১ থিষলনীকীয় 3:9 - Chakma Bible

⁹ তমাত্যে গোজেন মুজুঙোত্ আমার যে হুজী, সিয়েনর্ বদলে কেধোক্ক্যেন গুরিনে যে তারে তমাত্যে ভালেদি জানেম সিয়েন আমি কোই ন-পারিই।

১ থিষলনীকীয় 3:9 Iomraidhean Croise

২ শমূয়েল 6:21

দায়ূদে মীখলরে কলঅ, “লগেপ্রভুর মুজুঙোত্‌ মুই সিয়েনি গোজ্যং। তে তাহ্ মানুচ্চুনোর উগুরে, অত্তাৎ ইস্রায়েলীয়গুনো উগুরে শাজন্‌গুরিয়্যে ইজেবে নেযেবাত্তে তঅ বাপ্পো বা তা ঘরর্‌ কাররে বেঈ ন-লোইনে মরে বেঈ লোইয়্যে। সেনত্তেই লগেপ্রভুর মজুঙোত্‌ মুই ফুত্তি গুরিম্।

২ বংশধর 31:8

হিষ্কিয় আর তার্‌ কাম্‌গুরিয়্যেগুনে এইনে সে কুড়ুন্‌ দেগিনে লগেপ্রভুর বাঈনী গুরিলাক্‌ আর তার্‌ মানুচ্‌ ইস্রায়েলীয়গুনোরে বাঈনী গুরিলো।

নহিমিয় 9:5

পরেন্দি লেবীয়গুনো ভিদিরেত্তুন্‌ যেশূয়, কদ্‌মীয়েল, বানি, হশব্‌নিয়, শেরেবিয়, হোদিয়, শবনিয় আর পথাহিয় কলদে, “তুমি উদিনে তমার্‌ গোজেন্‌ লগেপ্রভুর বাঈনী গরঅ, যিবে পুরোণিকালত্তুন্‌ ধুরিনে জীংকানিবর্‌ আঘে।” সে পরেন্দি তারা ইয়েন্‌ কোইনে তবনা গুরিলাক্‌, ও লগেপ্রভু, তর্‌ মহিমাবলা নাঙর্‌ বাঈনী ওক্‌; আমার্‌ দিয়্যে বেক্‌ ভালেদিগানি আর নাঙ্ গিনেনাত্তুন্‌ তুই দাঙর্।

গীতসংহিতা 116:12

লগেপ্রভু মরে যেত্তমান বর্ দিয়্যে সিয়েনর বদলে মুই তারে কি দিম?

গীতসংহিতা 68:3

মাত্তর্ গোজেন ভক্তগুনে হুজি ওদোক্ আর গোজেন মুজুঙোত্ ফুত্তি গোরোদোক্।

২ করিন্হীয় 2:14

গোজেনরে ভালেদি জানেই যে, আমি খ্রীষ্ট সমারে মিজেয়্যেই বিলিনে গোজেনে তার্-জিদেনার পদথ্ নিত্য আমারে চালেই নেযার্। খ্রীষ্টরে জানানা এক্কান তুম্বাজ ধোক্ক্যেন। গোজেনে তার্ জিদেনার্ পদথ্ সেই তুম্বাজ্‌চান আমা মাধ্যমে বেক্‌ জাগাইধু ছিদিই দে।

২ করিন্হীয় 9:15

যে দানর্ কধা ভাষালোই ফগদাং গরা ন-যায় গোজেনর্ সেই দানত্যে তার্ ভালেদি ওক্‌।

দ্বি’লম্বর বিররণ 12:18

তমার গোজেন লগেপ্রভুর বেঈ লোইয়্যে জাগানত্‌ তা মুজুঙোত্‌ ইয়েনি তমাত্তুন্‌ খা পুরিবো। তুমি, তমার ঝি-পূঅগুন, তমার চাগর-চাগরানীগুন আর তমার আদাম্মে আর শঅরর লেবীয়গুনে সিয়েনি হেই পারিবাক্ আর তমার কামর ফলুন নেযেইনে তমার গোজেন লগেপ্রভুর মুজুঙোত্‌ ফুত্তি গুরিবা।

দ্বি’লম্বর বিররণ 12:2

তুমি যে জাদ্‌‌তুনোরে গজক্ গুরিবাত্তে যর্‌ তারা যিদুক্কুন চিগোন-দাঙর্‌ মুড়ো-মুড়ি উগুরে আর ডেলা ছিদি পোজ্যে য়েল্‌ গাজর্‌ তলে তারার্‌ দেব-দেবেদার পূজো গরন্‌ সে জাগানি তুমি বেক্কানি ভস্ত গুরি দিবা।

দ্বি’লম্বর বিররণ 16:11

তমার গোজেন লগেপ্রভু নিজোরে ফগদাং গুরিবাত্তে তার থেবার জাগা ইজেবে যে জাগায়ান বেঈ নেযেব সিয়েনত তা মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, নাঢা মান্‌জ্যর ঝি-পূঅগুনে আর রানিমিলেগুনে-তুমি বেক্কুনে ফুত্তি গুরিবা।

১ থিষলনীকীয় 2:19

আমা প্রভু যীশু যেক্কে এবঅ সেক্কে তা মুজুঙোত্ তুমি কি আমার আজা, হুজী আর বাঈনী গুরিবার্ জিদেনার্ মালাছড়া ন-অবা?