১ থিষলনীকীয় 5:12 - Chakma Bible

¹² ভেইলগ্, আমি তমারে কোজোলি গুরির্, যিগুনে তমা ভিদিরে কাম্ গরন, প্রভুর ওইনে তমারে পরিচালনা গরন আর তমারে উপদেচ্‌ দি থান্, তারারে সর্মান গরঅ।

১ থিষলনীকীয় 5:12 Iomraidhean Croise

লূকে লেখ্যে গম্ হবর্ 10:7

সেই ঘরানত্ থেয়ো আর তারা যিয়েন্ দুয়োন্ সিয়েনই হেয়ো, কিয়া যে কাম্ গরে তে বেতন্ পেবার্ যগাজ্যে। এক্কান্ ঘর্ ফেলেইনে অন্য ঘরত্ ন-যেয়ো।

যোহন 4:38

মুই তমারে এমন্‌ শোজ্য কাবিবাত্যে দিপাধেলুং যিয়েনত্যে তুমি কাম্ ন-গরঅ। অন্যগুনে কাম্ গোজ্যন্ আর তুমি সে কামর্ ফসল কাপ্প্য।”

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

প্রেরিত্‌ 20:35

মুই যিয়েনি গোজ্জ্যং সিয়েনি বেক্কানি তমারে দেগেয়োং, এবাবোত্যেগুরি জদবদে কাম্ গুরিনে বল্‌পোজ্যেগুনোরে সাহায্য গরানা উচিত্ আর প্রভু যীশুর্ এ কধাগান আমাত্তুন্ ইদোত্ রাগানা উচিত, পানাত্তুন্ দেনাত্ আরঅ বেশ্ আশিদ্‌বাদ আঘে।

রোমীয় 16:12

ত্রুফেণা আর ত্রুফোষারে ভালেদি জানেয়ো। এ মিলেগুনে প্রভুত্যে কাম্ গরন্। পরাণর্ পর্ষিসরেয়ো ভালেদি জানেয়ো। এ মিলেবোয়ো প্রভুত্যে বোউত্ কাম্ গোজ্জ্যে।

রোমীয় 16:6

মরিয়ম, যিবে তমাত্যে বোউত্ কাম্ গোজ্জ্যে, তারে ভালেদি জানেয়ো। আন্দ্রনীক্ আর যূনিয়রে ভালেদি জানেয়ো।

১ করিন্হীয় 12:28

গোজেনে মন্ডলীত্ পত্তম প্রচারক, দ্বি-লম্বরত ভাববাদী; তিন-লম্বরত্ মাষ্টর্ ইজেবে নেযেয়্যে। সে পরেদি এই বেক্ মানুচ্চুনোরে নেযা ওইয়্যে-যিগুনে আমক্ কাম গুরিবার খেমতা পেইয়োন, যিগুনে পীড়ে গম্ গুরিবার খেমতা পেইয়োন, যিগুনে সাহায্য গুরিবার খেমতা পেইয়োন, যিগুনে পরিচালনা গুরিবার খেমতা পেইয়োন, আর যিগুনে নানান্ ভাষা কবার খেমতা পেইয়োন। বেক্কুনে কি প্রচারক্?

১ করিন্হীয় 15:10

মাত্তর্ ইক্কিনে মুই যিয়েন ওইয়োং সিয়েন গোজেনর্ দোয়্যেলোই ওইয়োং। মঅ উগুরে তার্ সেই দোয়্যেগান্ নিষ্ফল ন-অয়। মুই অন্য প্রচারগ্‌কুনোর্ বেক্কুনোত্তুন্ বেশ্ কাম গোজ্জ্যং; মাত্তর্ কাম যে মুই গোজ্জ্যং সিয়েন নয়, বরং মঅ উগুরে গোজেনর্ যে দোয়্যে আঘে সেই দোয়্যেগানে সিয়েন গোজ্জ্যে।

১ করিন্হীয় 16:16

সেনত্যে এবাবোত্যে মানুচ্চুনোর্ অধীনতা স্বীগের্ গুরিবাত্যে মুই তমারে কোজোলী গরঙর্। আর অন্য যিগুনে এ কামত্ মিজেইনে দরমর গুরি কাম্ গরন তারার্‌অ অধীনতা স্বীগের্ গরঅ।

১ করিন্হীয় 16:18

তারা মর্ আর তমা মনত্ উচ্চোমি আন্ন্যন্। তুমি এবাবোত্যে মানুচ্চুনোরে সর্মান গোজ্জ্য।

