21 যিয়েন গম সিয়েন ধুরি রাগেয়ো,
যে কনঅ মূল্যে ওক্ সত্য, জ্ঞান, শিক্ষ্যে আর বিচেরবুদ্ধি পাহ্; কনঅ কিজুর্ বদলে সিয়েনি অন্যরে ন-দুয়ো।
মঅ পুয়োবো, তুই মঅ শিক্ষ্যেনি ভুলি ন-যেচ্, বেক্ মনান্ দিইনে তুই মঅ উগুমানি পালা;
উপদেজ্ছানি মনত্ রাগেচ্, ভুলি ন-যেচ্; সিয়েন রোক্ষ্যে গর্, কিত্তে সিয়েনই তর্ জিংকানি।
তারারে ফেলেইনে উজেই যাদে মুই মর্ পরাণর্ কোচ্পানাগানরে দেগিলুং। তারে ধুরিনে মর্ মাবো ঘরত্ ন-আনানা সং মুই তারে ন-ছাড়িলুং; যিবে মরে পেদত্ রাগেয়্যে মুই তা ঘরত্ তারে আনিলুং।
তমাত্তুন্ গোজেনর্ উগুম আর সাক্ষি ইদু যাহ্ পুরিবো। যুনি তারা গোজেন কধা মজিম্ কধা ন-কন্ সালে বুঝো পুড়িবোদে তারা ইদু কনঅ পহ্র জিনিস্চান নেই।
“যিয়েন ঠিগ্ সিয়েন তুমি নিজে চিদে গুরিনে কিত্ত্যেই থির্ ন-গরঅ?
মঅ সমারে থাগঅ আর মুইয়ো তমা মনত্ থেম্। আংগুর্ গাজ লগে ন-থেলে ডেলাগুন্ যেবাবোত্যেগুরি নিজে নিজে গুলোগুলি ধুরি ন-পারে, সেবাবোত্যেগুরি মঅ লগে ন-থেলে তুমিয়ো নিজে নিজে গুলোগুলি ধোরেই ন-পারঅ।
যে যিহূদীগুনে তারে বিশ্বেজ্ গোজ্যন্ যীশু তারারে কলঅ, “মঅ কধামজিম্ যুনি তুমি চলঅ সালে ঘেচ্চ্যেক্গুরি তুমি মর্ শিচ্চ্য।
গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।
থিষলনীকীর্ যিহূদীগুনোত্তুন্ বিরয়া শঅরর্ যিহূদীগুনো মনানি বোউৎ বেশ্ খুলোমেলা এলঅ। তারা জদবদে আওচ্ গুরিনে গোজেনর্ কধা শুনিনে সিয়েনি মানি ললাক্। পৌলে যিয়েনি কোইয়্যে সিয়েনি সত্য নাহি চেবাত্যে পত্তিদিন্ তারা বোইয়োত্ তোগেদাক্।
ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্চান জানি পারঅ। গোজেনর্ আওজ্চান গম্, পুরোপুরি ঠিগ্ আর সেক্কে গোজেনে হুজি অয়।
কোচ্পানা ভিদিরে ভন্ডামি ন-থোক্। যিয়েন ভান্ন্যেই সিয়েন ঈচ্ গরঅ; যিয়েন গম্ সিয়েন দরমর গুরি ধুরি রাগঅ।
সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।
মান্জ্য ভিদিরে এমন্ কন্না আঘে, যে অন্য মান্জ্যর্ মন কধা কোই পারে? মান্জ্য ভিদিরে যে আত্মাগান্ আঘে তেয়ই বানা তার্ নিজোর্ মনর্ কধা কোই পারে। সে বাবোত্যে, গোজেনর্ আত্মা বাদে গোজেনর্ মন কধা অন্য কনজনে কোই ন-পারন।
জু পেলে আমি যেন বেক্কুনোর্, বিশেষ গুরিনে গোজেন পরিবারর্ মানুচ্চুনোরে উপকার গুরিই।
সেক্কে তুমি তোলেইনে চেই পারিবা কন্ কন্ কামানিত্ প্রভু হুজী অয়।
