১ থিষলনীকীয় 5:6 - Chakma Bible

⁶ সেনত্যে অন্যগুনো ধোক্ক্যেন যেন আমি ন-ঘুমেই, বরং জাগি থেই আর নিজোরে দোঙেই রাগিই।

১ থিষলনীকীয় 5:6 Iomraidhean Croise

গম্ উপদেজ্ 19:15

আল্‌সিগানে গভিন্ ঘুমোত্ নেযায়; আল্‌সি মান্‌জ্যে পেট্‌পরায় দুঘ্ পায়।

যিশাইয় 56:10

ইস্রায়েল চুগিদারুন চোগ কান্, তারার্ কনঅ জ্ঞিয়েন নেই। তারা বেক্কুন্ ববা কুগুরো ধোক্ক্যেন, তারা বুগিই ন-পারন্। তারা পড়ি থেইনে স্ববন্ দেগন আর ঘুমাদে গম্ পান।

যোনা 1:6

সেক্কে জাহাজ কেপ্টিন্নো যোনা ইধু যেইনে কলঅ, “তুই কিবাবোত্যেগুরি ঘুম যর্? উদিনে তঅ দেবেদাবোরে ডাগ্। তে অয়ত আমা ইন্দি মনযোগ দিবো আর সেক্কে আমি ভস্ত ন-অবং।”

মথি লেখ্যে গম্ হবর্ 13:25

যেরেদি যেক্কে বেক্কুনে ঘুমোত্ পড়িলাক্ সেক্কে সে মানুচ্চোর্ শত্রু এইনে গম ভিদিরে শ্যামাঘাসর বীজি ফেলেইনে গেলঅ।

মথি লেখ্যে গম্ হবর্ 24:42

তুমি সজাগ্ থাগঅ, কিয়া তমা জিংকানির গিরোজ্‌সো কমলে এবঅ সিয়েন্ তুমি হবর্ ন-পঅ।

মথি লেখ্যে গম্ হবর্ 25:13

হিত্ত্যবোর্ শেজদি যীশু কলঅ, ইয়েনত্তে সজাক্ থাগঅ, কিয়া সেই দিন্নো বা সেই সময়বোর্ কধা তুমি হবর্ ন-পঅ।

মথি লেখ্যে গম্ হবর্ 25:5

জামেইবো এত্তে দেরি অনায় তারা যুড়দে যুড়দে বেক্কুনে ঘুমোত্ পড়িলাক্।

মথি লেখ্যে গম্ হবর্ 26:38

তে তারারে কলঅ, “দুঘে যেন মঅ পরাণান্ নিগিলি যার্। তুমি ইয়েনত্ থাগঅ আর মঅ সমারে জাগি থাগঅ।”

মার্ক 13:37

তমারে যিয়েন কঙর্ সিয়েন বেক্কুনোরে কং, জাগি থাগঅ।”

লূকে লেখ্যে গম্ হবর্ 12:37

গিরোজে যে চাগরুনোরে জাগি থাগদে দেগিবো, সিগুনে বর্‌পেইয়্যে। মুই তমারে ঘেচ্চ্যেক্‌‌‌গুরি কঙর্, সেই গিরোজ্‌‌‌সো ফারত্ কাবর বেড়েইনে তারারে বোজেব আর এইনে নিজে তারারে খাবেব।

লূকে লেখ্যে গম্ হবর্ 12:39

“তুমি ঘেচ্চেকগুরি ইয়েন গুরি পারিদা যে, চুর্ কন্ সময় এবঅ সিয়েন্ যুনি ঘর গিরোজ্‌‌‌সো হবর্ পেদঅ সালে জাগি থেদঅ আর সেই চুর্‌‌‌বোরে তা ঘরত্ সুমিবাত্তে ন-দিদো।

লূকে লেখ্যে গম্ হবর্ 21:36

সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্‌জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”

প্রেরিত্‌ 20:31

ইয়েনত্তে তুমি উজিয়ার্ থাগঅ। ইদোত্ রাগেবা, তিন বজর্ সং দিন-রেদ্ চোগো পানিলোই মুই তমারে পত্তিজনরে উজিয়ার্ গোজ্জ্যং, কনদিন্অ জুরো গুরি ন-থাগঅ।

