১ থিষলনীকীয় 2:4 - Chakma Bible

⁴ বরং যগাজ্জ্যে মনে গুরিনে গম হবর্ জানেবার ভারান্ গোজেনে আমা উগুরে দিয়্যে বিলিনে আমি সে ইজেবে কধা কোর্। মান্‌জ্যরে হুজী গুরিবাত্যে আমি এ কধানি ন-কোর্, মাত্তর্ যিবে আমার রিবেঙানি যাচাই গুরি চায় সেই গোজেনরে হুজি গুরিবাত্যে কোর্।

১ থিষলনীকীয় 2:4 Iomraidhean Croise

১ রাজাবলী 8:39

মাত্তর্‌ তঅ থেবারঘর্‌ স্বর্গত্তুন্‌ তুই সিয়েনি শুনোচ্‌। তুই তারে খেমা গুরিচ্‌ আর সেধোক্কেন্‌ কাম্‌ গুরিচ্‌; তার্‌ কাম্‌ অনুসারে বিচের্‌ গুরিচ্‌, কিত্তেই তুই দঅ তা মন হবর্ পাচ্‌-বানা তুই বেক্‌ মানুচ্চুনোর্‌ মন হবর্‌ পাচ্‌।

২ রাজাবলী 16:16

ধর্মগুরু ঊরিয় রাজা আহসর উগুম্‌ মজিম্‌ বেক্‌ কামানি গুরিলো।

১ বংশধর 29:17

ও মর্‌ গোজেন, মুই হবর্‌ পাঙ্, তুই মনানিরে যগা চাজ্‌ আর গমত্‌ হুজি অচ্‌। এ বেক্‌ জিনিজ্‌ছানি মুই হুজি ওইনে আর মন ভোক্তিলোই দুয়োং। ইক্কিনে মুই দেগিনে হুজি অলুং, তঅ মানুচ্চুনে যিগুনে ইদু আগন্‌ তারায়ো কেধোক্ক্যেন হুজি ওইনে তরে দুয়োন্‌।

গীতসংহিতা 139:23

ও গোজেন, তুই মরে গমেডালে পোরোক্ক্যে গুরি চাহ্, আর মর্ মন অবস্থাগান জানি লঅ; মরে বিজিরে চাহ্, আর মর্ টেনশন কধা জানি লঅ।

গীতসংহিতা 17:3

তুই দঅ মঅ মনানত্ সুমিনে চেইয়োচ্ আর রেদোত্ মরে যগা চেইয়োচ্; মরে পুযোর্ গুরিয়ো চেইয়োচ্ মাত্তর্ কনকিজু ন-পাজ্। মুই ঠিগ্ গোজ্যংগে কনঅ পাপ কধা মর্ মুয়োন্ মুই বেবহার ন-গুরিম।

গীতসংহিতা 44:21

সালে গোজেনে কি সিয়েনি হবর্ ন-পায়? তে দঅ আমার মনর্ গুমুরোগানি বেক্কানি হবর্ পায়।

গীতসংহিতা 7:9

ও ধার্মিগো গোজেন, তুই পরাণানিরে আর মনানিরে যগা চাজ্; তুই পাজিগুনোর্ শদানিগানি শেজ্ গর্ মাত্তর্ তঅ ভক্তগুনোরে গমেডালে থিদেবর্ রাগা।

গম্ উপদেজ্ 17:3

রূবো পোরোক্ষ্যে গুরিবাত্তে গোলেবার পিলে আঘে আর সনাত্তে আগেদে চুলো, মাত্তর্ লগেপ্রভু মনান্ পোরোক্ষে গরে।

যিরমিয় 17:10

মুই লগেপ্রভু মনান তোগেইনে চাং আর মনরে জগা চাং; মুই মান্‌‍‌জ্যর আদাউদো আর তার্ কামর্ পাওনা মজিম ফল্ দুয়োং।‍‍

যিরমিয় 32:19

তর্ উদ্দশ্যগান দাঙর্ আর তর্ বেক কামানি খেমতাবলা। মান্‌‌জ্যর বেক চালচলনর্ ইন্দি তঅ চোগ্‌‌‌‌কুন খুলো রাগেয়োচ্; তুই পত্তিজনরে তার চালচলনর্ আর কামর্ ফল দি থাচ্।

লূকে লেখ্যে গম্ হবর্ 12:42

জোবত্ প্রভু যীশু কলঅ, সেই বিশ্বেজি আর বুদ্ধিবলা চাগর্‌‌‌বো কন্না, যিবেরে তা গিরোজ্‌‌‌সো তার্ অন্য চাগরুনোরে ঠিগ্ সময়োত্ হানা ভাগ্ গুরি দিবার ভারান্ দিবো?

