১ শমূয়েল 9:4 - Chakma Bible

⁴ শৌলে সেক্কে সিগুনোরে তোগাদে তোগাদে ইফ্রয়িমর মুড়ো-মুুড়ি বামত্‌ আর শালিশা বামর্‌ ভিদিরেন্দি গেলঅ, মাত্তর্‌ সিগুনোরে ন-পেলঅ। সে পরেন্দি তারা শালীম বামান ইন্দি গেলঅ, মাত্তর্‌ গাধীগুনোরে সিদুয়ো পাহ্ ন-গেলঅ। সে পরেন্দি তারা বিন্যামীনীয়গুনোর বামত্‌ গেলাক্, আর সিদুয়ো সিগুনোরে ন-পেলঅ।

১ শমূয়েল 9:4 Iomraidhean Croise

পত্থম 33:18

পদ্দন-অরামত্তুন্‌ নিগিলি এজানার পরেদি যাকোবে গমেডালে কনান দেজ শিখিম শঅরত্‌ লুমিলোগোই। তে শঅর কায়-কুরে তাম্বুল তাঙেল আর সে ভুইয়ান্‌ পরেদি শিখিমো বাপ্পো হমোর পুয়োগুনোত্তুন্‌ একশঅ কট্টা রূবোলোই কিনি নিলো।

২ রাজাবলী 4:42

বাল্‌-শালিশাত্তুন্‌ এক্কো মান্‌জ্যে গোজেন মানুচ্চোত্তে পত্তমে তুল্যে ফসলত্তুন্‌ কুড়িবো কেশ্‌বিজিলোই বানেয়্যে রুটি সিগিনে আনিলো, আর তা লগে কিজু নূয়ো ফসল আনিলো। ইলীশায় কলঅ, “ইগুন্‌ মানুচ্চুনোরে হেবাত্তে দে।”

যোহন 3:23

শালীম নাঙে এক্কান্ আদাম ইধু ঐনোন বিলি এক্কান্ জাগাত্ সেক্কে যোহনেয়ো বাপ্তিষ্ম দের্, কিয়া সে জাগানত্ বোউত্ পানি এলঅ আর মানুচ্চুনেয়ো এইনে বাপ্তিষ্ম লদন্।

যিহোশূয় 19:42

শালবীন, অয়ালোন, যিৎলা, এলোন, তিম্না, ইক্রোণ, ইল্‌তকী, গিব্বথোন, বালৎ,

যিহোশূয় 24:33

পরেদি হারোণর পূঅ ইলিয়াসরে মুরি গেলে তারে গিবিয়াতত্‌ গোর্ দিয়্যে অলঅ। ইফ্রয়িমর মুড়ো-মুড়ি চাগালাত্‌ এ জাগায়ান তার্‌ পূঅ পীনহসরে দিয়্যে ওইয়্যে।

বিচের গুরিয়্যেগুন 17:1

ইফ্রয়িমর মুড়ো-মুড়ি চাগালাত্‌ মীখা নাঙে এক্কো মানুচ্‌ এলঅ।

বিচের গুরিয়্যেগুন 19:1

ইস্রায়েলীয়গুনো ভিদিরে যেক্কে কনঅ রাজা ন-এলাক্‌ সেক্কে ইফ্রয়িমর মুড়ো-মুড়ি চাগালা ভিদিরে এক্কো লেবীয় বজত্তি গুরিদো। তে যিহূদা চাগালার বৈৎলেহম আদামর এক্কো মিলেরে যের ঘরর্‌ মোগ্‌ ইজেবে ললঅ।

১ শমূয়েল 1:1

ইফ্রয়িমর মুড়োমুড়ি চাগালাত্‌ রামাথয়িম-সোফীম শঅরত্‌ ইল্‌কানা নাঙে এক্কো মানুচ্ ইফ্রয়িম-গুট্টির মানুচ্চুনো লগে বজত্তি গুরিদো। তা বাপ্পোর নাঙান্‌ এলদে যিরোহম। যিরোহম অলদে ইলীহূর পূঅ, ইলীহূ এলদে তোহেরর পূঅ আর তোহ এলদে সুফেরর পূঅ।

১ শমূয়েল 9:3

শৌলর বাপ্পো কীশর্ যিদুক্কুন গাধী এলাক্ সিগুন একদিন্যে আজি গেলাক্। সেক্কে কীশে তার পূঅ শৌলরে কলদে, “তুই এক্কো চাগররে লগে নেযেইনে গাধীগুনোরে তোগেবাত্তে যাহ্।”