১ করিন্হীয় 15:34

সেনত্তে তুমি তমা মনানরে জাগেই তুলো আর পাপ ন-গোজ্জ্য; তমাত্তুন্ কেঅ কেঅ গোজেনরে নঅ চিনোন্; মুই তমারে লাজত্ ফেলেবাত্যে এ কধাগান্ কঙর্।

১ করিন্হীয় 16:13

তুমি সজাক্ থাগঅ, বিশ্বেজত্ থির্ থাগঅ, সাহজী আর বলবান অ।

ইফিষীয় 2:3

আমি বেক্কুনে আমার পাপ-খাচ্চ্যদর্ কামনা পুরেইনে সেই মানুচ্চুনো ইধু এক সময় জিংকানি কাদেদং। পাপ-খাচ্চ্যদত্তুন্ যেদক্কানি আয়োজ আর চিন্তে জাগে আমি সে অনুসারে কাম গুরিদোং। এ খাচ্চ্যদত্যে আমিয়ো অন্য বেক্কুনো ধোক্ক্যেন গোজেনত্তুন্ সাজা পেবার্ যগাজ্যে এলং।

ইফিষীয় 5:14

কিয়া পহ্‌রানে বেক্কানি ফগদাং গরে। ইয়েনত্যে পবিত্র বোইবোত্ লেগা আঘে, “ও ঘুম যেইয়্যে মানুচ্চো, জাগি উঠ্, মরণত্তুন্ জেদা অ; সেক্কে তঅ উগুরে খ্রীষ্ট পহ্‌‌র দিবো।”

ইফিষীয় 6:18

পবিত্র আত্মালোই পরিচালিত ওইনে মনে-পরাণে নিত্য তবনা গরঅ। ইয়েনত্যে সজাগ্ থেইনে গোজেনর্ বেক্‌ মানুচ্চুনোত্যে আমিঝে তবনা গরানাত্ থাগঅ।

ফিলিপীয় 4:5

তমার নরম খাচ্চ্যদ্‌তানি যেন বেক্কুনে দেগন্। প্রভু যাদিমাদি এজের্।

কলসীয় 4:2

তুমি কৃতজ্ঞ আর সজাগ্ ওইনে তবনা গুরিনে নিজোরে কামত্ রাগেয়ো;

১ থিষলনীকীয় 4:13

ভেইলগ্, আমি ন-চেই যিগুনে মুরি যেয়োন তারার্ কি অবঅ সে পৌইদ্যেনে তমার অজানা থায়, যেন যিগুনো মনত্ কনঅ আজা নেই তারা ধোক্ক্যেন গুরি তুমি দুঘে ভাঙি ন-পোজ্জ্য।

১ থিষলনীকীয় 5:10

খ্রীষ্ট আমাত্যে মোজ্জ্যে, যাতে আমি বাঁজিই বা মুরিই, আমি যেন তা সমারে জেদা থেই পারিই।

১ থিষলনীকীয় 5:8

মাত্তর্ আমি দিনোর মানুচ্‌; সেনত্যে বুক্ রোক্ষ্যে গুরিবাত্যে বিশ্বেজ্ আর কোচ্‌পানালোই বুক্ ঢাগিনে আর মাধা রোক্ষ্যে গুরিবাত্যে উদ্ধোরর্ নিচ্চয়তা মাধাত্ দিইনে এজঅ, আমি নিজোরে দোঙেই রাগিই।

১ তীমথিয় 2:15

মাত্তর্ তে পুয়ো-ছা জর্ম দেনার্ মাধ্যমে পাপত্তুন্ উদ্ধোর পেবঅ; খালিক্ মিলেগুনোর্ গম বিচের বুদ্ধি বেবহার গুরিনে বিশ্বেজ্, কোচ্‌পানা আর পবিত্রতালোই চলা পড়িবো।

