১ থিষলনীকীয় 2:17 - Chakma Bible

¹⁷ ভেইলগ্, মনত্তুন্ ন-অলেয়ো কিয়্যেন্দিত্তুন্ আমি খানক্‌কনত্যে তমাত্তুন্ দূরোত্ ওইয়্যেই। সেনত্যে আমি ভারী আওজ্ গুরিনে চেষ্টা গোজ্জ্যেদে যেনে আরঅ তমা লগে আমার্ দেগা অয়।

১ থিষলনীকীয় 2:17 Iomraidhean Croise

পত্থম 31:30

বেশ্‌, তঅ বাব ঘরত্‌ যেবাত্তে অয়ত তঅ পরানান্‌ কানের্‌ আর সেনত্তে তুই নিগিলি এচ্চ্যচ্‌, মাত্তর্‌ মঅ ঘোর্‌বো দেবেদামূত্তিগুন্‌ চুর্‌ গুরি আন্ন্যস্‌ কিত্তে?

পত্থম 45:28

তে কলঅ, “মর্‌ পুয়ো যোষেফে যে এজঅ বাঁজি আঘে সিয়েনোই যদেষ্ট। মুরিবার্‌ আগেন্দি মুই যেইনে তারে একবার্‌ রিনি চেম্।”

পত্থম 48:11

তে যোষেফরে কলঅ, “মুই আর তঅ মুয়োন্‌ দিগিম্‌ বিলিনে ন-ভাবং, মাত্তর্‌ গোজেনে বানা তরে নয়, তঅ পুয়োগুনোরেয়ো মরে দেগিবাত্তে সুযোগ দিলো।”

২ শমূয়েল 13:39

তাইদু যেবাত্তে রাজা দায়ূদোর খুব আওজ্‌ অলঅ, কিত্যে অম্নোনর মরাণার পৌইদ্যেনে রাজার্ মনান্ বুঝ্ পেইয়্যে।

২ রাজাবলী 5:26

মাত্তর্‌ ইলীশায় তারে কলঅ, “সে মানুচ্চো যেক্কে তঅ লগে দেগা গুরিবাত্তে রথ্‌তানত্তুন্‌ লাম্মে সেক্কে মর্‌ মনানে কি তঅ লগে ন-যায়? টেঙা-পোইজ্যে, কাবড়্‌-চুগোড়্‌, জলপাইয়োর্‌ বাগান, আংগুর-ক্ষেত, গোরু-ছাগল-ভেড়া আর চাগর্‌-চাগরানী নেযেবার্‌ ইবে কি সময়?

গীতসংহিতা 63:1

ও গোজেন, তুই মর্ গোজেন, মুই আওজ্ গুরিনে তরে ডাগঙর্; এ শুগুনো পানিনেইয়্যে দেজত্, যিবের খেত-খেত্তি দিবার বলঅ ফুরেই যেইয়্যে, সিয়েনত তত্তেই মর্ পরাণান আওজ্ গরের্, তত্তেই মর্ কিয়্যেগান থিদেবর্ নেইয়্যে ওইয়্যে।

লূকে লেখ্যে গম্ হবর্ 12:58

তুমি বিপক্ষ সমারে বিচেরগ ইধু যেবার্ অক্তত্ পধত্ তা সমারে এক্কান মিটমাটর্ চেট্ট্যা গুরিবা। সিয়েন ন-গুরিলে তে তরে বিচেরগ ইধু টানি নেযেব। সেক্কে বিচেরগে তমারে পুলিশো আঢত্ দিবো আর পুলিশে তরে জেলোত্ দিবো।

লূকে লেখ্যে গম্ হবর্ 22:15

যীশু তারারে কলঅ, “মুই কষ্ট ভুগিবার্ আগেদি তমা সমারে উদ্ধোর্-পরবর্ এই হানাগান্ হেবার্ মর্ অমকদ আয়োচ্ এলঅ।

প্রেরিত্‌ 17:10

রেত্ অলে পরেদি বিশ্বেজি ভেইয়ুনে পৌল আর সীলরে বিরয়াত্ পাধেই দিলাক্। সিধু লুমিনে তারা যিহূদীগুনোর্ সমাজ-ঘরত গেলাক্।

রোমীয় 1:13

ভেইলগ্, এ কধাগান্ হবর্ পেইয়ো, মুই ভালোক্ বার্ তমা ইধু যেবাত্তে চেইনেয়ো এজঅ সং মানা গরদন্। অন্য জাগাত্ অযিহূদীগুনো ইধু প্রচার গুরিনে যেবাবোত্যে ফল পেয়োং, ঠিগ্ সেবাবোত্যেগুরি তমাত্তুন্অ কিজু ফল দেগিবার আজায় মুই তমা ইধু যেবাত্তে চেইয়োং।

রোমীয় 15:23

মাত্তর্ ইক্কিনে এ বেক্‌ চাগালানিত্ মর্ কাম্ গুরিবার আর্ জাগা নেই। ভালোক্ বজর্ ধুরিনে তমা ইধু মর্ যেবার্ আওজ্,

১ করিন্হীয় 5:3

মুই কিয়্যেদি আঝির্ ন-থেলেয়ো আত্মায় তমা সমারে আঘং। যে এবাবোত্যে কাম্ গোজ্জ্যে, আঝির্ থেইয়্যে মান্‌জ্য ধোক্ক্যেন্ মুই তা বিচেরান্ আগেদি গুরি থোইয়োং।

কলসীয় 2:5

মুই কিয়্যেগানদি তমা ইধু ন-থেলেয়ো আত্মায় আঝির্ আঘং আর তমার্ গম চালচলন্ আর খ্রীষ্ট উগুরে তমার থির্ বিশ্বেজ্ দেগিনে গম্ পাঙর্।

১ থিষলনীকীয় 3:6

ইক্কিনে তীমথিয় তমাত্তুন্ আমা ইধু ফিরি এইনে তমার কোচ্‌পানা আর বিশ্বেজ্ পৌইদ্যেনে গম হবরান্ দিয়্যে। তে কোইয়্যেদে, কোচ্‌পানার মনভাব্‌পোই তুমি নিত্য আমারে ইদোত্ তুলি থাগঅ, আর আমি যেধোক্ক্যেন তমারে চেবাত্যে চের্ সেধোক্ক্যেন তুমিয়ো আমারে চেবাত্যে চর্।