১ থিষলনীকীয় 5:14 - Chakma Bible

¹⁴ ভেইলগ্, আমি তমারে এ উপদেচ্‌‌‌চান দিত্তে-যিগুনে আল্‌চি তারারে উজিয়ার্ গরঅ; যিগুনোর সাহচ্‌ নেই তারারে সাহচ্‌ দুয়ো; যিগুনে বল্‌‌পোজ্জ্যে তারারে বল্ দুয়ো আর বেক্কুনোরে ধৈয্য ধুরিনে সোজ্জ্য গরঅ।

১ থিষলনীকীয় 5:14 Iomraidhean Croise

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

যিরমিয় 6:12

যিগুনে দেজত্ বজত্তি গরন তারা বিরুদ্ধে যেক্কে মুই সাজা দিবার আঢ্‌তান বাবেই দিম্ সেক্কে অন্যগুনো আঢত্ তারার ঘরানি, ভূইয়ানি আর মোগ্‌‍‍কুনোরে তুলি দিয়্যে অবঅ।

যিহিষ্কেল 34:16

যিগুনে আজি যেইয়োন্ মুই তারারে তোগেম্ আর যিগুনে ভান্ন্যেই পধেদি যেইয়োন তারারে ফিরেই আনিম। মুই আহতগুনোরে ঘা-গানি বানি দিম্ আর বল্‌‌পোজ্যেগুনোরে সবল্ গুরিম্, মাত্তর্ পক্তামক্তা আর বোলিবন্দগুনোরে মুই ভস্ত গুরিম, কিত্যে মুই ন্যায়বিচেরর্ মাধ্যমে মর্ পালুনোরে দেগাশুনো গুরিম।

মথি লেখ্যে গম্ হবর্ 12:20

ন্যায়বিচেরানরে জিদেই ন-দেনা সং তে বুধি যেইয়্যে নল্লো ন-ভাঙিবো আর এক্কা এক্কা জুলি থেইয়্যে চেরাগ বুদ্দি ন-মারেবা।

লূকে লেখ্যে গম্ হবর্ 22:32

মাত্তর্ মুই তত্যে তবনা গোজ্যং যেন তঅ বিশ্বেজত্ ভাঙন্ ন-ধরে। তুই যেক্কে মইধু ফিরি এবে সেক্কে তর্ এই ভেইয়ুনোরে খেমতাবলা গুরি তুল্।”

প্রেরিত্‌ 20:27

কিয়া গোজেনে কি চায় সিয়েন তমারে জানেবাত্তে মুই কনদিন্অ পিজেদি ন-ফিরোং।

প্রেরিত্‌ 20:31

ইয়েনত্তে তুমি উজিয়ার্ থাগঅ। ইদোত্ রাগেবা, তিন বজর্ সং দিন-রেদ্ চোগো পানিলোই মুই তমারে পত্তিজনরে উজিয়ার্ গোজ্জ্যং, কনদিন্অ জুরো গুরি ন-থাগঅ।

প্রেরিত্‌ 20:35

মুই যিয়েনি গোজ্জ্যং সিয়েনি বেক্কানি তমারে দেগেয়োং, এবাবোত্যেগুরি জদবদে কাম্ গুরিনে বল্‌পোজ্যেগুনোরে সাহায্য গরানা উচিত্ আর প্রভু যীশুর্ এ কধাগান আমাত্তুন্ ইদোত্ রাগানা উচিত, পানাত্তুন্ দেনাত্ আরঅ বেশ্ আশিদ্‌বাদ আঘে।

রোমীয় 12:1

সালে ভেইলগ্, গোজেনর্ এ বেক্‌ দোয়্যের্ কারনে মুই তমারে বিশেষ গুরিনে কোজোলি গরঙর্, তুমি তমার্ কিয়্যেগানরে জেদা, পবিত্র আর গোজেনর্ মানি লোইয়্যে উৎসর্ব ইজেবে গোজেন আঢত্ তুলি দুয়ো। সিয়েনই অবঅ তমার্ যগাজ্যে সেবা।

রোমীয় 14:1

বিশ্বাজে যে মন্‌মরা তারে আপন গুরি নেয; তা কধাগান্দোই তা সমারে তর্কাতর্কি ন-গোজ্য।