১ তীমথিয় 2:9

মুই ইয়েন্অ চাং যেন মিলেগুনে ভদ্র গুরিনে আর গম্ বিচেরবুদ্ধি বেবহার গুরিনে যগাজ্জ্যে কাবড়-চুগোর্ পিনোন্। তারা যেন নানান্ বাবোত্যে চুলোর্ ঝুদো বানন্, সোনা আর মুক্তোর গয়না পিনোন্ আর মংগা মংগা কাবড়-চুগোড়্‌লোই নিজোরে ন-সাজান্।

১ তীমথিয় 3:11

ঠিগ্ সেবাবোত্যেগুরি তারার্ মোগ্‌কুনেয়ো যেন সর্মানর্ যগাজ্জ্যে অন্। তারা যেন অন্যরে বদ্‌নাঙ্ গুরিনে ন-বেড়ান্ আর নিজোরে দোঙেই রাগান্। বেক্কানি পৌইদ্যেনে যেন তারারে বিশ্বেজ্ গরা যায়।

১ তীমথিয় 3:2

পরিচালক্‌কো সেনত্যে এমন উয়ো পড়িবো যেন কেঅ তারে দুষ্ দি ন-পারন। তাত্তুন্ বানা এক্কো মোক্ থেবঅ। তে নিজোরে দোঙেই রাগেব আর তার্ গম বিচেরবুদ্ধি থেবঅ। তে ভদ্র অবঅ আর গর্‌বা লবিয়োত্ গত্তে কোচ্‌পেবঅ। অন্যগুনোরে শিক্ষ্যে দান গুরিবার খেমতা তাত্তুন্ থেবঅ।

২ তীমথিয় 4:5

মাত্তর্ তুই বেক্কানিত্ নিজোরে দোঙেই রাগা, দুঘ্ সোজ্জ্য গর্ আর খ্রীষ্ট পৌইদ্যেনে গম হবর্ প্রচার গরানাত্ থাক্, আর গোজেনে তরে যে কাম গুরিবাত্যে দিয়্যে সিয়েন থুম্ সং গর্।

তীত 2:12

এই দোয়্যেগানে আমারে শিক্ষ্যে দেত্তে যেন আমি গোজেন উগুরে ভোক্তি-নেইয়্যে আর জগদর্ কামনা-বাসনারে এলাফেলা গুরিনে এ জগদত্ নিজোরে দোঙেই রাগেইনে গোজেন-ভোক্তি সমারে গম্ জিংকানি কাদেই,

তীত 2:6

সেবাবোত্যে গুরি গাবুর্ মরদ্‌তুনোরে উপদেচ্‌ দুয়ো যেন তারা নিজোরে দোঙেই রাগান।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।

১ পিতর 4:7

ইক্কিনে বেক্কানির্ থুমো সময় ওইয়্যেগি। সেনত্যে তমা মনানি থির্ গরঅ আর নিজোরে দোঙেই রাগঅ যেন তবনা গুরি পারঅ।

১ পিতর 5:8

নিজোরে দোঙেই রাগঅ আর সজাক্ থাগঅ, কিয়া তমার শত্রু শদানে গুজুরি উঠ্যে সিংহ ধোক্ক্যেন গুরি কারে হেই ফেলেব তারে তোগেইনে বেড়ার্।

ফগদাং পেইয়্যে 16:15

যীশু কত্তে, “চঅ, মুই চুরো ধোক্ক্যেন এইম্। বর্‌পেইয়্যে সেই মানুচ্চো, যে জাক্ক্যে থায় আর নিজোর্ পোজাগ্‌কানি পিনি থায়, যেন তাত্তুন্ লাংদা ওইনে ঘুরো ন-পরে আর মান্‌জ্যে তার লাজানাগান ন-দেগন্।”

ফগদাং পেইয়্যে 3:2

তুই জাগি উঠ্ আর বাদবাগী যিয়েনি মরেদে ধোক্ক্যেন ওইয়্যে সিয়েনি দরমর গুরি তুল্, কিত্যেই মঅ গোজেন মুজুঙোত্ তর্ কনঅ কাম মুই থুম অদে ন-দেগং।