১ থিষলনীকীয় 4:16 - Chakma Bible

¹⁶ দাঙর্ রঅ গুরিনে উগুমো সমারে আর বেগ দাঙর্ দূতোর্ ডাগনি আর গোজেনর্ তূরীর ডাগনির্ লগে লগে প্রভু নিজে স্বর্গত্তুন্ লামি এবঅ। খ্রীষ্ট লগে এগত্তর্ ওইনে যিগুনে মুরি যেয়োন সেক্কে সিগুনে পত্তমে জেদা ওই উদিবাক্।

১ থিষলনীকীয় 4:16 Iomraidhean Croise

গীতসংহিতা 47:1

ও বেক্ জাদ্‌তুন, তুমি আঢতালি দুয়ো; গোজেনর নাঙে হুজিয়ে রঅ ছাড়।

গীতসংহিতা 47:5

গোজেনে হুজির রঅবোলোই উগুরে উদি যেয়েগোই, লগেপ্রভু তূরীর রবোলোই উদি যেয়েগোই।

যাত্রা 19:16

তিন দিনোত্‌ বেন্যেমাদান্ মেঘ গুজুরো ধুরিলো আর ঝিমিলেনি অলঅ‌ আর মুড়োবো উগুরে এককট্টা ঘন মেঘ দেগা দিলো। ইয়েন বাদেয়ো অমহদ দাঙর দাঙর গুরি শিঙের্ রঅ শুনো গেলঅ। এদক্কানি দেগিনে শুনিনে তাম্বুলো ভিদিরে বেক্‌ মানুচ্চুনে গির্‌গিরেই উদিলাক্।

যাত্রা 20:18

ইস্রায়েলীয়গুনে যেক্কে ঝিমিলাদে আর মুড়োত্তুন্‌ ধুমো উদোদে দেগিলাক্‌ আর মেঘ গুজুরোনি আর শিঙের রঅ‌ শুনিলাক্‌ সেক্কে তারা দূরোত্‌ ঠিয়্যেইনে গির্‌গিরা ধুরিলাক্।

যিশাইয় 27:13

সেদিন্যে এক্কো দাঙর্ শিংগা বাঁজিবো। সেক্কে যিগুনে আসিরিয়া দেজত্ ভস্ত ওই যাদন্ আর যিগুনোরে মিসর দেজত্ ধাবেই দিয়্যে ওইয়্যে তারা এবাক্ আর যিরূশালেমর্ পবিত্র মুড়োবোত্ লগেপ্রভুর্ উবোসনা গুরিবাক্।

যোয়েল 2:11

লগেপ্রভু তা সৈন্যদলর্ আগে আগে থেইনে রঅ ছাড়িনে তা মুয়োর্ রবো শুনোই; তা সৈন্যদলর সোংখ্যে গুণো ন-যায় আর যিগুনে তা উগুমান পালান্ তারা খেমতাবলা। লগেপ্রভুর দিন্নো মহৎ আর দর্‌গরেপারা; কন্না সিবে সোজ্য গুরি পারে?

সখরিয় 4:7

ও দাঙর্ মুড়োবো, কন্না তুই? সরুব্বাবিল মুজুঙোত্ তুই অবেদে সংজাগায়ান। উবোসনা-ঘরর্ শেষ পাত্তর্‌‌‌‌বো লাগেবার সময় মানুচ্চুনে রঅ ছাড়িনে কবাক্ যে, সিবে অমকদ দোল্ ওইয়্যে।’ ”

সখরিয় 9:14

সে পরেদি লগেপ্রভু তা মানুচ্চুনো উগুরে ফগদাং অবঅ; তা সেল্‌‌লো কারেন ধোক্ক্যেন ঝিমিলেব। প্রভু লগেপ্রভু শিংগা বাজেব আর দোগিণো ঝড় বোইয়্যের ধোক্ক্যেন উজেই যেবঅ;

