১ থিষলনীকীয় 5:15 - Chakma Bible

¹⁵ চেইয়ো, অন্যেয়র্ বদলে কেঅ যেন অন্যেয় ন-গরন্। তুমি নিত্য একজন আরেকজনরে, এমন কি, অন্য বেক্কুনোর্ ভালেদি গুরিবার চেষ্টা গরঅ।

১ থিষলনীকীয় 5:15 Iomraidhean Croise

পত্থম 45:24

এ বেবস্থাগানি গুরিনে তে তার্ ভেইয়ুনোরে পাধেই দিলো। যেবার অক্তত্‌ তে তারারে কোই দিলো, “তুমি পধথ্‌ কোল্‌-কোজ্যে ন-গোজ্য।”

গীতসংহিতা 38:20

মুই তারারে যে মংগল গরং সিয়েনর বদলে তারা মরে অমংগল গরন্; মুই যেক্কেনে গমানরে তগাং সেক্কেনে তারা মঅ বিরুদ্ধে থিয়েন্।

গীতসংহিতা 7:4

যুনি মঅ সমাজ্যেগুনো উগুরে অন্যেয় গুরি থাং, যে এনেবাদে মর্ শত্রু ওইনে উঠ্যন্ মাত্তর্ মুই তারেয়ো উদ্ধোর্ গোজ্যং-

গম্ উপদেজ্ 17:13

যে মানুচ্চো উপকারর বদলে অপকার গরে, অপকারানে কনদিন্‌অ তা ঘরান ন-ছাড়িবো।

গম্ উপদেজ্ 20:22

তুই ন-কোজ্, “এ অন্যেয়ানর হেনা শুজিম্।” লগেপ্রভুত্তে বাজ্জেই থাগ্, তে সেই দজানত্তুন্ তরে রোক্ষ্যে গুরিবো।

গম্ উপদেজ্ 24:17

তঅ শত্রুবো পড়ি গেলে রঙ্গফুত্তি ন-গুরিচ্; তে উজোদ্ হেলে তঅ রিবেঙানরে হুজি অবাত্তে ন-দিচ্।

গম্ উপদেজ্ 24:29

এ কধাগান ন-কোইয়ো, “তে তঅ উগুরে যেধোক্ক্যেন গোজ্যে মুইয়ো তা উগুরে সেধোক্ক্যেন্ গুরিম; তে যিয়েন গোজ্যে তা ফল তারে দিম্।”

গম্ উপদেজ্ 25:21

তঅ শত্রুর যুনি পেট্ পুড়ে তারে হেবাত্তে দে, যুনি তার পানি তিরেস্ পায় তারে পানি দে;

লেবীয় 19:18

হেনা চুযোনা ন-চলিবো, বা কারঅ‌ বিপক্ষে মন ভিদিরে ইংসের্‌ মনভাব পুযি রাগানা ন-চলিবো। বেক্‌ মানুচ্চুনোরে নিজো ধোক্ক্যেন গুরি কোচ্‌পা-পুরিবো। মুই লগেপ্রভু।

মথি লেখ্যে গম্ হবর্ 5:39

মাত্তর্ মুই তমারে কঙর্, তমা সমারে যে কনজনে ভান্ন্যেই বেবহার গরে তা বিরুদ্ধে কিচ্চু ন-গোজ্য; বরং যে কনজনে তঅ ডেন্ গালত্ চুয়োড়্ মারে তারে বাঙ্‌অ গালানত্অ চুয়োড়্ মারিবাত্তে দিস্।

লূকে লেখ্যে গম্ হবর্ 6:35

মাত্তর্ তুমি তমা শত্রুগুনোরে কোচ্‌পেয়ো আর তারারে মংগল্ গরঅ। কিজু ফেরৎ পেবার্ আজা ন-রাগেনে উদোর্ দুয়ো। সালে তমাত্তে দাঙর্ বক্‌শিজ্ আঘে, আর তুমি দাঙর্ গোজেনর্ পুয়ো অবা, কারন তে অকৃতজ্ঞ আর পাজিগুনোরেয়ো দোয়্যে গরে।

প্রেরিত্‌ 16:28

সেক্কে পৌলে রঅ ছাড়িনে কলঅ, “থামা, নিজোরে ক্ষতি ন-গুরিবে; আমি বেক্কুনে ইধু আঘিই।”

রোমীয় 12:9

কোচ্‌পানা ভিদিরে ভন্ডামি ন-থোক্। যিয়েন ভান্ন্যেই সিয়েন ঈচ্ গরঅ; যিয়েন গম্ সিয়েন দরমর গুরি ধুরি রাগঅ।

রোমীয় 14:19

ইয়েনত্যে যিয়েন গুরিলে শান্তি অয় আর যিয়েনর মাধ্যমে আমি একজন আরেকজনরে শিগেইনে তুলি পারিই, এজঅ, আমি সিয়েনর্ চেট্ট্যা গুরিই।

১ করিন্হীয় 14:1

এ কোচ্‌পানাগানত্যে তুমি বিশেষ গুরিনে চেষ্টা গরঅ, আর পবিত্র আত্মার্ দিয়্যে দান, বিশেষ গুরিনে ভাববাদী ইজেবে কধা কবার্ খেমতা পেবাত্যে তমার্ আওজ্ থোক্।

