১ থিষলনীকীয় 5:4 - Chakma Bible

^4-5 মাত্তর্ ভেইলগ, তুমি দঅ আন্ধারত্ বজত্তি ন-গরর্ যে, সে দিন্নো চুরো ধোক্ক্যেন তমা উগুরে এইনে লুমিবো। তুমি দঅ বেক্কুনে পহ্‌রর্ আর দিনোর্ মানুচ্‌। আমি রেদোর্ বা আন্ধারর মানুচ্‌ নয়।

১ থিষলনীকীয় 5:4 Iomraidhean Croise

যিরমিয় 42:16

মাত্তর্ যে যুদ্ধোগানরে তুমি দরর্ সিয়েনে সিয়োদোই তমারে ধুরি ফেলেব আর যে ভাদরাদরে দরর্ সিবে তমা পিজে পিজে মিসরত্ যেবঅ আর সিয়োদোই তুমি মুড়িবা।

হোশেয় 10:9

লগেপ্রভু কত্তে, “ও ইস্রায়েল, গিবিয়াত্ যেক্কে তুই পাপ গোজ্যস্ সেক্কেত্তুন্ ধুরি তুই পাপ গুরি এজর্, আর পাপ ভিদিরে তুই রোই যেইয়োচ্। যুদ্ধোগানে কি গিবিয়াত্ অন্যেয়গুরিয়্যেগুনোরে লাগদ্ ন-পেবঅ?

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

মথি লেখ্যে গম্ হবর্ 10:15

মুই তমারে ঘেচ্চেকগুরি কঙর্, বিচের দিনোত্ সেই আদামত্তুন্ বরং সদোম আর ঘমোরা শঅরর্ অবস্থা বজমান্ সোজ্য গরেদে ধোক্ক্যেন্ অবঅ।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

দ্বি’লম্বর বিররণ 19:6

সিয়েন ন অলে লো-গানর্ হেনা যিবের সুঝিবার কধা তে রাগে তারে লোড়েই পারে আর আশ্রয়-শঅর কায়-কুরে ন অলে তারে মারে ফেলেই পারে, যুনিয়ো মনত্‌ ইংসেলোই মারে ন ফেলায় বিলিনে মরানা তার পাওনা সাজা নয়।

দ্বি’লম্বর বিররণ 28:15

মাত্তর্‌ তুমি যুনি তমার গোজেন লগেপ্রভুর কধালোই কান্‌ ন-পাদঅ আর এচ্চ্যে দিয়্যে মর্‌ এদক্কানি উগুম আর সুদোম গমেডালে ন-পালঅ, সালে এই বেক্‌ অভিশাব্‌পানি তমা উগুরে লামি এবঅ আর তমা লগে থেবঅ:

দ্বি’লম্বর বিররণ 28:45

এদক্কানি অভিশাব্ তমা উগুরে লামি এবঅ। তুমি তমার গোজেন লগেপ্রভুর বাধ্য ন-অনার কারনে আর তে যেদক্কানি উগুম আর সুদোম দিয়্যে সিয়েনি ন-পালানার কারনে এদক্কানি অভিশাব তমার পিজেন্দি লোড়ে লোড়েই এবঅ আর তমারে ধুরি ফেলেব আহ্‌ যেরেন্দি তুমি শেজ্‌ ওই যেবা।

কলসীয় 1:13

কিয়া তে আন্ধার রেজ্যত্তুন্ আমারে উদ্ধোর্ গুরিনে তার কোচ্‌পেইয়্যে পুয়োবোর্ রেজ্যত্ আন্ন্যে।

২ পিতর 3:10

মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।

১ যোহন 2:8

মাত্তর্ এই যে উগুমানর্ কধা ইক্কিনে আমি তমা ইধু লিগির্ সিয়েন পুরোণি অলেয়ো নূয়ো। এই উগুমানর্ সত্যগান যীশু খ্রীষ্ট ভিদিরে আর তমা জিংকানিত্ দেগা যেইয়্যে, কিয়া আন্ধারান কাদা যার্ আর সেই আজল্ পহ্‌রান ইক্কিনে জ্বলের্।

ফগদাং পেইয়্যে 16:15

যীশু কত্তে, “চঅ, মুই চুরো ধোক্ক্যেন এইম্। বর্‌পেইয়্যে সেই মানুচ্চো, যে জাক্ক্যে থায় আর নিজোর্ পোজাগ্‌কানি পিনি থায়, যেন তাত্তুন্ লাংদা ওইনে ঘুরো ন-পরে আর মান্‌জ্যে তার লাজানাগান ন-দেগন্।”

ফগদাং পেইয়্যে 3:3

ইয়েনত্যে যিয়েন তুই পেইয়োচ্ আর শুন্ন্যচ্ সিয়েন ইদোত্ তুল্ আর পালন গর্, আর এ অবস্থাত্তুন্ মনান ফিরা। যুনি তুই জাগি ন-উদোচ্ সালে মুই চুরো ধোক্ক্যেন এইম্, আর মুই কন্‌ অক্‌তদ্ তইধু এইম্ সিয়েন তুই হবর্‌অ ন-পেবে।