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

গণাণা 23:21

যাকোবরে তে কনঅ অন্যেয় গত্যে ন-দেগে, ইস্রায়েলর্‌ ভাগ্যত্‌ কনঅ দুখ্‌ ন রাগায়। তারার্‌ গোজেন লগেপ্রভু তারা সমারে আঘে, আর তারার্‌ রাজার্‌ জয়র্ কধানি তারা ভিদিরে আঘে।

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

মথি লেখ্যে গম্ হবর্ 16:28

মুই তমারে ঘেচ্চেকগুরি কঙর্, ইয়োত্ এমন কয়েকজন আগন্ যিগুনো ইধু মান্‌জ্য পুয়োবোরে রাজা ইজেবে রাজাগিরি গরানা ন-দেগানা সং তারা কনমতে মুরি ন-যেবাক্।”

মথি লেখ্যে গম্ হবর্ 25:31

মান্‌জ্য পুয়োবো বেক্ স্বর্গদূত্‌তুনোরে সমারে লোইনে যেক্কে নিজোর্ মহিমালোই এবঅ সেক্কে তে রাজা ইজেবে তা সিংহাসনত্ মহিমার্ লগে বুজিবো।

মথি লেখ্যে গম্ হবর্ 26:64

সেক্কে যীশু তারে কলঅ, “অয়, তুই ঠিগই কোইয়োচ্। মাত্তর্ মুই তমারে ইয়েন্অ কঙর্, ইয়েনর্ পরেদি তুমি মান্‌জ্য পুয়োবোরে বেগত্তুন্ খেমতাবলা গোজেন ডেনেদি বুয়োই থাগদে আর মেঘ সমারে এত্তে দেগিবা।”

প্রেরিত্‌ 1:11

“গালীলো মানুচ্চুন, ইধু থিয়্যেইনে আগাজ ইন্দি কিত্ত্যেই রিনি চেই আঘঅ? যিবেরে তমাত্তুন্ তুলি নেযা অলঅ সেই যীশুরে যেবাবোত্যে গুরি তুমি স্বর্গত্ যাদে দেগিলা সেবাবোত্যেগুরি তে ফিরি এবঅ।”

১ করিন্হীয় 15:18

সালে খ্রীষ্ট সমারে এগত্তর্ ওইনে যিগুনে মুরি যেইয়োন্ তারা দঅ ভস্ত ওইয়োন।

১ করিন্হীয় 15:20

মাত্তর্ খ্রীষ্টরে ঘেচ্চ্যেকগুরি মরণত্তুন্ জেদা গুরি তুলো ওইয়্যে। তে পত্তম ফল, অত্তাৎ মরণত্তুন্ যিগুনোরে জেদা গরা অবঅ তারা ভিদিরে তেয়ই পত্তমে জেদা ওইয়্যে।

১ করিন্হীয় 15:23

মাত্তর্ সিয়েন ভিদিরে পালা আঘে-পত্তম ফল ধোক্ক্যেন পত্তমে খ্রীষ্ট, সে পরেদি যিগুনে খ্রীষ্টর্ নিজোর্। খ্রীষ্ট এবার্ অক্তত্ তারারে জেদা গরা অবঅ।

১ থিষলনীকীয় 1:10

আর স্বর্গত্তুন তা পুয়োবো এযানা পৌইদ্যেনে বাজ্জেই থেই পারঅ। সেই পুয়োবো অলঅ যীশু, যিবেরে তে মরণত্তুন্ জেদা গুরি তুল্ল্যে। গোজেনর্ যে সাজাগান লামি এজের্ সেই সাজাত্তুন্ এই যীশু আমারে রোক্ষ্যে গুরিবো।

১ থিষলনীকীয় 3:11

আমা বাব্‌পো আর গোজেনে নিজে আহ্ আমা প্রভু যীশু যেন তমা ইধু যেবার পথ্‌তান ঠিগ্ গুরি দে।‌

