১ থিষলনীকীয় 5:9 - Chakma Bible

⁹ শাজা পেবাত্যে নয় মাত্তর্ আমা প্রভু যীশু খ্রীষ্টর্ মাধ্যমে উদ্ধোর্ পেবাত্যে গোজেনে আমারে ঠিগ্ গুরি থোইয়্যে।

১ থিষলনীকীয় 5:9 Iomraidhean Croise

ইয়োব 23:14

তে মত্তেই যিয়েন ঠিগ্ গুরি রাগেয়্যে সিয়েনই গরে; এবাবোত্যে বোউত্ সল্লা তার্ এজঅ জমা রোইয়্যে।

যাত্রা 9:16

মাত্তর্‌ মুই তরে বাজেই রাগেয়োং যেনে তরে মঅ বলান্‌ দেগেই পারং আর গোদা পিত্‌থিমীত্‌ যেন মঅ নাঙান্‌ ফগদাঙ্‌ অয়।

গম্ উপদেজ্ 16:4

লগেপ্রভু বেক্কানি বানেয়্যে তারার যার্ যার্ উদ্দেশ্য মজিম্; পাজিগুনোরেয়ো তে দুদ্দশা-দিনোত্তে ঠিগ্ গুরি রাগেয়্যে।

মথি লেখ্যে গম্ হবর্ 26:24

মান্‌জ্য পুয়োবো পৌইদ্যেনে পবিত্র বোইয়োত্ যেবাবোত্যেগুরি লেগা আঘে ঠিগ্ সেবাবোত্যেগুরি তে মুরি যেবঅ ঠিগ্, মাত্তর্ কি দর্‌‍গরেপারা সেই মানুচ্চো, যে মান্‌জ্য পুয়োবো লগে বেঈমানী গরে! তে মান্‌জ্যর্ জর্ম ন-অলে বরং তাত্যেই গম্ অদঅ।”

প্রেরিত্‌ 1:20

যেরেদি পিতরে কলঅ, পবিত্র বোইবোর্ গীতসংহিতা নাঙে বোইবোত্ লেগা আঘে, তা ঘরান্ খালি থোক্; সিয়েনত্ কেঅ বজত্তি ন-গোরোক্। আরঅ লেগা আঘে, তা দাঙর্ পোজিশনান্ অন্যজনে নেযাদোক্।

প্রেরিত্‌ 13:48

অযিহূদীগুনে এ কধাগান শুনিনে হুজী অলাক্ আর প্রভুর্ কধানি বাঈনী গুরিলাক্; আর উমর্‌‌অ জিংকানি পেবাত্যে গোজেনে যিগুনোরে থিগ্ গুরি থোইয়্যে তারা বিশ্বেজ্ গুরিলাক্।

রোমীয় 11:30

যেধোক্ক্যেন্ তুমি এক সময়োত্ গোজেনর্ অবাধ্য এলা মাত্তর্ যিহূদীগুনোর্ অবাধ্যতার্ কারনে ইক্কিনে গোজেনর্ দোয়্যে পেইয়ো,

রোমীয় 11:7

সালে বুঝো যায়, ইস্রায়েলীয়গুনে যিয়েন্ পেবার চেট্ট্যা গোজ্জ্যন্ সিয়েন তারা ন-পান্, মাত্তর্ গোজেনে যিগুনোরে বেঈ থোইয়্যে সিগুনে সিয়েন পেইয়োন, আর অন্য বেক্কুনোর্ মনানি পাত্তর ধোক্ক্যেন্ দর ওই যেইয়্যে।

১ থিষলনীকীয় 1:10

আর স্বর্গত্তুন তা পুয়োবো এযানা পৌইদ্যেনে বাজ্জেই থেই পারঅ। সেই পুয়োবো অলঅ যীশু, যিবেরে তে মরণত্তুন্ জেদা গুরি তুল্ল্যে। গোজেনর্ যে সাজাগান লামি এজের্ সেই সাজাত্তুন্ এই যীশু আমারে রোক্ষ্যে গুরিবো।

১ থিষলনীকীয় 3:3

যেনে এ বেক্‌ দুগ্‌খানির্ মাধ্যমে তুমি কেঅ পিজেদি ন-যঅ। তুমি নিজেই কোই পারঅ যে, দুগ্-কষ্ট আমাত্যে ঠিগ্ গরা আঘে।

১ তীমথিয় 1:13

যুনিয়ো মুই আগে খ্রীষ্টরে বদ্‌নাঙ গত্তুং আর অত্যেচারী আহ্ ভান্ন্যেইরাগী এলুং তো মরে তে এ কামত্ বেঈ লোইয়্যে। মরে তে দোয়্যে গোজ্জ্যে, কিয়া মর্ অবিশ্বেজত্যে মুই হবর্ ন-পেইনে সিয়েনি বেক্কানি গত্তুং।

১ তীমথিয় 1:16

আর সেনত্যে গোজেনে মরে দোয়্যে গোজ্জ্যে, যেন আজল্ পাপী যে মুই, মর্ মাধ্যমে খ্রীষ্ট যীশু তার্ ধৈজ্জ্যগান্ দেগেই পারে। তা উগুরে বিশ্বেজর্ কারনে যিগুনে উমর্‌অ জিংকানি পেবাক্ তারা যেন মরে দেগিনে শিগিই পারন্ সেনত্যে তে মঅ উগুরে এবাবোত্যে গোজ্জ্যে।

২ তীমথিয় 2:10

সেনত্যে গোজেনে যিগুনোরে বেঈ লোইয়্যে সিগুনোত্যে মুই বেক্কানি সোজ্জ্য গরঙর্, যেন তারায়ো খ্রীষ্ট যীশুলোই পাপত্তুন্ উদ্ধোর পান্ আর উমরর্ মহিমা লাভ গরন।

১ পিতর 2:10

এক সময়োত্ তুমি গোজেনর্ মানুচ্‌ ন-এলা, মাত্তর্ ইক্কিনে ওইয়ো; এক সময়োত্ তুমি দোয়্যে ন-পঅ, মাত্তর্ ইক্কিনে পেইয়ো।

১ পিতর 2:8

আরঅ বোইবোর্ এ কধাগান্অ খাদে, সিবে এমন্‌ পাত্তর্ যিবেত্ মান্‌জ্যে উজোত্ হান্, আর যিবেত্ মান্‌জ্যর্ উজোত্ হেবার কারন অবঅ। মান্‌জ্যে গোজেনর্ কধানি অমান্য গরন্ বিলিনে উজোত্ হান্ আর ইয়েনত্যে তারা ঠিগ্ ওইনে আঘন্।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

যিহূদা 1:4

ইয়েনর্ দরকার আঘে, কিয়া যে মানুচ্চুনোর্ সাজা পৌইদ্যেনে আগেদি বোইবোত্ লেগা ওইয়্যে তারা তমা ভিদিরে চুবেচুবে সোমেয়োন্দি। গোজেন উগুরে এ মানুচ্চুনোর ভোক্তি নেই; আমার গোজেনর্ দোয়্যেগানরে তারা ভান্ন্যেই এক্কান তালি দেনা মনে গরন আর যিবে আমার এক্কো গুরি গিরোজ্ আর প্রভু সেই যীশু খ্রীষ্টরে তারা অস্বীগের্ গরন্।