১ থিষলনীকীয় 4:8 - Chakma Bible

⁸ সেনত্যে এ শিক্ষ্যেগান যে এলাফেলা গরে তে মান্‌জ্যরে এলাফেলা ন-গরে, মাত্তর্ যিবে তার্ পবিত্র আত্মাগানরে তমাত্যে দান গোজ্জ্যে তেয়ই গোজেনরে এলাফেলা গরে।

১ থিষলনীকীয় 4:8 Iomraidhean Croise

নহিমিয় 9:30

মাত্তর্‌ তো ভালোক্‌ বজর্‌ ধুরিনে তুই তারার্‌ উগুরে ধৈয্য ধোজ্যস্‌। তর্‌ ভাববাদীগুনোর্‌ মাধ্যমে তঅ আত্মালোই তু্‌ই তারারে উজিয়ার্‌ গোজ্যস্‌, মাত্তর্‌ সেক্কেয়ো তারা কান ন-পাদন্‌। সেনত্তেই নানান্‌ জাদর্‌ আঢত্‌ তুই তারারে তুলি দুয়োচ্‌।

যাত্রা 16:8

মোশি আরঅ কলদে, “সাজোন্যা অক্তত্‌ যেক্কে লগেপ্রভু তমারে য়েরা দিবো আর বেন্যে অক্তত্‌ দিবো নানান্‌ বাবোত্যা পিদে সেক্কেয়ই তুমি বুঝিবাদে, লগেপ্রভুই‌ তমারে মিসর দেজত্তুন্‌ নিগিলেই আন্যে। তাঁর্‌ বিরুদ্ধে তুমি যেদক্কানি কধা কোইয়ো সিয়েনি বেক্কানি তে শুন্যে। আমি কন্না? এদক্কানি কধা তুমি আজলে আমা বিরুদ্ধে ন-কর্‌, কোইয়োদে লগেপ্রভুর্‌ বিরুদ্ধে।”

গম্ উপদেজ্ 1:7

লগেপ্রভুরে ভোক্তি গুরিনে দরানা অলঅ জ্ঞানর গড়াগান্, মাত্তর্ যিগুনোর চিদে চজ্জা বাজে ধরনর তারা গম বুদ্ধি আর শিক্ষ্যেনি ঈচ্ গরন।

গম্ উপদেজ্ 23:9

বিবেচনা নেইয়্যে মান্‌জ্য ইদু কধা ন-কোইয়ো; তঅ কধাগানত্ যে জ্ঞানান্ আঘে সিয়েন তে ঈচ্ গুরিবো।

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিশাইয় 53:10

আজলে লগেপ্রভু তার আওজ্ মজিম তারে চুর্‌‌মার্ গোজ্যে আর তারে দুঘ্ গরা বাজেই দিয়্যে। লগেপ্রভুর চাগর্‌বো যেক্কে তা পরাণানরে দুষোর্- উৎসর্ব ইজেবে দিবো ‌‌‌‍‍ সেক্কে তে তা পুয়োগুনোরে দেগিবো আর তা আয়ুগান বাড়েব; তা মাধ্যমে লগেপ্রভুর আওজ্‌চান পূরোণ অবঅ।‌‌‌‍‍‍

লূকে লেখ্যে গম্ হবর্ 10:16

যীশু তা শিচ্চ্যগুনোরে কলঅ, “যিগুনে তমা কধানি শুনোন্ তারা মঅ কধায়ো শুনোন্। যিগুনে তরে এলাফেলা গরন্ তারা মরেয়ো এলাফেলা গরন্। যিগুনে মরে এলাফেলা গরন্, যিবে মরে পাধেয়্যে তারা তারেই এলাফেলা গরন্।”

যোহন 12:48

যে মরে খিয়্যে ন-গরে আর মঅ কধা ন-শুনে তাত্যে বিচের্ গুরিয়্যে আঘে। যে কধাগান্ মুই কোইয়োং সেই কধাগান্ শেজ্ দিনোত্ তারে দুষী বিলিনে প্রমাণ গুরিবো;

প্রেরিত্‌ 13:41

তুমি যিগুনে গোজেনরে নিইনে তামাজা গুরি থাগ, তুমি শুনো- তুমি আমক্ অ আর ভস্ত অ; কিয়া তমা সময়োত্ মুই এমন্ এক্কান্ কিজু গুরিবাত্তে যাঙর্ যিয়েনর্ কধা তুমি কনঅ বাবদে বিশ্বেজ্ ন-গুরিবা, কেঅ কলেয়ো ন-গুরিবা।”

