১ তীমথিয় 1:14 - Chakma Bible

¹⁴ আমা প্রভু মরে জদবদে দোয়্যে গোজ্জ্যে আর খ্রীষ্ট যীশু সমারে এগত্তর্ ওইনে যে বিশ্বেজ্ আর কোচ্‌পানাগান এজে সিয়েন দান গোজ্জ্যে।

১ তীমথিয় 1:14 Iomraidhean Croise

যাত্রা 34:6

তে মোশি মুজুঙেন্দি এ কধাগান্‌ ফগদাঙ্‌ গুরি গুরি গেলঅ‌, “লগেপ্রভু, লগেপ্রভু, তে মেয়্যেলোই ভরা আর দোয়্যের্‌ গোজেন। তে সহজে বেজার্‌ ন-অয়। তার্‌ অমকদ কোচ্‌পানা আর বিশ্বেজর্‌ দুযি নেই।

মথি লেখ্যে গম্ হবর্ 20:9

বেল্যে পাচটা সময় যে চাগরুনোরে কামত্ লাগা ওইয়্যে তারা এইনে পত্তিজনে এক এক দীনার গুরি নেযেলাক্।

প্রেরিত্‌ 15:11

আমি বিশ্বেজ্ গুরিই যে, প্রভু যীশুর্ দোয়্যেই অযিহূদী বিশ্বেজিগুনে যেবাবোত্যেগুরি পাপত্তুন্ উদ্ধোর্ পেইয়োন সেবাবোত্যেগুরি আমিয়ো উদ্ধোর্ পেইয়্যেই।”

রোমীয় 16:20

শান্তিদিয়্যে গোজেনে যাদিমাদি শদানরে তমা টেঙ তলেদি ফেলেনে নিগুজ্ গুরিবো। আমা প্রভু যীশুর্ দোয়্যে তমা উগুরে থোগ্।

১ করিন্হীয় 15:10

মাত্তর্ ইক্কিনে মুই যিয়েন ওইয়োং সিয়েন গোজেনর্ দোয়্যেলোই ওইয়োং। মঅ উগুরে তার্ সেই দোয়্যেগান্ নিষ্ফল ন-অয়। মুই অন্য প্রচারগ্‌কুনোর্ বেক্কুনোত্তুন্ বেশ্ কাম গোজ্জ্যং; মাত্তর্ কাম যে মুই গোজ্জ্যং সিয়েন নয়, বরং মঅ উগুরে গোজেনর্ যে দোয়্যে আঘে সেই দোয়্যেগানে সিয়েন গোজ্জ্যে।

১ করিন্হীয় 3:10

গোজেনত্তুন্ যে বিশেষ দোয়্যে মুই পেয়োং সিয়েন্দোই কাবিল্ রাজমিস্ত্রি ধোক্ক্যেন্ মুই গড়াগান্ গাড়েয়োং, আর সিয়েন উগুরে অন্যগুনে বিল্ডিং বানাদন্। মাত্তর্ কন্না কেধোক্ক্যেন গুরি বানাদন্ সে পৌইদ্যেনে তে উজিয়ার্ ওক্‌।

২ করিন্হীয় 13:14

আমার্ প্রভু যীশু খ্রীষ্টর্ দোয়্যে, গোজেনর্ কোচ্‌পানা আর পবিত্র আত্মালোই উদো লো-লি তমার্ বেক্কুনোর্ রিবেঙত্ থোক্।

২ করিন্হীয় 4:15

বেক্কানি তমার্ উপকারত্যে ওইয়্যে, যেন গোজেনর্ যে দোয়্যে ভালোক্কুন্ মান্‌জ্য উগুরে ঢালি দিয়্যে ওইয়্যে সেই দোয়্যেনত্যে ভালোকজনে গোজেনরে আরঅ বেশ্ গুরি ভালেদি জানান্ আর এবাবোত্যেগুরি গোজেনর্ বাঈনী অয়।

২ করিন্হীয় 8:9

তুমি দঅ আমার্ প্রভু যীশু খ্রীষ্টর্ দোয়্যের্ কধানি কোই পারঅ, তে নিজে থাগোইয়্যে ওইনেয়ো তমাত্যে নাঢা অলঅ, যেন তার্ নাঢা অনার্ মাধ্যমে তুমি থাগোইয়্যে ওই পারঅ।

