন-গরং, কিয়া মুই মান্‌জ্যরে দুষী প্রমাণ গুরিবাত্যে ন-এজং বরং মান্‌জ্যরে পাপত্তুন্ উদ্ধোর্ গুরিবাত্যে এচ্চ্যং।

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

প্রেরিত্‌ 11:1

অযিহূদীগুনেয়ো যে গোজেনর্ কধা বিশ্বেজ্ গোজ্জ্যন্ সে কধাগান্ প্রচারক্কুনে আর গোদা যিহূদীয়ার্ বিশ্বেজি ভেইয়ুনে শুনিলাক্।

প্রেরিত্‌ 11:18

এ কধাগান্ শুনিনে যিহূদিয়ার বিশ্বেজিগুনে আর্ আবিত্তি ন-গুরিনে গোজেনরে বাঈনী গুরিনে কলাক্, “সালে গোজেনে অযিহূদীগুনোরেয়ো জিংকানি পেবাত্যে পাপত্তুন্ মনানি ফিরেবার সুযোগ্ দিলো।”

প্রেরিত্‌ 3:26

তমা পত্তিজনরে ভান্ন্যেই পধত্তুন্ ফিরেইনে বর্ দিবাত্তে গোজেনে তা চাগর্ যীশুরে ঠিগ্ গুরিনে পত্তমে তমা ইধু পাধেয়্যে।”

রোমীয় 11:14

ইয়েন্দোই যেন মুই মঅ নিজো জাদর্ মানুচ্চুনোরে আওজ্ জাগেইনে তারাত্তুন্ কয়েক্কো মান্‌জ্যরে উদ্ধোর্ গুরি পারং।

রোমীয় 5:6

যেক্কে আমার্ কনঅ খেমতা ন-এলঅ সেক্কে ঠিগ্ সময়োত্ খ্রীষ্ট গোজেন উগুরে ভোক্তি নেইয়্যে মানুচুনোত্তে, অত্তাৎ আমাত্যে পরাণান্ দিলো। কনঅ গম্ মান্‌জ্যত্তে কনজনে পরাণ্ ন-দুয়োন।

১ করিন্হীয় 15:9

প্রচারগ্‌কুনো ভিদিরে মুই বেক্কুনোত্তুন্ তলে, এন্‌ কি, প্রচারক বিলিনে কেঅ যে মরে ডাগে সিয়েনর্ যগাজ্যেয়ো মুই নয়, কিয়া গোজেনর্ মন্ডলীরে মুই অত্যেচার্ গত্তুং।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

১ তীমথিয় 1:13

যুনিয়ো মুই আগে খ্রীষ্টরে বদ্‌নাঙ গত্তুং আর অত্যেচারী আহ্ ভান্ন্যেইরাগী এলুং তো মরে তে এ কামত্ বেঈ লোইয়্যে। মরে তে দোয়্যে গোজ্জ্যে, কিয়া মর্ অবিশ্বেজত্যে মুই হবর্ ন-পেইনে সিয়েনি বেক্কানি গত্তুং।

১ তীমথিয় 1:19

আর সে লগে বিশ্বেজ্ আর সাব্ বিবেক রোক্ষ্যে গর্। কুদুক্কুন মান্‌জ্যে বিবেগর্ কধানি ন-শুনিনে তারার্ বিশ্বেজত্ যাগুলুগ্ গুরি দুয়োন।

১ তীমথিয় 3:1

এ কধাগান বিশ্বেজ্‌ গুরিবার যে, যুনি কেঅ মন্ডলীর পরিচালক অবাত্যে চায় সালে তে এক্কান গম্ কাম গুরিবার আওজ্ গরে।

১ তীমথিয় 4:9

এ কধাগান বিশ্বেজ্ গুরিবার আর পুরোপুরি গুরিনে মানি লবার্‌অ যগাজ্জ্যে।

১ তীমথিয় 6:13

গোজেন, যিবে বেক্কুনোরে জিংকানি দান গরে আর খ্রীষ্ট যীশু, যিবে পন্তীয় পীলাত মুজুঙোত্ সত্যর্ পৌইদ্যেনে সাক্ষ্য দিয়্যে, সেই গোজেন আর খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

২ তীমথিয় 2:11

এ কধাগান বিশ্বেজ্ গুরিবার যে, খ্রীষ্ট সমারে যুনি আমি মুরি থেই, সালে তা সমারে আমি জেদায়ো থেবং।

তীত 3:8

এ কধানি বিশ্বেজ্‌ গুরিবার। মুই চাং, তুই ইয়েনি পৌইদ্যেনে জোর্ দে, যেনে গোজেন উগুরে যিগুনে বিশ্বেজ্ গোজ্জ্যন তারা অন্যগুনোরে উপকার গুরিবার কামত্ নিজোরে লাগি থেবাত্যেই মনানি দুয়োন। মান্‌জ্যর্ পক্ষে ইয়েনি বেক্কানি গম আর উপকারী।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

১ যোহন 3:5

তুমি দঅ কোই পারঅ যে, আমা পাপ্পানি ধাবেই দিবাত্যে খ্রীষ্ট ফগদাং ওইয়্যে। খ্রীষ্ট ইধু কনঅ পাপ নেই। যিগুনে খ্রীষ্ট সমারে থান্ তারা পাপত্ পড়ি ন-থান্।

১ যোহন 3:8

যে পাপ গরানাত্ থায় তে শদানর্, কিয়া শদানে পৌইল্যাত্তুন্ ধুরি পাপ গুরি যার্। শদানর্ কামানিরে ভস্ত গুরিবাত্যে গোজেনর্ পুয়োবো ফগদাং ওইয়্যে।

১ যোহন 5:11

সেই সাক্ষিগান ইয়েন, গোজেনে আমারে উমর্‌অ জিংকানি দিয়্যে আর সেই জিংকানিগান তা পুয়োবো ভিদিরে আঘে।

ফগদাং পেইয়্যে 21:5

যিবে সেই সিংহাসনত্ বৈ এলঅ, তে কলঅ, “চঅ, মুই বেক্কানি নুয়ো গুরি বানাঙর্।” যেরেদি তে আরঅ কলঅ, “এ কধাগান লেগ, কিয়া এ কধানি বিশ্বেজ্ গুরিবার আর সত্য।”

ফগদাং পেইয়্যে 22:6

যেরেদি সেই স্বর্গদুত্‌তো মরে কলঅ, এই বেক্‌ কধানি বিশ্বেজ্‌গুরিবার আর সত্য। প্রভু গোজেন, যিবে ভাববাদীগুনোরে দিইনে কধা কোইয়্যে তে তার্ দূত্‌তোরে পাধেই দিয়্যে, যেন কয়েক দিনো ভিদিরে যিয়েন খামাক্কায় ঘুদিবাত্যে যার্ সিয়েন সেই স্বর্গদূত্‌‌তো তা চাগরুনোরে দেগেই পারে।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।