১ থিষলনীকীয় 2:14 - Chakma Bible

¹⁴ ভেইলগ্, যিহূদিয়া রেজ্যত খ্রীষ্ট যীশু লগে গোজেনর্ যে মন্ডলীগুন্ আঘন, তমা অবস্থা তারা ধোক্ক্যেন। যিহূদীগুনো আঢত্ তারা যেত্তমান দুঘ্ পেইয়োন, তুমিয়ো নিজো দেজর্ মানুচ্চুনো আঢত্ সেই একই দুঘোত্ ভুগ্‌গো।

১ থিষলনীকীয় 2:14 Iomraidhean Croise

প্রেরিত্‌ 11:19

স্তিফানরে কেন্দ্র গুরিনে বিশ্বেজিগুনো উগুরে অত্যেচারর্ কারনে যিগুনে ছিদি পোজ্জ্যন্ তারা ফৈনীকিয়া, সাইপ্রাস আর সিরিয়া দেজর্ আন্তিয়খিয়া সং যেইনে বানা যিহূদীগুনো ইধু গোজেনর্ কধা কলাক্।

প্রেরিত্‌ 13:50

মাত্তর্ যিহূদীগুনে গোজেনর্ উবোসনা গুরিয়্যে ভদ্র মিলেগুনোরে আর শঅরর্ আজল্ আজল্ মানুচ্চুনোরে ভেজেই দিলাক্। এবাবোত্যেগুরি তারা পৌল আর বার্ণবা উগুরে অত্যেচার্ গোরেইনে সেই চাগালাত্তুন্ তারারে নিগিলেই দিলাক্।

প্রেরিত্‌ 14:19

পরেদি আন্তিয়খিয়া আর ইকনিয়ত্তুন্ কয়েক্কো যিহূদী এইনে পৌল আর বার্ণবা বিরুদ্ধে মানুচ্চুনোরে ভেজেই দিলাক্। সেক্কে মানুচ্চুনে পৌলরে পাত্তর্ মারিলাক্ আর তে মুরি যেইয়্যে মনে গুরিনে শঅরর্ বারেদি তারে টানি নেযেলাক্।

প্রেরিত্‌ 14:2

মাত্তর্ যে যিহূদীগুনে বিশ্বেজ্ ন-গরন তারা অযিহূদীগুনোরে ভেজেই দিইনে তারার্ মনানি বিশ্বেজি ভেইয়ুনো বিরুদ্ধে রাগেই তুলিলাক্।

প্রেরিত্‌ 14:4

ইয়েন্দোই শঅর মানুচ্চুনে ভাগ্ ওই গেলাক্; কেঅ কেঅ যিহূদীগুনো পক্ষে, আরঅ কেঅ কেঅ দিপাধেয়্যেগুনো পক্ষে গেলাক্।

প্রেরিত্‌ 14:5

সেক্কে অযিহূদী আর যিহূদী এ দ্বি'দলে তারার্ নেতাগুনো সমারে মিলিনে পৌল আর বার্ণবারে অত্যেচার্ গুরিবার আর পাত্তর্ মারিবাত্যে কুজুরোমি গুরিলাক্।

প্রেরিত্‌ 17:13

থিষলনীকীর্ যিহূদীগুনে যেক্কে শুনিলাক্ পৌলে বিরয়াত্ গোজেনর্ কধা ফগদাং গরের্ সেক্কে তারা সিধুয়ো গেলাক্ আর মানুচ্চুনোরে উচ্চোমি তুলি দিইনে যাগুলুগ্ বাজেই দিলাক্।

প্রেরিত্‌ 18:12

গাল্লিয়ো যেক্কে আখায়া রেজ্যর্ শাসনগুরিয়্যে এলঅ সেক্কে যিহূদীগুনে বেক্কুনে মিলি পৌলরে ধুরিনে বিচেরত্যে কোদোত্ আনিলাক্।

প্রেরিত্‌ 8:1

শৌলে সিধু স্তিফানর খুনর্ পক্ষে কধা কর্। সেদিন্যে যিরূশালেমর খ্রীষ্টীয় মণ্ডলীর মানুচ্চুনো উগুরে অমকদ অত্যেচার অলঅ। সিয়েন্দোই দিপাধেয়্যেগুন বাদে বাদবাগি বেক্ বিশ্বেজিগুন যিহূদিয়া আর শমরিয়া রেজ্যর্ বেক্ জাগানিত্ ছিদি পড়িলাক্।

প্রেরিত্‌ 8:3

মাত্তর্ শৌলে সেই মন্ডলীবোরে ভস্ত গুরিবাত্তে ঘরে ঘরে যেইনে সেই মন্ডলীর মরদ্ আর মিলেগুনোরে টানি আনিনে জেলোত্ দিয়্যে ধল্ল।

