১ থিষলনীকীয় 5:11 - Chakma Bible

¹¹ ইয়েনত্যে তুমি ইক্কিনে যিয়েন গরর্ সেবাবোত্যেগুরি একজন আরেকজনরে উচ্চোমি দান গুরিবাত্যে আর একজন আরেক জনরে গাধেই তুলোনাত্ থাগঅ।

১ থিষলনীকীয় 5:11 Iomraidhean Croise

রোমীয় 14:19

ইয়েনত্যে যিয়েন গুরিলে শান্তি অয় আর যিয়েনর মাধ্যমে আমি একজন আরেকজনরে শিগেইনে তুলি পারিই, এজঅ, আমি সিয়েনর্ চেট্ট্যা গুরিই।

রোমীয় 15:14

মঅ ভেইয়ুন, মুই তমা পৌইদ্যেনে এ কধাগান্ বিশ্বেজ্ গরঙর্ যে, তমা মনানি ভালেদির্-আয়োজে ভরা, তমার্ নানান্ বাবোত্যে জ্ঞান্ আঘে, আর তুমি একজন আরেকজনরে উপদেচ্‌ দি পারঅ।

রোমীয় 15:2

বিশ্বেজি ভেইয়োরে গোড়েই তুলিবার আজায় আমি পত্তিজনে যেন তার্ ভালেদিত্যে তারে হুজি গুরিই।

১ করিন্হীয় 10:23

কেঅ কেঅ কন্, “কনঅ কিজু গরানা অনুচিত্ নয়।” সিয়েন ঠিগ্, মাত্তর্ বেক্কানি যে মান্‌জ্যর উপকার গরে সিয়েন নয়। কনঅ কিজু গরানা অনুচিত্ নয় ঠিগ্, মাত্তর্ বেক্কানিয়ে যে মান্‌জ্যরে গোড়েই তুলে সিয়েন নয়।

১ করিন্হীয় 14:12

তমার্ বেলায়-অ এ কধাগান্ খাদে। তুমি যেক্কে পবিত্র আত্মার্ দিয়্যে দান পেবাত্যে বিশেষ গুরিনে আয়োজি অর্ সেক্কে যে যে দান্‌দোই মন্ডলীরে গড়েই তুলো যায় সিগুন্ বেশ্ গুরি পেবার চেষ্টা গরঅ।

১ করিন্হীয় 14:29

যিগুনে ভাববাদী ইজেবে কধা কন্ তারা দ্বিজন বা তিনজন কধা কোদোক্ আর অন্যগুনে তার্ বিচের্ গুরি চাদোক্।

১ করিন্হীয় 14:5

মুই চাং যেন তুমি বেক্কুনে নানান্ ভাষায় কধা কোই পারঅ, মাত্তর্ আরঅ বেশ্ গুরি চাং যেন তুমি ভাববাদী ইজেবে কধা কোই পারঅ। অন্য কনঅ ভাষায় যে মানুচ্চো কধা কয়, মন্ডলীর্ মানুচ্চুনোরে গড়েই তুলিবাত্যে যুনি তে তার্ কধানির্ অত্তগান বুঝেই ন-দে, সালে তাত্তুন্ ভাববাদী ইজেবে যে কধা কয় তে-ই বরং দাঙর্।

২ করিন্হীয় 12:19

তমার্ কি মনে অয়, এ চিধিগানর্ মাধ্যমে আমি তমা ইধু নিজোর্ পক্ষে কধা কোর্? খ্রীষ্ট সমারে মিজেইনে আমি গোজেন মুজুঙোত্ কধা কোর্। কোচ্‌পেইয়্যে ভেইয়ুন, তমারে উগুরেদি তুলিবাত্যে আমি ইয়েনি কোর্।

ইফিষীয় 4:12

তে ইগুনোরে নেযেল যেন গোজেনর বেক মানুচ্চুনে তারে সেবা গুরিবাত্যে যুক্কোল্ অন্ আর এবাবোত্যেগুরি খ্রীষ্টর কিয়্যেগান গাঢেই তুলো অয়।

