১ থিষলনীকীয় 3:12 - Chakma Bible

¹² প্রভু গোরোক্, আমি যেধোক্ক্যেন তমারে কোচ্‌পেই ঠিগ্ সেধোক্ক্যেন গুরিনে তমার্‌অ একজন আরেকজনরে, এমন কি, বেক্কুনো উগুরে কোচ্‌পানা যেন থায়।

১ থিষলনীকীয় 3:12 Iomraidhean Croise

গীতসংহিতা 115:4

তারার মুত্তিগুন্ সোনা আর রূবোলোই মান্‌জ্যর্ আঢ্‌তোই বানেয়্যে।

মথি লেখ্যে গম্ হবর্ 22:39

সে পরেদি দরকারী উগুমান্ পত্তমান ধোক্ক্যেন্- ‘তমা পাড়াল্যেগুনোরে নিজো ধোক্ক্যেন্ কোচ্‌পেবা।’

মথি লেখ্যে গম্ হবর্ 7:12

তুমি অন্য মানুচ্চুনোত্তুন্ যেবাবোত্যে বেবহার পেবাত্তে চঅ তুমিয়ো তারা লগে সেবাবোত্যে বেবহার গরঅ। ইয়েনই অলঅ মোশির সুদোম আর ভাববাদীগুনোর শিক্ষ্যের্ আজল্ কধা।

লূকে লেখ্যে গম্ হবর্ 17:5

সেই বারজন দিপাধেয়্যেগুনে প্রভুরে কলাক্, “আমা বিশ্বেজচান্ বাড়েই দে।”

রোমীয় 13:8

অন্য ইধু এক কোচ্‌পানার কজ্জ বাদে আর অন্য কনঅ কজ্জ যেন তমার্ ন-থায়। যিগুনে অন্যরে কোচ্‌পান সিগুনে মোশির রীদি-সুদোম মানি চলদন্।

২ করিন্হীয় 9:10

যিবে চাষাবলাবোত্যে বিজি আর হানাত্যে রুটি যোগেই দে তে তমারে সিদিবাত্যে বীজ্-অ যোগেব আর তার্ পরিমাণান্ বাড়েই দিবো। আর তে তমার্ গম কামর্ ফল বোউত্ দিবো।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

ফিলিপীয় 1:9

মুই তবনা গরং তমার কোচ্‌পানা যেন জ্ঞান আর বিচের-বুদ্ধিলোই এগত্তর্ ওইনে বাড়ানাত্ থায়।

১ থিষলনীকীয় 2:8

তমা উগুরে গভীন মেয়্যে-মমতা থানায় তমারে বানা গোজেনর্ গম হবর্ দিবাত্যে নয়, তমাত্যে নিজো পরাণান্অ দিবাত্যে আমি রাজী এলং, কিয়া আমা ইধু তুমি ভারী পরাণর্।

১ থিষলনীকীয় 4:1

আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্‌ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।

১ থিষলনীকীয় 5:15

চেইয়ো, অন্যেয়র্ বদলে কেঅ যেন অন্যেয় ন-গরন্। তুমি নিত্য একজন আরেকজনরে, এমন কি, অন্য বেক্কুনোর্ ভালেদি গুরিবার চেষ্টা গরঅ।

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

২ পিতর 1:7

ভোক্তি সমারে ভেইয়োরে কোচ্‌পানা আর সেই কোচ্‌পানার সমারে আরঅ গভীন্ কোচ্‌পানার মনভাব মিজো।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।