গালাতীয় 1:13

যিহূদী ধর্ম পালেবার্ অক্তত কেধোক্ক্যেন গুরি মুই জিংকানি কাদেদুং সিয়েন দঅ তুমি শুন্ন্য। আর তুমি ইয়েন্অ শুন্ন্যদে, কি সাংগাদিক্ গুরি মুই গোজেন মন্ডলীগুনো উগুরে অত্যেচার্ গত্তুং আর সিগুন ভস্ত গুরিবার্ চেষ্টা গত্তুং।

১ থিষলনীকীয় 1:3

বিশ্বেজর্ কারনে তুমি যে কামানি গরর্, কোচ্‌পানার কারনে যে কামানি গরর্ আর আমার প্রভু যীশু খ্রীষ্ট উগুরে আজা রাগানার্ কারনে যে ধৈয্য ধরর্, সেই কধানি আমি নিত্য আমার বাবা আর গোজেন মুজুঙোত্ তবনা গুরিনে ইদোত্ তুলিই।

১ থিষলনীকীয় 5:8

মাত্তর্ আমি দিনোর মানুচ্‌; সেনত্যে বুক্ রোক্ষ্যে গুরিবাত্যে বিশ্বেজ্ আর কোচ্‌পানালোই বুক্ ঢাগিনে আর মাধা রোক্ষ্যে গুরিবাত্যে উদ্ধোরর্ নিচ্চয়তা মাধাত্ দিইনে এজঅ, আমি নিজোরে দোঙেই রাগিই।

১ তীমথিয় 2:15

মাত্তর্ তে পুয়ো-ছা জর্ম দেনার্ মাধ্যমে পাপত্তুন্ উদ্ধোর পেবঅ; খালিক্ মিলেগুনোর্ গম বিচের বুদ্ধি বেবহার গুরিনে বিশ্বেজ্, কোচ্‌পানা আর পবিত্রতালোই চলা পড়িবো।

১ তীমথিয় 4:12

তুই গাবুজ্যে বিলিনে কেঅ যেন তরে ঈচ্ ন-গরন্। কধালোই, চাল্‌চলনত্, কোচ্‌পানাত্, বিশ্বেজত্ আর পবিত্রতালোই তুই বিশ্বেজিগুনো ইধু আদর্শ অ।

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

২ তীমথিয় 1:13

তুই মত্তুন্ যিয়েনি শুন্ন্যচ্ সে সত্য শিক্ষ্যেগানি তর্ আদর্শ ইজেবে ধুরি থঅ; আর খ্রীষ্ট যীশু লগে মিজেনার ফলে আমা মনত্ যে কোচ্‌পানা আর বিশ্বেজ্ ওইয়্যে সিয়েন্অ ধুরি রাগা।

২ তীমথিয় 2:22

গাবুজ্জ্যে কালর্ ভান্ন্যেই কামনা-বাসনাত্তুন্ তুই ধেই যাগোই আর যিগুনে খাটি মনে প্রভুরে ডাগন্ তারা সমারে সৎ জিংকানি, বিশ্বেজ্, কোচ্‌পানা আর শান্তিত্যে আয়োজি অ।

তীত 2:2

যিগুনে বুড়ো, তারারে কবে যেন তারা বেক্কানি পৌইদ্যেনে নিজোরে দোঙেই রাগান; তারা যেন সর্মান পেবার যগাজ্জ্যে অন্; তারার্ যেন গম বিচেরবুদ্ধি, সত্য বিশ্বেজ্, কোচ্‌পানা আর ধৈজ্জ্যগুণ থায়।

১ পিতর 1:3

আমা প্রভু যীশু খ্রীষ্টর্ গোজেন আর বাবার্ বাঈনী গরা ওক্‌। যীশু খ্রীষ্টরে মরণত্তুন্ জেদা গুরি তুলিনে গোজেনে তার্ দোয়্যেলোই আমারে নুয়ো জর্ম দান গোজ্জ্যে। সিয়েনর্ কারনে আমি এক্কান জদবদে আশ্বাস পেইয়্যেই,

১ যোহন 4:10

আমি যে গোজেনরে কোচ্‌পেয়্যেই সিয়েন নয়, মাত্তর্ তে আমারে কোচ্‌‌পেইনে তা পুয়োবোরে দিপাধেয়্যে, যেন পুয়োবো তার নিজোর জিংকানিগান-উৎসর্ব গরানায় আমা পাপ্পানি দূর্ গুরিনে গোজেনরে হুজি গরে। ইয়েনই অলঅ কোচ্‌পানা।

ফগদাং পেইয়্যে 22:21

প্রভু যীশুর্ আশিদ্‌‌বাদ্ গোজেনর্ বেক্‌ মানুচ্চুনো সমারে থোক্। আমেন।