১ থিষলনীকীয় 3:3 - Chakma Bible

³ যেনে এ বেক্‌ দুগ্‌খানির্ মাধ্যমে তুমি কেঅ পিজেদি ন-যঅ। তুমি নিজেই কোই পারঅ যে, দুগ্-কষ্ট আমাত্যে ঠিগ্ গরা আঘে।

১ থিষলনীকীয় 3:3 Iomraidhean Croise

ইয়োব 23:14

তে মত্তেই যিয়েন ঠিগ্ গুরি রাগেয়্যে সিয়েনই গরে; এবাবোত্যে বোউত্ সল্লা তার্ এজঅ জমা রোইয়্যে।

গীতসংহিতা 112:6

তে আমিঝে থির্ থেবঅ; গোজেনভক্ত মান্‌জ্যরে উমর সং মনত্ রাগেবাক্।

লূকে লেখ্যে গম্ হবর্ 21:12

ইয়েনি বেক্কানি অবার্ আগেদি মানুচ্চুনে তমারে ধুরিবাক্ আর তমা উগুরে অত্যেচার্ গুরিবাক্। বিচেরত্যে তারা তমারে সমাজ-ঘরত্ নেযেবাক্ আর জেলোত্ দিবাক্। মত্তে রাজাগুনোর্ আর শাসনগুরিয়্যেগুনো মুজুঙোত্ তমারে নেযা অবঅ,

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

প্রেরিত্‌ 2:25

দায়ূদে তা পৌইদ্যেনে কোইয়্যে, মঅ চোগ্‌কুন্ নিত্য প্রভু ইন্দি আঘে; তে মর্ ডেন্ ধাগেদি আঘে বিলিনে মুই থির্ থেইম্।

প্রেরিত্‌ 21:11

তে আমা ইধু এইনে পৌলর্ কমর্-বিজোনিগান্ খুলি নেযেল আর সিয়েন্দোই নিজো আঢ্-টেঙানি বানিইনে কলঅ, পবিত্র আত্মাগানে কোইয়্যেদে, যিরূশালেমর্ যিহূদীগুন এই কমর্-বিজোনির্ গিরোজ্‌সোরে এবাবোত্যেগুরি বানিবা আর অযিহূদীগুনো আঢত্ দিবা।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

প্রেরিত্‌ 9:16

মত্যেই কত্তমান্ দুঘ্ যে তাত্তুন্ পাহ্ পুরিবো সিয়েন মুই তারে দেগেম্।”

রোমীয় 5:3

বানা সিয়েন্ নয়, দুঘ্-কষ্ট পেলেয়ো আমি হুজী ওর্, কিয়া আমি কোই পারিই দুঘ্-কষ্টর্ ফল ধৈয্য,

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

১ করিন্হীয় 4:9

মারে ফেলা অবঅ বিলি যিগুনোরে মিছিলো শেজদি রাগা অয়, মর্ মনে অয় গোজেনে আমারে, অত্তাৎ প্রচারগ্‌কুনোরে ঠিগ্ সেধোক্ক্যেন বেক্কুনো শেজত্ থোইয়্যে। আমি গোদা পিত্‌থিমীয়ান ইধু, অত্তাৎ স্বর্গদূত আর মানুচ্চুনো ইধু যেন ঠাট্টা হেইয়্যে মানুচ্ ওইয়্যেই।

ইফিষীয় 3:13

সেনত্যে মুই কোজোলি গরঙত্তে, তমাত্যে মুই দুঘ্-কষ্ট ভুগোঙর্ বিলিনে তুমি সাহচ্‌ ন-আরেয়ো, কিয়া সিয়েনি বেক্কানি তমার্ বাঈনী পেবাত্যে অর্।

ফিলিপীয় 1:28

যিগুনে তমা বিরুদ্ধে আঘন্ তারা ইন্দিত্তুন্ কনঅ কিজুলোই তুমি ন-দোরেইয়ো। ইয়েন্দোই প্রমাণ অবঅ যে, তারা ভস্ত অবাত্যে যাদন্ আর তুমি উদ্ধোর্ পেবাত্যে যর্; আর এ উদ্ধোরান গোজেনত্তুন্ এজে।

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

১ থিষলনীকীয় 5:9

শাজা পেবাত্যে নয় মাত্তর্ আমা প্রভু যীশু খ্রীষ্টর্ মাধ্যমে উদ্ধোর্ পেবাত্যে গোজেনে আমারে ঠিগ্ গুরি থোইয়্যে।

২ থিষলনীকীয় 1:4

আর ইয়েনত্যে গোজেন মন্ডলীগুনো মুজুঙোত্ তমারে নিইনে আমি দেমাগ্ গুরির, কিয়া যেদক্কানি অত্যেচার্ আর দুখ্-কষ্ট তুমি সোজ্জ্য গরর্, সিয়েনির ভিদিরেয়ো তমার ধৈজ্জ্য আর বিশ্বেজ্‌চান থিগি আঘে।

২ তীমথিয় 1:8

সেনত্যে আমা প্রভু পৌইদ্যেনে সাক্ষি দেদে ন-লাজেচ্, আর তাত্যেই যে মুই বন্দী, মত্যেয়ো ন-লাজেচ্। সিয়েনর বদলে গোজেনে তরে যে খেমতা দিয়্যে সেই খেমতা মজিম তার্ গম হবর্ প্রচারত্যে মঅ লগে দুঘ্ গর্।

১ পিতর 2:21

ইয়েনত্যে গোজেনে তমারে ডাক্ক্যে, কিয়া খ্রীষ্ট তমাত্যে দুঘ্ ভুগিনে তমা ইধু আলাম্ থোই যেয়্যে, যেন তুমিয়ো তা ধোক্ক্যেন চলঅ,

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।

ফগদাং পেইয়্যে 2:13

তুই কুধু বজত্তি গরর্ সিয়েন মুই হবর্ পাং; সিয়েনত্ শদানর্ সিংহাসনান্ আঘে। তো তুই মঅ উগুরে বিশ্বেজি আঘচ্ আর মঅ উগুরে তর্ বিশ্বেজ্‌চানরে অস্বীগের্ ন-গরচ্। এন্‌ কি, যিয়েনত্ শদানে বজত্তি গরে সিয়েনত্ যেক্কে মর্ বিশ্বেজি সাক্ষী আন্তিপাসে তমা মুজুঙোত্ খুন ওইয়্যে সেক্কেয়ো তুই তঅ বিশ্বেজ্‌চানরে অস্বিগের্ ন-গরচ্।