লূকে লেখ্যে গম্ হবর্ 16:11

এ জগদর্ ধন-সোম্বোত্তি পৌইদ্যেনে যুনি তমারে বিশ্বেজ্ গরা ন-যায় সালে কন্না তমারে বিশ্বেজ্ গুরিনে আজল্ ধন্ দিবো?

যোহন 21:17

পরেদি তে তিনবার্ শিমোন-পিতররে কলঅ, “যোহনর্ পুয়ো শিমোন, ঘেচ্চ্যেক্‌গুরি কি মুই তর্ পরাণর্?” পিতরে এবার্ মনত্ দুঘ্ পেলঅ, কিয়া যীশু এই তিনবার্ তারে পুযোর্ গুরিলো, “মুই কি ঘেচ্চ্যেক্‌গুরি তর্ পরাণর্?” ইয়েনত্যে পিতর যীশুরে কলঅ, “প্রভু, তুই বেক্কানি হবর্ পাজ্; তুই দঅ হবর্ পাজ্, তুই মর্ ভারী পরাণর্।” যীশু তারে কলঅ, “মঅ ভেড়াগুনোরে চরা।

রোমীয় 8:27

যিবে মান্‌জ্যর্ মনানি তোগেই চায় তে পবিত্র আত্মার্ মনঅ কধায়ো কোই পারে, কিয়া পবিত্র আত্মাগানে গোজেনর্ আওজ্ মজিম গোজেন মানুচ্চুনোত্তে কোজোলী গরে।

১ করিন্হীয় 7:25

গাবুজ্যে মিলেগুনোত্ত্যে প্রভুত্তুন্ কনঅ উগুম মুই ন-পাং। মাত্তর্ গোজেনর্ দোয়্যে পেইনে মুই বিশ্বেজবলা ওইয়োং বিলিনে মঅ কধাগান জানাঙর্।

১ করিন্হীয় 9:17

যুনি মুই নিজোর্ আয়োজে প্রচার গরং সালে দঅ মঅ বক্‌‌শিষ্‌‌চান আঘে, আর যুনি নিজোর্ আয়োজে ন-য়ো গরং তো মঅ উগুরে সেই ভারান্ আঘে বিলিনে মুই সিয়েন গরং।

২ করিন্হীয় 2:17

নিজোর্ লাভত্যে যিগুনে গোজেনর্ কধালোই বেবসা গরন্ আমি সেবাবোত্যে মানুচ্চুনো ধোক্ক্যেন নয়; বরং খ্রীষ্ট সমারে মিজেইনে গোজেন মুজুঙোত্ গোজেনর্ পাদেয়্যে মানুচ্ ইজেবে আমি খাটি রিবেঙত্তুন্ কধা কোই।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

২ করিন্হীয় 5:11

প্রভুরে দোরেই বিলিনে আমি নিজো পৌইদ্যেনে মান্‌জ্য মনত্ বিশ্বেজ্ জোর্মেবার চেষ্টা গুরিই। আমি যেবাবোত্যে, সিয়েন দঅ গোজেন ইধু খুলোমেলা আর মুই আজা গরং তমা বিবেগ ইধুয়ো সিয়েন খুলোমেলা।

২ করিন্হীয় 5:16

সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।

গালাতীয় 1:10

মুই ইয়েনত্ কার প্রশংসা পেবার চেষ্টা গরঙর্, মান্‌জ্যর না গোজেনর্? না কি মান্‌জ্যরে হুজী গুরিবার চেষ্টা গরঙর্? মুই যুনি এজঅ মান্‌জ্যরে হুজী গুরিবার চেষ্টা গরং সালে দঅ মুই খ্রীষ্টর্ চাগর নয়।

