17 নিত্য তবনা গরঅ,
উগুমানত্ দস্তক্ দিয়্যে ওইয়্যে শুনিনে দানিয়েলে তা ঘরানর্ উগুরে তলা ঘরত্ গেলঅ; সেই ঘরানর্ জানালাগানি যিরূশালেম ইন্দি খুলো এলঅ। তে নিজোর অভ্যেস্ মজিম দিনে তিনবার আঢু পাড়ি তবনা গুরিনেই তার গোজেনরে ভালেদি জানেল।
শিচ্চ্যগুনে যেনে নিত্য তবনা গরন্ আর আজা ন-আড়ান্ সেই শিক্ষ্যেগান্ দিবাত্যে যীশু তারারে এ উদাহরনান্ দিলো: “কনঅ এক শঅরত্ এক্কো বিচেরক্ এলঅ। তে গোজেনরে ন-দোরেদ আর মান্জ্যরেয়ো গ্রাজ্য ন-গুরিদো।
সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”
তমা মুজুঙোত্ যে আজাগান্ আঘে সিয়েনত্যে ফুত্তি গরঅ। দুঘ্-কষ্টত্ ধৈজ্জ্য ধরঅ। নিত্য তবনা গরঅ।
পবিত্র আত্মালোই পরিচালিত ওইনে মনে-পরাণে নিত্য তবনা গরঅ। ইয়েনত্যে সজাগ্ থেইনে গোজেনর্ বেক্ মানুচ্চুনোত্যে আমিঝে তবনা গরানাত্ থাগঅ।
তুমি কৃতজ্ঞ আর সজাগ্ ওইনে তবনা গুরিনে নিজোরে কামত্ রাগেয়ো;
ইক্কিনে বেক্কানির্ থুমো সময় ওইয়্যেগি। সেনত্যে তমা মনানি থির্ গরঅ আর নিজোরে দোঙেই রাগঅ যেন তবনা গুরি পারঅ।
হান্না ভালক্কন্ সং লগেপ্রভুর ইদু যেক্কে তবনা গরের্ সেক্কে এলি তার মুয়োন্দি চেই রোইয়্যে।