প্রেরিত্‌ 9:1

ইন্দি শৌলে প্রভুর শিচ্চ্যগুনোরে মারে ফেলেব বিলি দর্ দেগার্। দামেস্ক শঅরর্ সমাজ-ঘরানিত্ দিবাত্যে তে দাঙর্ ধর্মগুরুবো ইধু যেইনে চিধিগান চেলঅ। যিদুক্কুন্ মান্‌জ্যে যীশুর পধেদি চলন্, তারা মরদ্ ওক্‌ কি মিলে ওক্‌, তারারে পেলে যেন তারারে বানিনে যিরূশালেমত্ আনি পারে সেই খেমতাগানত্তে তে সেই চিধিগান চেইয়্যে।

প্রেরিত্‌ 9:13

অননিয় কলঅ, “প্রভু, মুই ভালোকজন মুয়োত্ এ মানুচ্চো পৌইদ্যেনে শুন্ন্যং, যিরূশালেমত্ তঅ মানুচ্চুনো উগুরে তে কদক্ অত্যেচার্ গোজ্জ্যে।

প্রেরিত্‌ 9:31

সেক্কে যিহূদিয়া, গালীল আর শমরিয়া রেজ্যর্ মন্ডলীগুনোত্ শান্তি এলঅ, আর সেই মন্ডলীগুন উঠ্যন্। সেনত্তে প্রভু উগুরে ভোক্তি আর পবিত্র আত্মার্ উচ্চোমিলোই তারা জনেদি বাড়দন্।

১ করিন্হীয় 10:32

মুই যেবাবোত্যে গুরি বেক্‌ মান্‌জ্যরে নানান্ বাবোত্যে গুরি হুজি গুরিবাত্তে চেষ্টা গরং তুমিয়ো সেবাবোত্যে গরঅ; অত্তাৎ যিহূদী বা অযিহূদী বা গোজেন মন্ডলীর মানুচ্চুনোর পধত্ কাঙেলেত্যে ন-গোজ্জ্য। মুই নিজোর্ মংগল চেষ্টা ন-গুরিনে ভালোক জনর্ মংগলর্ চেষ্টা গরং যেন তারা পাপত্তুন্ উদ্ধোর্ পান্।

১ করিন্হীয় 7:17

সেনত্তে, প্রভু যিবেরে যে অবস্থায় থোইয়্যে আর গোজেনে যিবেরে যিয়েনত্তে ডাক্ক্যে, সেই মজিম তে চোলোক্। এ উগুমান মুই বেক্ মন্ডলীগুনোত্ দি থাং। কনঅ চুনু মাঢা কাবা মান্‌জ্যরে কি ডাগা ওইয়্যে? মাত্তর্ সে চুনু মাঢা কাবা চিহ্নোগান্ পুজি ন-ফেলোক্।

গালাতীয় 1:22

যিহূদিয়ার খ্রীষ্টীয় মন্ডলীগুনে মরে ন-চিনিদাক্।

১ থিষলনীকীয় 1:1

বাবা গোজেন আর প্রভু যীশু খ্রীষ্ট লগে এগত্তর্ থিষলনীকীয় মন্ডলী ইধু সীল, তীমথিয় আর মুই পৌলে এ চিধিয়ান লিগির্। আমার বাবা গোজেন আর প্রভু যীশু খ্রীষ্ট তমারে দোয়্যে গোরোক্ আর শান্তি দান গোরোক্।

১ থিষলনীকীয় 1:6

বোউত্ অত্যেচারর্ ভিদিরেয়ো পবিত্র আত্মার দিয়্যে হুজিলোই সেই গম হবরান মানি লোইনে তুমি আমার আর প্রভু ধোক্ক্যেন গুরি চলর্।

১ থিষলনীকীয় 3:4

দুঘ্-কষ্ট যে আমা উগুরে এবঅ সেই কধাগান তমা লগে থেবার্ অক্তত্ আমি বার্‌বার্ কোইয়্যেই, আর তুমি কোই পারঅ যে, ঠিগ্ সিয়েনই ঘোট্যে।

২ থিষলনীকীয় 1:1

বাবা গোজেন আর প্রভু যীশু খ্রীষ্ট সমারে মিজেয়্যে থিষলনীকীয় মন্ডলী ইধু সীলবান, তীমথিয় আর মুই পৌলে এ চিধিয়ান লেখ্যেই।

২ থিষলনীকীয় 1:4

আর ইয়েনত্যে গোজেন মন্ডলীগুনো মুজুঙোত্ তমারে নিইনে আমি দেমাগ্ গুরির, কিয়া যেদক্কানি অত্যেচার্ আর দুখ্-কষ্ট তুমি সোজ্জ্য গরর্, সিয়েনির ভিদিরেয়ো তমার ধৈজ্জ্য আর বিশ্বেজ্‌চান থিগি আঘে।