ইফিষীয় 4:16

গোদা কিয়্যেগান এমন্‌ গুরিনে বান্ন্যে আঘেদে যে, পত্তি ভাগ্‌কানি যার্ যার্ জাগাত থেইনে কিয়্যেগান সমারে এগত্তর্ থায়। পত্তি ভাগে যেক্কে গমেডালে কাম্ গরে সেক্কে গোদা কিয়্যেগান মাঢাবো চাল্লই বাড়ি উদে আর কোচ্‌পানার্ মাধ্যমে নিজোরে গাঢেই তুলে।

ইফিষীয় 4:29

তমা মুয়োত্তুন্ কনঅ বাজে কধা ন-নিগিলোগ্, বরং দরকার্ মজিম অন্যরে গাঢেই তুলিবাত্যে যিয়েন গম সেবাবোত্যে কধা নিগিলোগ্, যেন যিগুনে সিয়েনি শুনোন্ সিয়েনিত্যে তারার্ উপকার অয়।

১ থিষলনীকীয় 4:10

আর ঘেচ্চ্যেকগুরি তুমি ম্যাসিডোনিয়া রেজ্যর বেক্‌ ভেইয়ুনোরে কোচ্‌পঅ। মাত্তর্ ভেইলগ্, তমা ইধু আমার বিশেজ্ কোজোলি অলঅ তমার এই কোচ্‌পানাগান যেন আরঅ বেশ্ অয়।

১ থিষলনীকীয় 4:18

সেনত্যে তুমি এ কধানি কোইনে একজন আরেকজনরে সান্তনা দুয়ো।

১ তীমথিয় 1:4

তারারে এ উগুমান্অ দিচ যেন তারা হিত্যে-কধালোই আর দাঙর্ দাঙর্ গুট্টির্-নাঙানি ইন্দি মনযোগ ন-দুয়োন। ইয়েনিয়ে গোজেনর্ কাম বাদ দিইনে নানান্ তর্কাতর্কির সৃট্টি গরে মাত্তর্ গোজেনে কেধোক্ক্যেন গুরি তার্ কামানি পরিচালনা গরে সিয়েনি বিশ্বেজর্ মাধ্যমে জানা যায়।

ইব্রীয় 10:25

কনঅ কনঅ মান্‌জ্যর যেধোক্ক্যেন অভ্যেস্ আঘে তারা ধোক্ক্যেন আমি যেন তেম্মাঙত্ এক সমারে এগত্তর্ অনা বাদ্ ন-দিই, বরং খ্রীষ্টর্ এবার দিন্নো যেদক্ কায়কুরে এবঅ সেদক্ যেন আমি একজন আরেক জনরে আরঅ উচ্চোমি দেনাত্ থেই।

ইব্রীয় 3:13

ইয়েনত্তুন্ যেদকদিন পবিত্র বোইবোর্ “এচ্চ্যে” কধাগান কুয়ো যায়, সিয়েনর পত্তি দিন তুমি একজন আরেকজনরে উচ্চোমি দুয়ো, যেনে তমার্ কারঅ মন পাপর্ ছলনাত পড়িনে আগাত্যে ন-অয়;

২ পিতর 1:12

ইয়েনত্যে মুই আমিযে এ বেপারানি তমারে ইদোত্ গুরি দুয়োঙর্। খালিক্ তুমি দঅ ইয়েনি কোই পারঅ আর যে সত্যগান তমা রিবেঙত্ আঘে সিয়েন্দোই থির্-অ আঘঅ।

যিহূদা 1:20

মাত্তর্ কোচ্‌পেইয়্যে সমাজ্জ্যেগুন, তুমি তমার পরম পবিত্র বিশ্বেজ উগুরে থিয়্যেইনে নিজোরে গড়েই তুলো আর পবিত্র আত্মালোই পরিচালিত ওইনে তবনা গরঅ।