১ করিন্হীয় 3:9

কিয়া আমি দ্বিয়ো জনেই গোজেন সমারে কাম গুরির্। তুমি গোজেনর্ খেত্, গোজেনর্ বানেয়্যে বিল্ডিং।

২ করিন্হীয় 11:23

তারা কি খ্রীষ্টর্ সেবাগুরিয়্যে? মুই আরঅ বেচ্‌ গুরি সেধোক্ক্যেন। মনত্ রাগেয়ো, মুই মাঢা-খারাব মান্‌জ্য ধোক্ক্যেন কধা কঙর্। খ্রীষ্টর্ সেবা গুরিবাত্যে যেইনে মুই তারাত্তুন্ বোউত্ বেশ্ কাম গোজ্জ্যং, আরঅ ভালোক্ বার জেল্ কাট্ট্যং, আরঅ ভালোক্ বার পিদে খেইয়োং, ভালোক্ বার মরণ মুয়োত্ পোজ্জ্যং।

২ করিন্হীয় 5:9

সেনত্যে আমি কিয়্যেগানর্ ঘরানত্ বজত্তি গুরিই বা ন-গুরিই, আমার্ উদ্দেচ্য অত্তে প্রভুরে হুজী গরানা।

২ করিন্হীয় 6:1

গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

গালাতীয় 4:11

তমাত্যে মর্ ইয়েন দর্ লাগেত্তে, তমা ইধু অয়ত মুই মিজে মিজেই কাম্ গোজ্জ্যং।

ফিলিপীয় 2:19

মুই আজা গরং, প্রভু যীশুর্ আওজ্ অলে মুই তীমথিয়রে যাদিমাদি তমা ইধু পাধেম, যেন তমার হবর্ পেইনে মুইয়ো উচ্চোমি পাং।

কলসীয় 1:29

এই উদ্দেচ্চ্যগান্দোই গোজেনে যে দাঙর্ খেমতাগানে মঅ ভিদিরে কাম গোজ্জ্যে সেই খেমতা মজিম মুই জদবদে কাম্ গরঙর্।

১ থিষলনীকীয় 2:9

ভেইলগ্, আমার কামানি আর দুঘোর্ কধানি খামাক্কায় তমার্ ইদোত আঘে। তমা ইধু গোজেনর্ গম হবরান্ ফগদাং গুরিবার সময় আমি দিন-রেত্ কাম গোজ্জ্যেই, যেনে আমি তমার কারঅ উগুরে কাঙেলেত্যে ন-ওই।

১ থিষলনীকীয় 4:1

আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্‌ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।

১ থিষলনীকীয় 5:14

ভেইলগ্, আমি তমারে এ উপদেচ্‌‌‌চান দিত্তে-যিগুনে আল্‌চি তারারে উজিয়ার্ গরঅ; যিগুনোর সাহচ্‌ নেই তারারে সাহচ্‌ দুয়ো; যিগুনে বল্‌‌পোজ্জ্যে তারারে বল্ দুয়ো আর বেক্কুনোরে ধৈয্য ধুরিনে সোজ্জ্য গরঅ।

১ তীমথিয় 5:1

যিগুনে বুড়ো, তারারে দুষ্ দেগেবাত্যে গবাচবা ন-গোজ্য; বাব ধোক্ক্যেন মনে গুরিনে তারারে বুঝো। গাবুজ্জ্যেগুনোরে ভেইয়ো ধোক্ক্যেন মনে গুরিনে বুঝো।

১ তীমথিয় 5:20

যে আজল্ নেতাগুনে পাপ গরানাত্ থান্ মন্ডলীর বেক্‌ মানুচ্চুনো মুজুঙোত্ তারার্ দুষ্‌‍‍‍চান দেগেই দুয়ো যাতে অন্য নেতাগুনেয়ো দরান্।

২ তীমথিয় 2:6

যে চাষাবলাবো কাম্ গরে তাত্তুনই পত্তমে খেদর্ ভাগ্ পানা উচিত।

তীত 1:3

আমার উদ্ধোর্ গুরিয়্যে গোজেনর্ উগুম মজিম মুই যিয়েনি প্রচার গরং সিয়েনিত্যে গোজেনে তার্ কধানি ঠিগ্ সময়োত্ ফগদাং গোজ্জ্যে।

তীত 1:5

ক্রীট দ্বীবোত্ যে কামানি এজঅ সং আদ্‌ধান্ন্যেগুরি রোইয়্যে সিয়েনি ঠিগ্ গুরিবাত্যে মুই তরে ক্রীট দ্বীবোত্ থোই এচ্চ্যং। মুই তরে যে উগুমানি দুয়োং সেই মজিম পত্তি শঅর মন্ডলীর্ আজল্ নেতাগুনোরে কামত্ অদেঅদে রাগা।

