১ থিষলনীকীয় 4:14 - Chakma Bible

¹⁴ আমি যেক্কে বিশ্বেজ্ গুরিই যীশু মোজ্জ্যে আরঅ জেদা ওই উত্ত্যে সেক্কে আমি ইয়েন-অ বিশ্বেজ্ গুরিই, যিগুনে যীশু লগে এগত্তর্ ওইনে মুরি যেইয়োন গোজেনে তারারেয়ো যীশু লগে নেযেব।

১ থিষলনীকীয় 4:14 Iomraidhean Croise

পত্থম 49:19

গাদরে সৈন্যদলুনে আক্রমণ্‌ গুরিবাক্, মাত্তর্‌ তেয়ো তারারে উগুদোগুরি আক্রমণ গুরিবো।

যিশাইয় 26:19

মাত্তর্ তঅ মরা মানুচ্চুনে বাঁজিবাক্; তারার্ কিয়্যেনি জেদা অবঅ। তুমি যিগুনে ধূল্যেত্ বজত্তি গরর্, তুমি জাগি উদো আর হুজিয়ে রঅ ছাড়। বেন্যে শিরো পানিয়ে যেধোক্ক্যেন্ পিত্‌থিমীগানরে পোত্‌পোত্যে গরে সেধোক্ক্যেন্ গুরি তুই মরাগুনোরে জিংকানি দিবে।

সখরিয় 14:15

এক বাবোত্যে ভানা সেই বেক্ সৈন্য-তাম্বুলানির্ ঘোড়া, খচ্চর, উট, গাধা আর অন্য বেক্ য়েমানুনোরে আঘাত্ গুরিবো।

মথি লেখ্যে গম্ হবর্ 24:31

দাঙর্ দাঙর্ গুরি তূরী বাঁজি উদিবো আর সমারে সমারে মান্‌জ্য পুয়োবো তা স্বর্গদূত্‌তুনোরে চেরোকিত্তেত্তুন্ পাধেই দিবো। সেই দূত্‌তুনে পিত্‌থিমীর এক কিত্তেত্তুন্ ধুরি অন্য কিত্তেদি সং চেরোকিত্তেত্তুন্ তার বেঈ লোইয়্যে মানুচ্চুনোরে এক সমারে থুবেবাক্।

রোমীয় 14:9

যীশু খ্রীষ্ট মোজ্জ্যে আরঅ জেদায়ো ওইয়্যে যেন তে জেদা আর মরা দুনোবোর্ প্রভু ওই পারে।

রোমীয় 8:11

যে যীশুরে মরণত্তুন্ জেদা গোজ্জ্যে সেই গোজেনর্ আত্মাগান্ যুনি তমা মনত্ বজত্তি গরে, সালে গোজেনে তার্ সেই আত্মাগান্দোই তমা মরণর্ তলে কিয়্যেগানরেয়ো জিংকানি দান গুরিবো।

১ থিষলনীকীয় 3:13

সালে তে তমার মনানি থির্ গুরিবো, যাতে আমার প্রভু যীশু যেক্কে তার্ নিজোর বেক্‌ মানুচ্চুনোরে সমারে লোইনে এবঅ সেক্কে আমা বাব্‌পো আর গোজেন মুজুঙোত্ তুমি থুদো নেইয়্যে আর পবিত্র অ।

১ থিষলনীকীয় 4:13

ভেইলগ্, আমি ন-চেই যিগুনে মুরি যেয়োন তারার্ কি অবঅ সে পৌইদ্যেনে তমার অজানা থায়, যেন যিগুনো মনত্ কনঅ আজা নেই তারা ধোক্ক্যেন গুরি তুমি দুঘে ভাঙি ন-পোজ্জ্য।

১ থিষলনীকীয় 4:17

সে পরেদি আমি যিগুনে জেদা আর বাগী থেবং, আমারেয়ো আগজত্ প্রভু লগে মিজেবাত্যে তারা সমারে মেঘ ভিদিরে তুলি নেযা অবঅ। আর এবাবোত্যেগুরি আমি উমরত্যে প্রভু সমারে থেবং।

২ থিষলনীকীয় 2:1

ভেইলগ্, আমা প্রভু যীশু খ্রীষ্ট এবঅ আর আমারে একসমারে এগত্তর্ গুরিনে তার্ নিজো ইধু নেযেব। এ পৌইদ্যেনে আমি তমারে এ কোজোলীগান গুরির্-

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।

ফগদাং পেইয়্যে 14:13

সে পরেদি মুই একজনরে স্বর্গত্তুন্ কধে শুনিলুং, “এ কধাগান লেগ-ইক্কেত্তুন্ ধুরি যিগুনে প্রভু সমারে মিজেইনে মুরিবাক্ তারা বর্‌পেইয়্যে।” পবিত্র আত্মাগানে এ কধাগান কত্তে, “অয় তারা বর্‌পেইয়্যে। তারার্ কামত্তুন্ তারা জিরেন পেবাক্, কিয়া তারার্ কামর ফল তারা সমারে থেবঅ।”