১ তীমথিয় 1:11 - Chakma Bible

¹¹ বাঈনী গরেদে গোজেনর্ দাঙর্ গম্ হবর্ মজিম যে শিক্ষ্যে, সেই শিক্ষ্যেগানই অলঅ সত্য শিক্ষ্যে। এ গম্ হবর্ প্রচারর্ ভারান্ তে মঅ উগুরে দিয়্যে।

১ তীমথিয় 1:11 Iomraidhean Croise

গীতসংহিতা 138:2

তঅ পবিত্র ঘরান্ ইন্দি মুই মাঢাবো নিগিরিম্, তর্ কোচ্‌পানা আর বিশ্বেজত্তে তরে বাঈনী গুরিম; কিত্তে তর্ এগেমান্ পুরোণার্ মাধ্যমে তুই নিজোরে যেবাবোত্যেগুরি ফগদাং গোজ্যস্ সিয়েন তর্ নাঙ্ গিনেনাত্তুন্‌অ বেজ্ দাঙর্।

লূকে লেখ্যে গম্ হবর্ 2:14

“স্বর্গত্ গোজেনরে বাঈনী গরা ওক্, পিত্‌থিমীত্ যিগুনো উগুরে তে হুজি তারার্ শান্তি ওক্।”

রোমীয় 2:16

গোজেনে যেদিন্ন্যে যীশু খ্রীষ্টর্ মাধ্যমে মান্‌জ্যর্ গুমুরো বেক্কানি বিচের্ গুরিবো সেদিন্যে সিয়েনি ফগদাং পেবঅ। মুই যে গম্ হবর্ প্রচার গরং সেই কধা মজিম ইয়েনির্ বিচের্ অবঅ।

১ করিন্হীয় 9:17

যুনি মুই নিজোর্ আয়োজে প্রচার গরং সালে দঅ মঅ বক্‌‌শিষ্‌‌চান আঘে, আর যুনি নিজোর্ আয়োজে ন-য়ো গরং তো মঅ উগুরে সেই ভারান্ আঘে বিলিনে মুই সিয়েন গরং।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

গালাতীয় 2:7

যাওক্, তারা দেগিলাক্, যিহূদীগুনো ইধু গম হবর্ প্রচার গুরিবার ভারান্ যেবাবোত্যে গুরি পিতর উগুরে দিয়্যে ওইয়্যে, সেবাবোত্যেগুরি অযিহূদীগুনো ইধু গম হবরান্ প্রচার গুরিবার ভারান্ গোজেনে মঅ উগুরে দিয়্যে।

ইফিষীয় 1:12

আমি যিগুনে আগেদি খ্রীষ্ট উগুরে আজা গোজ্জ্যেই, তেয়ই আমা মাধ্যমে যেন গোজেনর্ মহিমার্ বাঈনী গরা অয় সেনত্যে তে আমারে বেঈ লোইয়্যে।

ইফিষীয় 1:6

তে ইয়েন গোজ্জ্যেদে যেন তে তার্ কোচ্‌‌‌পানার্ পুয়োবোর্ মাধ্যমে মাগানা মহিমাভরা দোয়্যে আমারে গোজ্জ্যে সিয়েনর্ বাঈনী অয়।

ইফিষীয় 2:7

তে এই কামান্ গোজ্জ্যেদে যেন তে তার্ অমকদ দোয়্যেগান্ আগামিদি যুগ্ যুগ্ ধুরি দেগেই পারে। তে খ্রীষ্ট যীশুর্ মাধ্যমে আমা উগুরে দোয়্যে গুরিনে যিয়েনি গোজ্জ্যে সিয়েনিলোই তার্ এই দোয়্যেগান ফগদাং পেইয়্যে।

ইফিষীয় 3:10

তে সিয়েন গোজ্জ্যেদে যেন খ্রীষ্টর্ মন্ডলীর মাধ্যমে স্বর্গর্ বেক্‌ শাসনগুরিয়্যে আর খেমতার্ অধিকারিগুনো ইধু নানান্ বাবদে ফগদাং পেইয়্যে গোজেনর্ জ্ঞান ইক্কিনে ফগদাং পায়।

কলসীয় 1:25

গোজেনে তা কধানি তমা ইধু পুরোপুরি প্রচার গুরিবার ভারান্ মঅ উগুরে দিয়্যে বিলিনে মুই মন্ডলীর এক্কো সেবাগুরিয়্যে ওইয়োং।

১ থিষলনীকীয় 2:4

বরং যগাজ্জ্যে মনে গুরিনে গম হবর্ জানেবার ভারান্ গোজেনে আমা উগুরে দিয়্যে বিলিনে আমি সে ইজেবে কধা কোর্। মান্‌জ্যরে হুজী গুরিবাত্যে আমি এ কধানি ন-কোর্, মাত্তর্ যিবে আমার রিবেঙানি যাচাই গুরি চায় সেই গোজেনরে হুজি গুরিবাত্যে কোর্।

১ তীমথিয় 2:7

আর এ সাক্ষ্যগান দিবাত্যে গোজেনে মরে প্রচারক, দূত আর অযিহূদীগুনো ইধু বিশ্বেজ্ আর সত্যর্ মাষ্টর ইজেবে বেঈ লোইয়্যে। মুই সত্য কধাগান্ কঙর্, মিজে ন-কঙর্।

১ তীমথিয় 6:15

সেই ‌‌ভালেদির্ গোজেন, যিবে বানা এক্কো শাসনগুরিয়্যে, যিবে রাজাগুনোর রাজা আর প্রভুগুনোর প্রভু, তেয়ই তার্ যগাজ্জ্যে সময়োত্ খ্রীষ্টরে ফগদাং গুরিবো।

১ তীমথিয় 6:20

ও তীমথিয়, যিয়েন রোক্ষ্যে গুরিবাত্যে তরে দিয়্যে ওইয়্যে সিয়েন গমেডালে রোক্ষ্যে গর্। মিজে জ্ঞানর্ ভোক্তি-নেইয়্যে বাজে কধা আর ভুল্ শিক্ষ্যেত্তুন্ দূরোত্ থাগ্।

২ তীমথিয় 1:11

আর এই গম্ হবরান জানেবাত্যে মরে প্রচারক, মাষ্টর ইজেবে নেযা ওইয়্যে।

২ তীমথিয় 1:14

গোজেনে তরে যিয়েনি রোক্ষ্যে গুরিবাত্যে দিয়্যে সিয়েনি পবিত্র আত্মালোই রোক্ষ্যে গর্, যিবে আমা মনত্ থায়।

২ তীমথিয় 2:2

ভালোক্কুন সাক্ষীর্ মুজুঙোত্ মঅ মুয়োত্তুন যেদক্কানি শিক্ষ্যের্ কধা তুই শুন্ন্যচ্ সেই শিক্ষ্যেনি ধুরি রাগেবাত্যে তুই সিয়েনি এন্‌ বিশ্বেজি মানুচ্চুনোরে দে যিগুনোর্ অন্যগুনোরে শিক্ষ্যে দিবার কাবিল আঘে।

তীত 1:3

আমার উদ্ধোর্ গুরিয়্যে গোজেনর্ উগুম মজিম মুই যিয়েনি প্রচার গরং সিয়েনিত্যে গোজেনে তার্ কধানি ঠিগ্ সময়োত্ ফগদাং গোজ্জ্যে।