১ থিষলনীকীয় 2:10 - Chakma Bible

¹⁰ তুমি যিগুনে বিশ্বেজ্ গোজ্জ্য, তমা লগে আমার বেবহার যে পবিত্র, গম্ আর থুদো নেইয়্যে এলঅ, সিয়েনর সাক্ষী তুমিয়ো আঘঅ আর গোজেনেয়ো আঘে।

১ থিষলনীকীয় 2:10 Iomraidhean Croise

যিরমিয় 18:20

ভালেদির হেনা সুজোনা কি ভান্ন্যেইলোই অবঅ? মাত্তর্ তারা দঅ মত্তে গাদ্ খুজ্যন্। ইদোত্ তুলি চাহ্, তঅ রাগ্‌কান যেনে তারা উগুরেত্তুন ফিরি যায় সেনত্তে মুই তঅ মুজুঙোত্ থিয়্যেইনে তারার তপ্পে ওইনে কধা কঙর্। ‌‌‍‍‍

গণাণা 16:15

এই কধাগান্‌ শুনিনে মোশি অমহদ রাগ্‌ তুলিনে লগেপ্রভুরে কলঅ, “তুই তারার উৎসর্বগানি গুজি ন-লোচ্‌। মুই তারাত্তুন্‌ এক্কো গাধায়ো ন-নেযাং আর তারার কনঅ ক্ষোতিয়ো ন-গরং।”

লূকে লেখ্যে গম্ হবর্ 23:41

আমি উচিত্ সাজা পেইর্। আমার যিয়েন্ পাওনা আমি সিয়েনই পেইর্, মাত্তর্ এ মানুচ্চো দঅ কনঅ দুচ্‌ ন-গরে।”

প্রেরিত্‌ 20:18

তারা সিধু লুমিলে পরেদি পৌলে তারারে কলঅ, এশিয়া রেজ্যত্ এজানার্ পরেদি পত্তম্ দিনোত্তুন্ ধুরি নিত্য তমা সমারে মুই কেধোক্ক্যেন্ গুরি কাদেয়োং সিয়েন দঅ তুমি হবর্ পঅ।

প্রেরিত্‌ 20:26

সেনত্তে এইচ্চ্যে মুই তমারে গমেডালে কঙত্তে, কারর্ লো-গানর্ দায়ী মুই নয়,

প্রেরিত্‌ 24:16

সেনত্তে মুই গোজেন আর মান্‌জ্য ইধু আমিযে মর্ বিবেগরে সাব্ রাগেবার চেষ্টা গরং।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 11:11

কিত্যে মুই এ কধাগান্ কঙর্? তমারে কোচ্‌ ন-পাং বিলিনে না কি? গোজেনে কোই পারেদে যে, মুই তমারে কোচ্‌পাং।

২ করিন্হীয় 11:31

আমা প্রভু যীশু খ্রীষ্টর্ গোজেন আর বাপ্, যিবে উমরত্যে বাঈনী পেবার্, তে কোই পারে মুই মিজে কধা ন-কঙর্।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

২ করিন্হীয় 5:11

প্রভুরে দোরেই বিলিনে আমি নিজো পৌইদ্যেনে মান্‌জ্য মনত্ বিশ্বেজ্ জোর্মেবার চেষ্টা গুরিই। আমি যেবাবোত্যে, সিয়েন দঅ গোজেন ইধু খুলোমেলা আর মুই আজা গরং তমা বিবেগ ইধুয়ো সিয়েন খুলোমেলা।

২ করিন্হীয় 7:2

তমা মনত্ আমাত্যে জাগা গরঅ। আমি দঅ কারঅ উগুরে অন্যেয় ন-গুরিই, কারর্ ক্ষোতি ন-গুরিই আর কাররে ন-থোগেই।

১ থিষলনীকীয় 1:5

কিয়া আমার ফগদাং গোজ্জ্যে গম্ হবরান বানা কধালোই তমা ইধু ন-এজে, মাত্তর্ সিয়েন খেমতা, পবিত্র আত্মা আর পুরোপুরি নিচ্চিত্ গুরি এচ্চ্যে। তমা সমারে থেবার অক্তত্ তমার ভালেদিত্যে আমি কেধোক্ক্যেন গুরিনে আঢাউদো গোজ্জ্যেই সিয়েন তুমি কোই পারঅ।

১ থিষলনীকীয় 2:5

তুমি কোই পারঅ আমি কনদিন্অ বিগিদি গুরিনে কধা ন-কোই, আর লুভ্‌পানরে নাঢি থোইনেয়ো যে ছলনা গুরিনে কনঅ কধা আমি ন-কোই, গোজেনে তার্ সাক্ষী।

২ থিষলনীকীয় 3:7

কেধোক্ক্যেন গুরিনে আমা ধোক্ক্যেন চলানা উচিত সিয়েন তুমি নিজেই কোই পারঅ। তমা ইধু থেবার সময়োত্ আমি আল্‌সি গুরিনে ন-চুলিই,

১ তীমথিয় 4:12

তুই গাবুজ্যে বিলিনে কেঅ যেন তরে ঈচ্ ন-গরন্। কধালোই, চাল্‌চলনত্, কোচ্‌পানাত্, বিশ্বেজত্ আর পবিত্রতালোই তুই বিশ্বেজিগুনো ইধু আদর্শ অ।

২ তীমথিয় 3:10

তুই মর্ শিক্ষ্যে, চালচলন্, উদ্দেচ্চ্য, বিশ্বেজ্, সোজ্জ্যগুণ, কোচ্‌পানা আর ধৈজ্জ্য পৌইদ্যেনে গমেডালে খিয়েল্ গোজ্জ্যস্।

১ পিতর 5:3

তমা তলেদি যিগুনে আঘন সিগুনো উগুরে প্রভু ন-ওইয়ো, বরং এমন্‌ অ যেনে তমারে দেগিনে তারা শিগি পারন্।