১ থিষলনীকীয় 2:13 - Chakma Bible

¹³ আমি নিত্য গোজেনরে ভালেদি জানের্, কিয়া গোজেনর্ কধানি আমাত্তুন্ শুনিনে যেক্কে তুমি বিশ্বেজ্ গোজ্জ্য সেক্কে তুমি সিয়েন মান্‌জ্যর বিলিনে নয়, মাত্তর্ গোজেনর্ কধা বিলিনেই মানি লোইয়ো। আর ঘেচ্চ্যেকগুরি সিয়েন গোজেনর্ কধা। তুমি যিগুনে বিশ্বেজ্ গোজ্জ্য, তমা মনত্ সেই কধানিয়ে কাম গোজ্জ্যে।

১ থিষলনীকীয় 2:13 Iomraidhean Croise

যিরমিয় 44:16

“তুই লগেপ্রভুর নাঙে যেদক্কানি কধা আমা ইধু কোইয়োচ্ সিয়েনি আমি ন-শুনিবোং।

হগয় 1:12

সেক্কে শল্টীয়েলর পুয়ো সরুব্বাবিল, যিহোষাদকর পুয়ো ধর্মগুরু যিহোশূয় আর অন্য বেক্ মানুচ্চুনে তারার্ গোজেন লগেপ্রভুর কধা মজিম আর তার পাদেয়্যে ভাববাদী হগয়র কধা মজিম কাম গুরিলাক্, কিত্যে তারা লগেপ্রভুরে দোরেলাক্।

মথি লেখ্যে গম্ হবর্ 10:20

তুমি যে কবা সিয়েন্ নয়, বরং তমা বাপ্পো গোজেন আত্মাগানে তমা ভিদিরেদি কধা কবঅ।

মথি লেখ্যে গম্ হবর্ 10:40

“যে তমারে ভালেদি জানায় তে মরে ভালেদি জানায়; আর যে মরে ভালেদি জানেইনে যিবে পাধেয়্যে তে তারে ভালেদি জানায়।

লূকে লেখ্যে গম্ হবর্ 11:28

মাত্তর্ যীশু কলঅ, “ইয়েনত্তুন্ বেশ্ বরং তারা বর্‌পেইয়্যে যিগুনে গোজেনর্ কধা শুনোন্ আর সেবাবোত্যেগুরি কাম্ গরন্।”

লূকে লেখ্যে গম্ হবর্ 5:1

এক সময়োত্ যীশু গিনেষর সাগর পারত্ থিয়্যেই এলঅ। মানুচ্চুনে গোজেন কধা শুনিবাত্তে তা চেরোকিত্তে ঠেলাঠিলি গত্তন্।

লূকে লেখ্যে গম্ হবর্ 8:11

হিত্ত্যেবোর্ অত্তগান্ ইয়েন: বীজ্ অলঅ গোজেনর্ কধা।

লূকে লেখ্যে গম্ হবর্ 8:21

যীশু বেক্ মানুচ্চুনোরে কলঅ, “যিগুনে গোজেনর্ কধা শুনিনে সেবাবোত্যেগুরি পালান্ তারা মর্ মা আর ভেই।”

যোহন 15:3

মুই যে কধাগান্ তমারে কোইয়োং সিয়েনত্তে তুমি আগে সাব্ ওইয়ো।

যোহন 17:17

সত্যলোই তর্ নাঙে তুই তারারে যুদো গুরি থঅ। তর্ কধাগানি সেই সত্য।

যোহন 17:19

তারাত্যে তর্ নাঙে মুই নিজোরে যুদো গোজ্যং যেন সত্যলোই তারারেয়ো ফারগ্ গরা অয়।

প্রেরিত্‌ 10:33

সেনত্তে মুই সেক্কে তরে ডাগি আনিবাত্যে মানুচ্‌ পাধেলুং, আর তুমি এইনে গম্ ওইয়্যে। ইধু আমি বেক্কুনে ইক্কিনে গোজেন মুজুঙোত্ আঘিই। প্রভু তরে আমা ইধু যিয়েনি কবাত্তে উগুম দিয়্যে আমি সিয়েনি বেক্কানি শুনিবোং।”

প্রেরিত্‌ 13:48

অযিহূদীগুনে এ কধাগান শুনিনে হুজী অলাক্ আর প্রভুর্ কধানি বাঈনী গুরিলাক্; আর উমর্‌‌অ জিংকানি পেবাত্যে গোজেনে যিগুনোরে থিগ্ গুরি থোইয়্যে তারা বিশ্বেজ্ গুরিলাক্।

প্রেরিত্‌ 16:14

যিগুনে শুনোদন্ তারা ভিদিরে থুয়াতীরা শঅরর্ লুদিয়া নাঙে এক্কো মিলে এলঅ। তে বিগুনী রংয়র্ কাবর বেবসা গুরিদো। যিহূদী ন-অলেয়ো তে গোজেনর্ উবোসনা গুরিদো। প্রভু লুদিয়ার্ মনান্ এমন্‌ গুরিনে মিলি দিলো যাতে তে পৌলর কধা মন দিইনে শুনিনে বিশ্বেজ্ গরে।

প্রেরিত্‌ 17:11

থিষলনীকীর্ যিহূদীগুনোত্তুন্ বিরয়া শঅরর্ যিহূদীগুনো মনানি বোউৎ বেশ্ খুলোমেলা এলঅ। তারা জদবদে আওচ্ গুরিনে গোজেনর্ কধা শুনিনে সিয়েনি মানি ললাক্। পৌলে যিয়েনি কোইয়্যে সিয়েনি সত্য নাহি চেবাত্যে পত্তিদিন্ তারা বোইয়োত্ তোগেদাক্।

