১ থিষলনীকীয় 2:3 - Chakma Bible

³ আমা উপদেচ্‌‌চানি ভুল শিক্ষ্যেত্তুন্ নয়, ভান্ন্যেই উদ্দেচ্চ্যত্তুন্অ নয়, বা আমি ছলনা গুরিনেয়ো কনঅ কধা ন-কোর্;

১ থিষলনীকীয় 2:3 Iomraidhean Croise

গণাণা 16:15

এই কধাগান্‌ শুনিনে মোশি অমহদ রাগ্‌ তুলিনে লগেপ্রভুরে কলঅ, “তুই তারার উৎসর্বগানি গুজি ন-লোচ্‌। মুই তারাত্তুন্‌ এক্কো গাধায়ো ন-নেযাং আর তারার কনঅ ক্ষোতিয়ো ন-গরং।”

প্রেরিত্‌ 13:15

পবিত্র বোইবোর্ রীতি-সুদোম আর ভাববাদীগুনোর্ বোইবোত্তুন্ পড়ানা থুম্ অলে পরেদি সমাজ-ঘরর্ নেতাগুনে তারারে কোই পাধেলাক্, “ভেইলগ্, মানুচ্চুনোরে উচ্চোমি দিবাত্যে যুনি কনঅ কধা থায় সালে কঅ।”

প্রেরিত্‌ 4:36

যোষেফ নাঙে লেবি গুট্টির্ এক্কো মানুচ্‌ এলঅ। সাইপ্রাস দ্বিপোত্ তার্ ঘর্ এলঅ। তারে প্রচারক্কুনে বার্ণবা, অত্তাৎ উচ্চোমী তুলি দিয়্যেবো বিলিনে ডাগিদাক্।

২ করিন্হীয় 11:13

আসলে সেবাবোত্যে মানুচ্চুনে দঅ ভন্ড প্রচারক আর দগাবাজ্। নিজোরে খ্রীষ্টর্ প্রচারক বিলিনে দেগেবার আজায় তারা নিজোরে বুদুলি ফেলান্।

২ করিন্হীয় 2:17

নিজোর্ লাভত্যে যিগুনে গোজেনর্ কধালোই বেবসা গরন্ আমি সেবাবোত্যে মানুচ্চুনো ধোক্ক্যেন নয়; বরং খ্রীষ্ট সমারে মিজেইনে গোজেন মুজুঙোত্ গোজেনর্ পাদেয়্যে মানুচ্ ইজেবে আমি খাটি রিবেঙত্তুন্ কধা কোই।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

২ করিন্হীয় 4:5

আমি দঅ নিজো পৌইদ্যেনে প্রচার ন-গুরির্, বরং প্রচার গুরির্, যীশু খ্রীষ্টই প্রভু আর যীশুত্যে আমি তমার্ চাগর্ ওইয়্যেই।

২ করিন্হীয় 6:8

মান্‌জ্যে আমারে সর্মান গোত্তোক্ বা অসর্মান গোত্তোক্, আমা পৌইদ্যেনে গম্ কোদোক্ বা ভান্ন্যেই কোদোক্, আমি প্রমাণ গুরিত্তে, আমি গোজেনর্ সেবাগুরিয়্যে। মান্‌‌জ্যে আমারে পাজি কন্, মাত্তর্ আসলে আমি সত্যর্ পধেদি চুলির্।

২ করিন্হীয় 7:2

তমা মনত্ আমাত্যে জাগা গরঅ। আমি দঅ কারঅ উগুরে অন্যেয় ন-গুরিই, কারর্ ক্ষোতি ন-গুরিই আর কাররে ন-থোগেই।

১ থিষলনীকীয় 2:11

তুমি কোই পারঅ, বাবে যেধোক্ক্যেন নিজো পুয়ো-ছাগুনোরে উচ্চোমি, সান্তনা আর কড়া গুরিনে উগুম দে, আমিয়ো তমারে পত্তিজনরে সিয়েনই দিদোং, যেন গোজেনর্ মানুচ্‌ ইজেবে তুমি গমেডালে চলঅ। গোজেনে তার্ নিজো রেজ্যগানর্ আর তার মহিমার ভাগী অবাত্যে তমারে ডাগের্।

১ থিষলনীকীয় 4:7

কিয়া গোজেনে ফি-বলা ওইনে চলিবাত্যে আমারে ন-ডাগে, পবিত্র গুরি চলিবাত্যে ডাক্ক্যে।

২ থিষলনীকীয় 2:11

ইয়েনত্যে গোজেনে তারা ইধু এমন্‌ এক খেমতা পাদেব যিয়েনে তারারে ভুল্ পধেদি নেযেব, যেন তারা মিজে মিজে বিশ্বেজ্ গরন।

২ পিতর 1:16

আমা প্রভু যীশু খ্রীষ্টর খেমতা আর তার্ এযানা পৌইদ্যেনে তমারে জানেবাত্যে যেইনে আমি কনঅ বানেইয়্যে কিত্ত্যে ন-কোই; আমি তার মহিমাগান নিজো চোগেদি দেক্ক্যেই।

১ শমূয়েল 12:3

মুই ইয়োদোই আগং; মর্‌ বিরুদ্ধে যুনি তমার কিজু কবার্‌ থায় সালে লগেপ্রভু আর তার অভিষেগ-গোজ্যে মানুচ্চোর মুজুঙোত্‌ সিয়েনিই কঅ। তুমি সাক্ষি দুয়ো, মুই কার্ বলত্তো বা কার্ গাধাবো অন্যেয়গুরি নেযেয়োং? মুই কার উগুরে অত্যেচার গোজ্যং? কার উগুরে বজং বেবহার গোজ্যং? কাত্তুন্‌ ঘুষ নেযেইনে মুয়োন বন্ধ গুরি রাগেয়োং? ইয়েনির কনগান যুনি মুই গুরি থাং সালে সিয়েনির ক্ষতিপূরণ দিম।”