রোমীয় 5:5

এ আশাগানে আমারে লাজত্ ন-ফেলায়, কিয়া গোজেনে তার্ দিয়্যে পবিত্র আত্মালোই আমা মনানি তার্ কোচ্‌পানালোই ভোরেই দিয়্যে।

১ করিন্হীয় 2:10

মাত্তর্ গোজেনে তার্ আত্মার্ মাধ্যমে সিয়েনি আমা ইধু ফগদাং গোজ্জ্যে, কিয়া পবিত্র আত্মার্ অজানা কিচ্চু নেই; এমন্‌ কি, তে গোজেনর্ গভিন পৌইদ্যেনেয়ো কোই পারে।

১ করিন্হীয় 7:40

মাত্তর্ মর্ মতে তে যেবাবোত্যে আঘে যুনি সেবাবোত্যে থায় সালে তে আরঅ সুগি অয়। মর্ মনে অয়, মুই গোজেনর্ আত্মার্ মাধ্যমে এ কধাগান্ কঙর্।

২ করিন্হীয় 1:22

অত্তাৎ তার্ নিজোর্ সোম্বোত্তি ইজেবে তে আমারে সীল্‌‌মহ্‌‌র গুরি থোইয়্যে; আর যিয়েনি আমারে দিবো তার্ পত্তম ভাগ্ ইজেবে তে আমা রিবেঙত্ পবিত্র আত্মারে দিয়্যে।

গালাতীয় 4:6

তুমি পুয়ো বিলিনে গোজেনে তার্ পুয়োবোর্ আত্মাগানরে তমা মনত্ থেবাত্যে পাধেই দিয়্যে। সেই আত্মাগানে গোজেনরে বাবা অত্তাৎ বাপ্ বিলিনে ডাগে।

১ পিতর 1:12

মাত্তর্ গোজেনে তারারে দেগেই দিয়্যেদে যে, তারা যেদক্কানি কধা কোইয়োন সিয়েনিলোই তারা নিজোরে সেবা ন-গুরিনে তমারে সেবা গোজ্জ্যন্। স্বর্গত্তুন্ পাধেইয়্যে পবিত্র আত্মার পরিচালনায় যিগুনে তমা ইধু খ্রীষ্ট পৌইদ্যেনে গম হবর্ ফগদাং গোজ্জ্যন্ তারা ভাববাদীগুনোর্ সেই কধানি তমারে জানেয়োন। এন্‌ কি, স্বর্গদূত্‌তুনেয়ো এ পৌইদ্যেনে জানিবাত্যে আওজি।

২ পিতর 1:21

কিয়া ভাববাদীগুনে তারার্ আওজ্ মজিম কনঅ কধা ন-কন্; পবিত্র আত্মালোই পরিচালিত ওইনে তারা গোজেনর্ দিয়্যে কধানি কোইয়োন।

১ যোহন 3:24

তা উগুমান যে পালন গরে তে তা সমারে থায় আর তেয়ো তা সমারে থায়। যে পবিত্র আত্মাগান তে আমারে দিয়্যে সেই পবিত্র আত্মাগান্দোই আমি বুঝি পারিই যে, তে আমা মন ভিদিরে থায়।

যিহূদা 1:8

তো এই ফক্কর্ মাষ্টরুনে সেধোক্ক্যেন গুরিনে ভান্ন্যেই স্ববন্দোই নিজোর কিয়্যেগানরে অসিজি গোজ্জ্যন, স্বর্গদূদ্‌তুনোর্‌ শাসন এলাফেলা গোজ্জ্যন আর সেই বাঈনী গরা হেইয়্যে মানুচ্চুনো বিরুদ্ধে অগমানর্ কধা কোইয়োন।

১ শমূয়েল 10:19

শমূয়েলে আরঅ কলঅ, “মাত্তর্‌ তমার গোজেন, যিবে বেক্‌ দযা আর দুর্দজাত্তুন্‌ তমারে উদ্ধোর গোজ্যে, এচ্চ্যে তারেই তুমি এলাফেলা গরর্‌ আর কর্‌, ‘আমা উগুরে এক্কো রাজা নেযা।’ সেনত্তেই ইক্কিনে তুমি যে যার গুট্টি আর বংশ মজিম্ লগেপ্রভুর মুজুঙোত্‌ আঝিল্ অ।”

১ শমূয়েল 8:7

সেক্কে লগেপ্রভু তারে কলঅ, “মানুচ্চুনে তরে যিয়েনি কদন্‌ তুই সিয়েনই গর্‌। তারা তরে এলাফেলা ন-গরন্‌, আজলে মরেই এলাফেলা গোজ্যন্‌ যেনে মুই তারা উগুরে রাজাগিরি ন-গরং।