২ থিষলনীকীয় 1:7

আর তুমি যিগুনে দুঘ্ পর্ তে আমা সমারে তমারেয়ো রেহাই দিবো। যেক্কে প্রভু যীশু তার্ খেমতাবলা স্বর্গদূত্‌তুনোরে নিইনে জ্বোল্‌জোল্যে আগুনো ভিদিরে স্বর্গত্তুন ফগদাং অবঅ সেক্কেনে ইয়েনি বেক্কানি অবঅ। যিগুনে গোজেনরে ন-জানন্ আর যিগুনে প্রভু যীশু পৌইদ্যেনে গম হবরর্ কধানি ন-মানন্ তারারে তে সেক্কে সাজা দিবো।

২ থিষলনীকীয় 2:1

ভেইলগ্, আমা প্রভু যীশু খ্রীষ্ট এবঅ আর আমারে একসমারে এগত্তর্ গুরিনে তার্ নিজো ইধু নেযেব। এ পৌইদ্যেনে আমি তমারে এ কোজোলীগান গুরির্-

২ পিতর 3:10

মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।

যিহূদা 1:9

আজল্ স্বর্গদূত্ মীখায়েলে যেক্কে মোশির কিয়্যেগান্দোই শদান সমারে তর্ক গরের্ সেক্কে তে তার্ বিরুদ্ধে কনঅ অগমানর্ কধা কোইনে তারে দুষি গুরিবাত্যে সাহচ্‌ ন-গরে। তে বরং কোইয়্যেদে, “প্রভু যেন তরে মানা গরে।”

ফগদাং পেইয়্যে 1:10

প্রভুর দিনোত্ পবিত্র আত্মাগানে মরে পরিচালনা গোজ্জ্যে। এন্ সময়োত্ মঅ পিজেদি তূরীর রঅ ধোক্ক্যেন একজনর দাঙর্ রঅ শুনিলুং।

ফগদাং পেইয়্যে 1:7

চঅ, তে মেঘ সমারে এজের্। পত্তিজনর্ চোগেদি তারে দেগিবাক্; যিগুনে তারে পেরেক্ মাজ্জ্যন্ তারায়ো দেগিবাক্ আর পিত্‌থিমীর বেক্‌ জাদ্‌তুনে তাত্যেই গুজুরি গুজুরি কানিবাক্। সিয়েনই ওক্‌, আমেন।

ফগদাং পেইয়্যে 14:13

সে পরেদি মুই একজনরে স্বর্গত্তুন্ কধে শুনিলুং, “এ কধাগান লেগ-ইক্কেত্তুন্ ধুরি যিগুনে প্রভু সমারে মিজেইনে মুরিবাক্ তারা বর্‌পেইয়্যে।” পবিত্র আত্মাগানে এ কধাগান কত্তে, “অয় তারা বর্‌পেইয়্যে। তারার্ কামত্তুন্ তারা জিরেন পেবাক্, কিয়া তারার্ কামর ফল তারা সমারে থেবঅ।”

ফগদাং পেইয়্যে 8:13

পরেদি মুই এক্কো ঈগল পেগোরে আগাজত্ বোউত্ অজলত্ উড়োদে দেগিলুং, আর সেই ঈগল্লোরে দাঙর্ গুরি কধে শুনিলুং, “অন্য যে তিনজন স্বর্গদূতে তুরী বাজেবাত্যে যাদন্, তারার্ তুরীগুনোর্ আবাজ্ অলে যিগুনে এ পিত্‌থিমীর্ তারার্ দজা, দজা, দজা অবঅ।”

ফগদাং পেইয়্যে 8:2

যে সাতজন স্বর্গদূত্ গোজেন মুজুঙোত্ থিয়্যেই থান্ মুই তারারে দেগিলুং। তারা আঢত্ সাত্তো তূরী দিয়্যে অলঅ।