প্রেরিত্‌ 17:32

মরণত্তুন্ আরঅ জেদা ওই উদিবার্ কধা শুনিনে মানুচ্চুনোত্তুন্ কয়েকজনে মুয়োনি বেঙা গুরিলাক্, মাত্তর্ অন্যগুনে কলাক্, “এ পৌইদ্যেনে তমা কধানি আমি আরঅ শুনিবোং।”

প্রেরিত্‌ 2:41

যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

প্রেরিত্‌ 8:14

যিরূশালেমর প্রচারক্কুনে যেক্কে শুনিলাক্, শমরিয়ার মানুচ্চুনে গোজেনর কধা বিশ্বেজ্ গোজ্জ্যন্ সেক্কে তারা পিতর আর যোহনরে সেই মানুচ্চুনো ইধু পাধেলাক্।

রোমীয় 10:17

সালে দেগা যায়, গোজেনর্ কধানি শুনোনার্ পরেদি বিশ্বেজ্ এজে, আর যীশু খ্রীষ্ট পৌইদ্যেনে প্রচারর্ মাধ্যমে সেই কধানি শুনিবাত্তে পাহ্ যায়।

২ করিন্হীয় 3:18

ইয়েনত্যে আমি যিগুনে খ্রীষ্ট সমারে মিজেয়্যেই, আমি বেক্কুনে খুলো মুয়োদি আনাত্ দেখ্যে ফোটু ধোক্ক্যেন গুরি প্রভুর মহিমাগান্ দেগদে দেগদে নিজেয়ো মহিমায় বাড়ি উদিনে বুদুলি যেইনে তা ধোক্ক্যেন ওই যের্। প্রভুর, অত্তাৎ পবিত্র আত্মার্ খেমতালোই ইয়েন অয়।

গালাতীয় 4:14

মর্ অসুগ্‌কানে যুনিয়ো তমারে দুঘ্ দিয়্যে তো তুমি মরে তুচ্চো বা ঈচ্ ন-গরঅ, বরং গোজেনর্ দূত্‌তোরে বা খ্রীষ্ট যীশুরে যেধোক্ক্যেন গুরি মানি লদা সেধোক্ক্যেন গুরি তুমি মরে মানি লোইয়ো।

কলসীয় 1:6

এ গম্ হবরান গোদা পিত্‌থিমীত ছিদি পড়িনে ফল ধরের্ আর দিন দিন উজেই যার্। যেদিন্ন্যে তুমি এ গম্ হবরান শুন্ন্য আর গোজেনর্ দোয়্যের কধা ঘেচ্চ্যেক্ গুরি কোই পাজ্জ্য সে দিন্নোত্তুন্ ধুরি সিয়েন তমা ভিদিরেয়ো ঠিগ্ সেবাবোত্যেগুরি কাম গরের্।

ইব্রীয় 4:12

গোজেনর্ কধানি খেমতাবলা আর কামগরে আর দ্বি' কিত্ত্যেদি ধার্ আঘে এমন্‌ ছুরিত্তুন্-অ বেশ্ ধারেয়্যে। এ কধানি মান্‌জ্যর রিবেঙ-আত্মা আর আহ্‌র্-মগজ মূঢ়োত্ সং যায় আর মান্‌জ্যর রিবেঙর্ বেক্‌ আওজ্‌‌চানি আর চিদে চজ্জানি পোরোক্ষ্যে গুরি চায়।

ইব্রীয় 4:2

ইস্রায়েলীগুনো ইধু যেধোক্ক্যেন গম হবর্ ফগদাং গরা ওইয়্যে সেধোক্ক্যেন গুরি আমা ইধুয়ো গরা ওইয়্যে। মাত্তর্ সেই গম হবরত্ ইস্রায়েলীগুনোর্ কনঅ লাভ ন অয়, কিয়া তারা সিয়েনি শুনিনে বিশ্বেজ্ ন-গরন।

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।

১ পিতর 1:23

যে বীজ্ ভস্ত ওই যায় এমন কনঅ বীজত্তুন্ তমার নুয়ো জর্ম ন-অয়, বরং যে বীজ্ কনদিন্অ ভস্ত ন-অয় সিয়োত্তুন্ তমার জর্ম ওইয়্যে। সেই বীজ্ অলঅ গোজেনর্ জেদা আর উমর কধা।

১ পিতর 1:25

মাত্তর্ প্রভুর কধানি উমরত্যে থায়। আর এই কধানি সেই গম হবর্, যিয়েনি তমা ইধু ফগদাং গরা ওইয়্যে।

১ পিতর 2:2

এই ইক্কিনে জোর্মেয়্যেদে চিগোন্ গুরো ধোক্ক্যেন তমার্ আধ্যাত্মিকভাবে বাড়িবাত্যে খাটি দুধ পেবাত্যে তুমি ভারী আওজি অ, যেন সিয়েন্দোই বাড়দে বাড়দে তুমি পুরোপুরি উদ্ধোরর্ ইন্দি উজেই যেই পারঅ।

২ পিতর 3:2

পবিত্র ভাববাদীগুনে যেদক্কানি কধা আগেদি কোই যেইয়োন সিয়েনি আর তমার দিপাধেয়্যেগুনোরে দিইনে আমার প্রভু আর উদ্ধোর্ গুরিয়্যেবো যে উগুমানি দি যেইয়্যে, মুই চাং যেন তুমি সিয়েনি মনত্ রাগঅ।

১ যোহন 3:3

যে কেঅ খ্রীষ্ট উগুরে এই আজাগান রাগায় তে নিজোরে খাটি গরানাত্ থায় যেধোক্ক্যেন খ্রীষ্ট খাটি।