১ করিন্হীয় 4:14

মুই তমারে লাজ্ দিবাত্যে ইয়েনি ন-লেগঙর্, বরং মর্ পরাণর্ পুয়ো-ছা ইজেবে উজিয়ার্ গুরিবাত্তে লেগঙর্।

১ করিন্হীয় 8:7

মাত্তর্ এই জ্ঞানান্ বেক্কুনোর নেই। মূত্তি পূজোর্ অভ্যেস্ এল বিলি মূত্তি ইধু উৎসর্ব-গোজ্জ্যে হানা এজঅ সং কেঅ কেঅ সেই ইজেবে হেই থান্। সেক্কে তারার্ বিবেক নরম বিলি অসিজি অয়।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

ইফিষীয় 4:2

তমার খাচ্চ্যদ্‌তানি যেন পুরোপুরি গুরি নম্র আর নরম অয়। ধৈজ্জ্য ধরঅ আর কোচ্‌পানার মনভাব্‌পোই একজন আরেকজনরে সোজ্জ্য গরঅ।

ইফিষীয় 4:32

তুমি একজন আরেক জন উগুরে দোয়্যেলু অ, অন্যর্ দুঘে দুঘি অ, আর গোজেনে যেবাবোত্যে গুরি খ্রীষ্টর্ মাধ্যমে তমারে খেমা গোজ্জ্যে সেধোক্ক্যেন গুরি তুমিয়ো একজন আরেক জনরে খেমা গরঅ।

কলসীয় 1:28

আর সেই খ্রীষ্ট পৌইদ্যেনে আমি প্রচার গুরিই, অত্তাৎ গোজেনর্ দিয়্যে ন-ফুরেইয়্য জ্ঞান লগে আমি পত্তিজনরে উজিয়ার্ গুরিই আর শিক্ষ্যে দিই, যেন পত্তিজনরে আমি খ্রীষ্টর্ মাধ্যমে যগাজ্জ্যে গুরি তুলিই পারি।

২ থিষলনীকীয় 3:15

মাত্তর্ তারে শত্রু বিলিনেয়ো মনে ন-গোজ্জ্য, বরং ভেই ইজেবে তারে উজিয়ার্ গরঅ।

১ তীমথিয় 3:3

তে যেন মাত্তল্ আর রগ্‌‌‌চদা ন-অয়, বরং তা খাচ্চ্যদ্‌তান যেন চিদে অয় আর তে যেন কোজ্জ্যে গুরিয়্যে বা টেঙার্ লুভি ন-অয়।

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

২ তীমথিয় 4:2

গোজেনর্ কধানি ফগদাং গরঅ; সময়োত্ ওক্‌ বা অসময়ত্ ওক্‌, আমিযে ফগদাঙত্যে যুক্কোল্ থাগঅ; ভারী ধৈজ্জ্য ধুরি শিক্ষ্যে দিইনে মানুচ্চুনোরে দুষ্ দেগেই দে, তারারে উজিয়ার্ গরঅ আর উপদেচ্‌ দুয়ো।

তীত 1:10

এধোক্ক্যেন বোউত্ মানুচ্‌ আঘন্ যিগুনে উল্লো, যিগুনে বাজে কধা কন্ আর যিগুনে ছলনা গুরি বেড়ান্। যিগুনে চুনু মাঢা কাবানা উগুরে জোর্ দুয়োন, বিশেষ গুরি মুই তারা কধানি কঙর্।

তীত 1:6

মন্ডলীর আজল্ নেতাবোর্ এমন্‌ উয়ো পড়িবো যেন কেঅ তারে দুষ্ দি ন-পারন্। তার বানা এক্কো মোক্ থেবঅ। তার্ পুয়ো-ছাগুনে যেন খ্রীষ্ট উগুরে বিশ্বেজি অন্, যেন তারা নিজোর্ হুজি মজিম ন-চলন্ আর অবাধ্য ন-অন্।

ইব্রীয় 12:12

সেনত্যে তমার্ বেসত্ আঢ্‌তানি আর গির্‌গিরেইদ্যে আঢুগিলেগুন দরমর গরঅ।

ইব্রীয় 13:3

যিগুনে জেলোত্ আঘন্ তারা সমারে যেন তুমিয়ো বন্দী ওইয়ো, আর যিগুনে অত্যেচারিত্ অদন্ তারা সমারে যেন তুমিয়ো অত্যেচারিত অর্, এবাবোত্যে গুরি তারা কধানি ইদোত্ তুলো।