সালে যিয়েন ঘেচ্চ্যেক গুরিনে বেক্কানিত্তুন্ গম সিয়েন তুমি বুঝিনে বেঈ লোই পারিবা। ইয়েন্দোই তুমি যীশু খ্রীষ্টর্ মাধ্যমে গম্ জিংকানির্ ফলে ভর্পুনোং ওইনে খ্রীষ্টর্ এবার দিন্নো সং খাটি আর থুদো নেইয়্যে থেই পারিবা; আর ইয়েন্দোই গোজেনর্ বাঈনী আর নাঙ্ গিনেনা অবঅ।
যিয়েন ওক্, আমি যেবাবোত্যে অবস্থানত্ লুম্মেয়ি সেই মজিম চলানা উচিত।
যেরেদি কং, ভেইলগ্, যিয়েন সত্য, যিয়েন যগাজ্জ্যে, যিয়েন গম্, যিয়েন খাটি, যিয়েন-দোল্, যিয়েন সর্মান পেবার যগাজ্জ্যে, আজল্ কধা যিয়েন গম্ আর নাঙ্ গিনিবার্, সিন্দি তুমি মনানি দুয়ো।
চেইয়ো, অন্যেয়র্ বদলে কেঅ যেন অন্যেয় ন-গরন্। তুমি নিত্য একজন আরেকজনরে, এমন কি, অন্য বেক্কুনোর্ ভালেদি গুরিবার চেষ্টা গরঅ।
আর নানান্ বাবোত্যে ভান্ন্যেয়ত্তুন্ দূরোত্ থেয়ো।
সেনত্যে ভেই-বোনলগ্, থির্ থাগঅ, আর চিধিলোই বা কধালোই যে শিক্ষ্যেনি আমি তমারে দিয়্যেই সিয়েনি ধুরি রাগঅ।
তুই হবর্ পাজ্ এশিয়া রেজ্যত্ বেক্কুনে মরে ফেলে যেয়োন। তারাত্তুন্ আঘন্ ফুগিল্ল আর হর্মগিনি।
এবাবোত্যে মানুচ্চুনো ভিদিরে কেঅ কেঅ ঘরে ঘরে সমেইনে চিদে-বিদে মিলেগুনোরে ভান্ন্যেই পধেদি নেযান। এ মিলেগুনো উগুরে পাপ বুক্ক্যে আঘে; তারা নানান্ কামনা-বাসনালোই চলন্।
যে আলেক্সান্দরে তামা কাম গরে তে মরে বোউত ক্ষতি গোজ্জ্যে। তে যিয়েন গোজ্জ্যে সিয়েনর হেনা প্রভু শুজিবো।
বিশ্বেজি ইজেবে আমার যে আজা আঘে, এজঅ, আমি থির্ ওইনে তা কধানি স্বিগের্ গুরি থেই, কিয়া যিবে এগেম্ গোজ্জ্যে তে বিশ্বেজ্বলা।
কোচ্পানার্ পুয়ো-ছা লগ্, তুমি বেক্ আত্মাগুনোরে বিশ্বেজ্ ন-গোজ্জ্য, বরং চাগি চঅ সিগুনে গোজেনত্তুন্ এচ্চ্যন কিনা, কিয়া জগদত্ বোউত্ ভন্ড ভাববাদী নিগিল্লোন।
মুই তর্ কাম, গাম ঝরানা আর ধৈজ্জ্যর্ কধানি জানং। মুই কোই পারং তুই ভান্ন্যেই মানুচ্চুনোরে সোজ্জ্য গুরি ন-পারচ, আর যিগুনে দূত্ ন-ওইনেয়ো নিজোরে দূত্ বিলিনে দাবি গরন্ তারারে যগা চেইয়োচ্ আর তারা যে মিজে মাঢিয়্যে সিয়েনর্ প্রমানঅ পেইয়োচ্।
বানা যিয়েনি তমার আঘে, মুই ন-এজানা সং সিয়েনি দরমর গুরি ধুরি রাগঅ।
মুই সবরে এজঙর্। তর্ যিয়েনি আঘে সিয়েনি দরমর গুরি ধুরি থঅ, যেন কেঅ তর্ জিদেনার্ বক্শিজ্চান কাড়ি ন-লয়।
ইয়েনত্যে যিয়েন তুই পেইয়োচ্ আর শুন্ন্যচ্ সিয়েন ইদোত্ তুল্ আর পালন গর্, আর এ অবস্থাত্তুন্ মনান ফিরা। যুনি তুই জাগি ন-উদোচ্ সালে মুই চুরো ধোক্ক্যেন এইম্, আর মুই কন্ অক্তদ্ তইধু এইম্ সিয়েন তুই হবর্অ ন-পেবে।