১ করিন্হীয় 16:10

তীমথিয় যুনি এজে সালে চেইয়ো যেন তে তমা ইধু গমেডালে থেই পারে, কিয়া মুই যেবাবোত্যে গুরি প্রভুর্ কাম গরঙর্ তেয়ো সেবাবোত্যে গুরি গরের্।

১ করিন্হীয় 6:7

আসলে তুমি যে একজন অারেক জন বিরুদ্ধে মামলা-মগদ্দমা গরর্ সিয়েন্দোই ইয়েন প্রমাণ অত্তে যে, তুমি উদি যেয়ো। সিয়েনত্তুন্ বরং অন্যেয়ানি সোজ্জ্য ন-গরঅ কিত্ত্যে? ন-ঠুগিলা কিত্ত্যে?

গালাতীয় 6:10

জু পেলে আমি যেন বেক্কুনোর্, বিশেষ গুরিনে গোজেন পরিবারর্ মানুচ্চুনোরে উপকার গুরিই।

ইফিষীয় 5:15

তুমি কেধোক্ক্যেন গুরি চলর্ সে পৌইদ্যেনে গমেডালে ভাবি চঅ। বুদ্ধি-নেইয়্যে মানুচ্চুনো ধোক্ক্যেন ন-চলিনে জ্ঞানীগুনো ধোক্ক্যেন চলঅ।

ইফিষীয় 5:33

মাত্তর্ যাক সেই বেক কধানি। তুমি পত্তিজনে নিজো মোগরে নিজো ধোক্ক্যেন কোচ্‌পেইয়ো; আর মোগর্-অ উচিত যেন তে নিজো নেগরে সর্মান গরে।

দ্বি’লম্বর বিররণ 16:20

যে দেজ্‌ছান তমার গোজেন লগেপ্রভু তমারে দের্‌, তুমি যেনে বাঁজি থেইনে সিয়েন ভোগ-গজক্ গুরি পার সেনত্যে তুমি বানা ন্যায়ানরে মানি চলিবা।

১ থিষলনীকীয় 5:21

যিয়েন গম সিয়েন ধুরি রাগেয়ো,

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

২ তীমথিয় 2:24

যিবে প্রভুর চাগর্, তার কোল্-কোজ্জ্যে গরানা উচিত নয়, বরং তাত্তুন্ বেক্কুনো উগুরে দোয়্যেলু উয়ো পরিবো। তাত্তুন্ অন্যগুনোরে শিক্ষ্যে দানর্ খেমতা আর সোজ্জ্যগুণ থাহ্ পরিবো।

তীত 3:2

তারা যেন কারঅ নিন্দে ন-গরন্ বা কোল্‌-কোজ্জ্যে ন-গরন্, বরং তারা যেন শান্ত খাচ্চ্যদর্ অন্ আর বেক্কুনো সমারে ভারী চিদে বেবহার গরন্।

ইব্রীয় 12:14

বেক্‌ মানুচ্চুনো সমারে সুগে-শান্দিয়্যে থাগদে আর পবিত্র অবাত্যে আয়োজি অ।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

১ পিতর 2:17

বেক্‌ মানুচ্চুনোরে সর্মান গরঅ, তমার বিশ্বেজি ভেইয়ুনোরে কোচ্‌পঅ, গোজেনরে ভোক্তি গরঅ, সম্রাটরে সর্মান গরঅ।

১ পিতর 3:9

অন্যেয়র্ বদলে কার উগুরে অন্যেয় ন-গোজ্জ্য বা কেঅ গেইল্‌ দিলে তারে ফিরেইনে গেইল্‌ ন-দুয়ো, বরং তারাত্যে বর্ মাখ্য; কিয়া আশিদ্‌বাদ পেবাত্যে গোজেনে তমারে ডাক্ক্যে।

৩ যোহন 1:11

পরাণর্ সমাজ্জ্যেগুন, ভান্ন্যেয়র্ পিজেদি ন-যেইনে বরং গমঅ পিজেদি আঢঅ। যে গম কাম গরে তে গোজেনর্ মানুচ্‌; আর যে ভান্ন্যেই কাম গরে তে গোজেনরে ন-দেগে।

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”

ফগদাং পেইয়্যে 22:9

মাত্তর্ তে মরে কলঅ, “থামা মুই তর্ আর তঅ বিশ্বেজি ভেইয়ুনোর, অত্তাৎ ভাববাদীগুনোর্ আর যিগুনে এ বোইবোর্ বেক কধানি পালান্ তারার্ চাগর সমাজ্যে। গোজেনরে সালাম গর্।”

১ শমূয়েল 24:13

পুরোণি মানুচ্চুনোর্ ঢাগঅ কধাত্‌ আগেদে, পাজির্ ভিদিরেত্তুন এজেদে পাজি কামানি, সেনত্যেই মুই তর্‌ বিরুদ্ধে আঢ্ তুলিবাত্তে ন-যেম্‌।