তীত 2:15

সেনত্যে পুরো অধিকার নিইনে তুই এ পৌইদ্যেনে শিক্ষ্যে দে, উপদেচ্‌ দে আর দুষ্ দেগেই দে। কেঅ যেন তরে ঈচ্ ন-গরন্।

ইব্রীয় 13:17

তমা নেতাগুনোর্ কধানি মানি চোল্ল্য আর তারার্ বাধ্য ওইয়ো, কিয়া যিগুনে গোজেন ইধু ইজেব দিবাক্ সেবাবোত্যে মানুচ্‌ ইজেবে দঅ তারা তমারে দেগাশুনো গরন্। তারার্ বাধ্য ওইয়ো যেনে তারা তারার্ কামানি হুজি গুরিনে গুরি পারন, দুঘ্ পেইনে নয়। যুনি দুঘ্ পেইনে গরা পরে সালে সিয়েনত্যে তমার কনঅ লাভ্ ন-অবঅ।

ইব্রীয় 13:7

যিগুনে তমা ইধু গোজেনর্ কধা কদাক্ তমার্ সেই নেতাগুনোর্ কধা ইদোত্ রাগেয়ো। তারার্ জিংকানির থুমোর্ কধাগান গমেডালে চিন্তে গোজ্জ্য আর তারা ধোক্ক্যেন গুরি তুমিয়ো বিশ্বেজ্ গোজ্জ্য।

ফগদাং পেইয়্যে 1:20

যে সাত্‌টো সনার চেরাগ টগ্ আর মঅ ডেন্ আঢেদি যে সাত্‌টো তারা তুই দেগিলে সিয়েনর্ গুমুরো অত্তগান ইয়েন-সেই সাত্‌টো তারা অলঅ সেই সাত্‌টো মন্ডলীর সাতজন দূত আর সাত্‌টো চেরাগ টগ্ অলঅ সেই সাত্‌টো মন্ডলী।

ফগদাং পেইয়্যে 2:12

পর্গাম শঅরর্ মন্ডলী দূত্‌তো ইধু এ কধাগান লেগ- যে ধারেয়্যে ছুরিগানর্ দ্বিয়ো কিত্ত্যেদি ধার্ আঘে সিয়েনর অধিকারী এ কধাগান কত্তে:

ফগদাং পেইয়্যে 2:18

থুয়াতীরা শঅরর্ মন্ডলী দূত্‌তো ইধু এ কধাগান লেগ- গোজেনর্ পুয়ো, যিবের্ চোগ্‌‌কুন আগুনো জিলো ধোক্ক্যেন আর টেঙানি ভারী চক্‌চোক্ক্যে পিদোল ধোক্ক্যেন তে এ কধাগান কর্:

ফগদাং পেইয়্যে 2:3

তর্ ধৈজ্জ্য আঘে আর তুই মত্যে বোউত্ দুঘ্ গোজ্জ্যস্, অরান্ ন-অচ্।

ফগদাং পেইয়্যে 2:8

স্মুর্ণা শঅরর্ মন্ডলীর দূত্‌তো ইধু এ কধাগান লেগ- যিবে পত্তম আর থুম্, যিবে মোজ্জ্যে আর জেদা ওইয়্যে, তে এ কধাগান কত্তে:

ফগদাং পেইয়্যে 3:1

সার্দি শঅরর্ মন্ডলীর দূত্‌তো ইধু এ কধাগান লেগ- গোজেনর্ সাত্‌টো আত্মা আর সাত্‌টো তারা যিবে ধুরি আঘে তে এই কধাগান কর্: মুই তর্ কামর্ কধানি কোই পারং। জেদা আঘচ্ বিলিনে তর্ গম সুনাঙ্ আঘে, মাত্তর্ আজলে তুই মরা।

ফগদাং পেইয়্যে 3:14

লায়দিকেয়া শঅরর্ মন্ডলী দূত্‌তো ইধু এ কধাগান লেগ- যিবে আমেন, যে বিশ্বেজি আর সত্য সাক্ষী, যিবে গোজেনর্ সৃট্টির গড়াগান, তে এ কধাগান কর্: মুই তর্ কামর কধানি কোই পারং।

ফগদাং পেইয়্যে 3:7

ফিলাদিল্‌ফিয়া শঅরর্ মন্ডলী দূত্‌তো ইধু এ কধাগান লেগ- যিবে পবিত্র আর সত্য, যাইধু দায়ূদোর চাবি আঘে, যিবে খুলিলে কেঅ বানি ন-পারে আর বানিলে কেঅ খুলি ন-পারে,