১ থিষলনীকীয় 4:11 - Chakma Bible

¹¹ আমি তমারে যে উগুম দিয়্যেই সেবাবোত্যেগুরি শান্ত জিংকানি কাঢাদে, নিজোর্ কামত থাগদে আর নিজো আঢে কাম গত্তে বিশেজ্ গুরিনে আয়োজি অ।

১ থিষলনীকীয় 4:11 Iomraidhean Croise

গম্ উপদেজ্ 17:1

কোল্-কোজ্যেলোই ভরা মেট্‌বান ঘরত্তুন্ সুগে-শান্দিয়্যে এক কট্টা শুগুনো রুটিয়ো গম্।

গম্ উপদেজ্ 17:14

কোল্-কোজ্যে বাজানা গদা ভাঙি যেইয়্যে পানি ধোক্ক্যেন্, সেনত্তে তর্কাতর্কি গুরিবার আগেদি সিয়েন বাদ দুয়ো।

উপদেশক 4:6

বোইয়্যের পিজেদি যেবাত্তে কাম্ গুরিনে দ্বিমুঠ্ পানাত্তুন্ সুগে-শান্দিয়্যে এক মুঠ্ পানা বোউত্ গম্।

আবিলেচ্ 3:26

লগেপ্রভু উদ্ধোর্ ন-গরানা সং জুরো গুরি বাজ্জেই থানাগান্ গম্।

মার্ক 13:34

সিবে এমন্ এক্কো মান্‌‌জ্য ধোক্ক্যেন্ অবঅ যিবে বেড়ানত্ যেবাত্যে ঘরান্ ছাড়ি যেবার্ আগেদি তে চাগরুনো আঢত্ বেক্ কামানির ভারান্ দিলো। তে পত্তি চাগররে তার্ কামানি দিলো আর চুগিদার্‌‌বোরে জাগি থেবাত্তে কলঅ।

প্রেরিত্‌ 18:3

তারা ধোক্ক্যেন্ তেয়ো তাম্বুল বানাইদ্যে কাম্ গত্ত বিলি তারা সমারে থেইনে কাম্ গরা ধুরিলো।

প্রেরিত্‌ 20:35

মুই যিয়েনি গোজ্জ্যং সিয়েনি বেক্কানি তমারে দেগেয়োং, এবাবোত্যেগুরি জদবদে কাম্ গুরিনে বল্‌পোজ্যেগুনোরে সাহায্য গরানা উচিত্ আর প্রভু যীশুর্ এ কধাগান আমাত্তুন্ ইদোত্ রাগানা উচিত, পানাত্তুন্ দেনাত্ আরঅ বেশ্ আশিদ্‌বাদ আঘে।

রোমীয় 12:11

গোজেন উগুরে নিত্য তর্ আওজ্ থোক্। তমা মনানি ভক্তিয়ে ভরা থোক্। তুমি প্রভুর্ কামত্ লাগি থাগঅ।

রোমীয় 15:20

খ্রীষ্ট নাঙান্ যিয়েনত কনদিন্অ কুয়ো ন-অয় সিয়েনত্ গম্ হবর্ ফগদাং গরানা মঅ জিবনর্ আজা, যেন অন্য মান্‌জ্যর্ বানেয়্যে জাগাত্ মত্তুন্ বানা ন-পড়ে।

১ করিন্হীয় 4:12

আমি নিজে আঢে দর-মর কাম গুরির্। যেক্কে মান্‌জ্যে আমারে গেইল্‌ দুয়োন্ সেক্কে আমি তারার্ ভালেদি চেই; যেক্কে তারা আমারে দুঘ্ দুয়োন সেক্কে আমি সিয়েনি সোজ্জ্য গুরিই;

২ করিন্হীয় 5:9

সেনত্যে আমি কিয়্যেগানর্ ঘরানত্ বজত্তি গুরিই বা ন-গুরিই, আমার্ উদ্দেচ্য অত্তে প্রভুরে হুজী গরানা।

ইফিষীয় 4:28

যে চুর্ গরে তে আর চুর্ ন-গোরোক, বরং নিজো আঢে গমেডালে কাম্ গোরোক্ যেন অভাবী মানুচ্চুনোরে দিবাত্যে তার্ কিজু থায়।

১ তীমথিয় 2:2

এবাবোত্যেগুরি রাজাগুনোত্যে আর যিগুনো আঢত্ খেমতা আঘে তারার্ বেক্কুনোত্যে তবনা গরা পড়িবো, যেনে গোজেন উগুরে ভোক্তি দেগেইনে আর গমেডালে চলিনে আমি থির্ আর সুগে-শান্দিয়্যে জিংকানি কাদে পারিই।

১ তীমথিয় 5:13

ইয়েন বাদে তারা ঘরে ঘরে বেড়েইনে আল্‌‍সি অদে শিগোন্। তারা যে বানা আল্‌‍সি অন্ সিয়েন নয়, মাত্তর্ বাজে কধা কদে আর পর বেপার্‌‍লোই কধা কবাত্যে শিগোন্ আর যিয়েন তারাত্তুন্ কনা উচিত নয় সেই কধানি কন্।

তীত 3:14

অন্যগুনোরে উপকার গুরিবার কামত্ নিজোরে লাগি রাগেবাত্যেই আমা মানুচ্চুনোর্ শিগে পরিবো, যেন তারা অন্যগুনোর অভাব্‌ দূর্ গুরি পারন। এবাবোত্যে গুরিলে তারার্ জিংকানিগানি ফলিবো।

১ পিতর 3:4

বরং যিবের্ দোল্ জিনিচ্‌সান ভস্ত ওই ন-যেবঅ সে নরম আর শান্ত- খাচ্চ্যদ্‌তোই তমা মনানিরে সাজঅ। গোজেনর্ চোগেদি সিয়েনই বেশ্ দামী।

১ পিতর 4:15

তমা ভিদিরে কেঅ খুনী, চুর্, অন্যেয় গুরিয়্যে ওইনে বা অন্যেয় গুরিনে অন্য পৌইদ্যেনে আঢ্ দিইনে দুঘোত্ ন-পোড়োক্।