গালাতীয় 2:7

যাওক্, তারা দেগিলাক্, যিহূদীগুনো ইধু গম হবর্ প্রচার গুরিবার ভারান্ যেবাবোত্যে গুরি পিতর উগুরে দিয়্যে ওইয়্যে, সেবাবোত্যেগুরি অযিহূদীগুনো ইধু গম হবরান্ প্রচার গুরিবার ভারান্ গোজেনে মঅ উগুরে দিয়্যে।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

ইফিষীয় 6:6

মান্‌জ্যরে হুজী গুরিবার মনভাব্‌পোই তমা গিরোজ্‌চুনোর চোগো মুজুঙোত্ বানা তারার্ বাধ্য ন-ওইয়ো; তাত্তুন্ বরং খ্রীষ্টর্ চাগর্ ইজেবে গোজেনর্ আওজ্‌চান মনেপরাণে পালেইনে তুমি গিরোজ্‌চুনোর বাধ্য ওইয়ো।

কলসীয় 3:22

তুমি যিগুনে চাগর্, তুমি বেক্কানি পৌইদ্যেনে তমার্ এ জগদর্ গিরোজ্‌চুনোর বাধ্য থেয়ো। যেক্কে তারা তমারে খিয়েল গরন্ বানা সেক্কে যে তারারে হুজী রাগেবাত্যে তারার্ বাধ্য থেবা সিয়েন নয়, বরং খাটি মনে প্রভু উগুরে ভোক্তি রাগেনে তারার্ বাধ্য থেয়ো।

১ তীমথিয় 6:20

ও তীমথিয়, যিয়েন রোক্ষ্যে গুরিবাত্যে তরে দিয়্যে ওইয়্যে সিয়েন গমেডালে রোক্ষ্যে গর্। মিজে জ্ঞানর্ ভোক্তি-নেইয়্যে বাজে কধা আর ভুল্ শিক্ষ্যেত্তুন্ দূরোত্ থাগ্।

২ তীমথিয় 1:14

গোজেনে তরে যিয়েনি রোক্ষ্যে গুরিবাত্যে দিয়্যে সিয়েনি পবিত্র আত্মালোই রোক্ষ্যে গর্, যিবে আমা মনত্ থায়।

২ তীমথিয় 2:2

ভালোক্কুন সাক্ষীর্ মুজুঙোত্ মঅ মুয়োত্তুন যেদক্কানি শিক্ষ্যের্ কধা তুই শুন্ন্যচ্ সেই শিক্ষ্যেনি ধুরি রাগেবাত্যে তুই সিয়েনি এন্‌ বিশ্বেজি মানুচ্চুনোরে দে যিগুনোর্ অন্যগুনোরে শিক্ষ্যে দিবার কাবিল আঘে।

তীত 1:3

আমার উদ্ধোর্ গুরিয়্যে গোজেনর্ উগুম মজিম মুই যিয়েনি প্রচার গরং সিয়েনিত্যে গোজেনে তার্ কধানি ঠিগ্ সময়োত্ ফগদাং গোজ্জ্যে।

ইব্রীয় 4:13

সৃট্টির কিচ্চু গোজেন ইধু লুগেইয়্যে নেই। যিবে ইধু আমার ইজেব দিয়্যে পরিবো তা চোগো মুজুঙোত্ বেক্কানি মেল্যে আর ফগদাং পেইয়্যে।

১ পিতর 4:11

যুনি কেঅ ফগদাং গরে সালে তে এবাবোত্যে গুরি ফগদাং গোরোক যেন তে গোজেনর্ নিজোর্ মুয়ো কধা কর্। যুনি কেঅ সেবা গরে সালে তে গোজেনর্ দিয়্যে বল্লোই সেবা গোরোক্, যেন যীশু খ্রীষ্টর্ মাধ্যমে বেক্কানিত্ গোজেনর্ বাঈনী পায়। বাঈনী আর খেমতা উমরত্যে তার্। আমেন।

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।