১ থিষলনীকীয় 5:7 - Chakma Bible

⁷ যিগুনে ঘুম যান্ তারা রেদোত্ ঘুম যান্, আর যিগুনে মাত্তল্ অন্ তারা রেদোত্ মাত্তল্ অন্।

১ থিষলনীকীয় 5:7 Iomraidhean Croise

ইয়োব 33:15

স্ববনত্, রেদোত্ দর্শনর মাধ্যমে, বিচ্ছোনত্ পুরিনে যেক্কেনে মান্‌জ্যর অমকদ ঘুমে ধরে,

ইয়োব 4:13

রেদোত্‌ মান্‌জ্যে যেক্কেনে অঘোর্‌ গুরিনে ঘুমোন্‌ সেক্কেনে স্ববন্‌ দেগিনে মুই সিলিবিলি অলুং;

যোহন 2:10

“পত্তমে বেক্কুনে গম্ আংগুর-রচ্‌ হেবাত্তে দুয়োন্। সে পরেদি যেক্কে মানুচ্চুনোর্ ঈল্ অয় সং হানা থুম্ অয় সেক্কে যে রচ্‌সান দুয়োন্ সিয়েন আগত্তুন্ এক্কেনা হাদে পান্জা। মাত্তর্ তুই গম্ আংগুর-রচ্‌ এজঅ সং রাগেয়োচ্।”

প্রেরিত্‌ 2:15

তুমি মনে গরর্ ইগুনে মাত্তল্ ওইয়োন, মাত্তর্ সিয়েন নয়; কিয়া ইক্কে দঅ বানা বেন্যেমাদান্ নয়টা।

রোমীয় 13:13

রঅ ছাড়িনে মদ হানা আর মাত্তল্ ওইনে নয়, সিনেলী আর যাগুলুক্যে জিংকানিত্ নয়, কোল্-কোজ্যে আর ইংসেলোই নয়, মাত্তর্ যিগুনে দিনো পহ্‌রত্ আঢাউদো গরন্, এজঅ, আমি তারা ধোক্ক্যেন্ গমেডালে জিংকানি কাদেই।

১ করিন্হীয় 15:34

সেনত্তে তুমি তমা মনানরে জাগেই তুলো আর পাপ ন-গোজ্জ্য; তমাত্তুন্ কেঅ কেঅ গোজেনরে নঅ চিনোন্; মুই তমারে লাজত্ ফেলেবাত্যে এ কধাগান্ কঙর্।

ইফিষীয় 5:14

কিয়া পহ্‌রানে বেক্কানি ফগদাং গরে। ইয়েনত্যে পবিত্র বোইবোত্ লেগা আঘে, “ও ঘুম যেইয়্যে মানুচ্চো, জাগি উঠ্, মরণত্তুন্ জেদা অ; সেক্কে তঅ উগুরে খ্রীষ্ট পহ্‌‌র দিবো।”

ইফিষীয় 5:18

মাত্তল্ ন-ওইয়ো, সিয়েনে খাচ্চ্যত্ বর্‌‌‍বাদ অয়। তাত্তুন্ বরং পবিত্র আত্মার্ অধীনোত্ থাগঅ,

২ পিতর 2:13

তারার্ ভান্ন্যেই কামর্ পাওনা ইজেবে তারা দুঘোত্ ভুগিবাক্। এই মানুচ্চুনে দিনোত্ হেবার অক্তত্ রঅ ছাড়ি ছাড়ি মদ খাদে হুজী অন। যেক্কে তারা তমা সমারে হেবাত্যে বজন্ সেক্কে রঅ ছাড়ি ছাড়ি মদ খাদে খাদে তারার্ কামনায় তারা সেই হানা-দানা সমারে লাজানা আর অসর্মানান্ আনন্।