১ শমূয়েল 9:3 - Chakma Bible

³ শৌলর বাপ্পো কীশর্ যিদুক্কুন গাধী এলাক্ সিগুন একদিন্যে আজি গেলাক্। সেক্কে কীশে তার পূঅ শৌলরে কলদে, “তুই এক্কো চাগররে লগে নেযেইনে গাধীগুনোরে তোগেবাত্তে যাহ্।”

১ শমূয়েল 9:3 Iomraidhean Croise

বিচের গুরিয়্যেগুন 10:4

যায়ীরোর ত্রিশজন পূঅ এলাক্‌; তারা ত্রিশ্‌ছুয়ো গাধা উগুরে চড়িনে বেড়েদাক্‌। গিলিয়দর ত্রিশ্‌চান আদাম তারার আন্দারে এলঅ। এজঅ সে আদামানিরে হবোৎ-যায়ীর নাঙে কুয়ো অয়।

বিচের গুরিয়্যেগুন 5:10

তুমি যিগুনে ধুব্‌ গাধীগুনো উগুরে চড়িনে আর কম্বলর গদি উগুরে বুজিনে পথ্‌তানন্দি যর্‌, তুমি এ বিষয়ানিলোই গান গঅ‌।

১ শমূয়েল 10:14

শৌলর কুত্তোবো শৌল আর তার চাগর্‌বোরে পুযোর্ গুরিলো, “তুমি কদু যেইয়ো?” শৌল কলদে, “গাধীগুনোরে তোগেবাত্তে যেইয়োং, মাত্তর্‌ সিগুনোরে কনজাগাত্‌ ন-পেইনে আমি শমূয়েলর ইদু যেইয়্যেই।”

১ শমূয়েল 10:2

তুই মর্‌ কায়-কুরেত্তুন যানার পরেন্দি এচ্চ্যে বিন্যামীন চাগালার্‌ দুযিত্‌ সেল্‌সহ নাঙে জাগানত্‌ রাহেলর গোরান কায়কুরে দ্বিজন মান্‌জ্যর দেগা পেবে। তারা তরে কবাক্, তুই যে গাধীগুনোরে তোগেবাত্তে নিগিল্যচ্‌ সিগুনোরে পাহ্ যেইয়্যে। মাত্তর্‌ ইক্কিনে তঅ বাপ্পো গাধীগুনোর চিদেচজ্জা ছাড়ি দিইনে তর্‌ চিন্তেত্‌ পোজ্যে। তে কোইয়্যেদে, তার পূঅবো পৌইদ্যেনে ইক্কিনে তে কি গুরিবো?

১ শমূয়েল 9:2

শৌল নাঙে কীশর এক্কো পূঅ এলঅ। তে এলদে বয়জসান্দোই গাবুজ্যে আর চাদে দোল্‌। ইস্রায়েলীয়গুনো ভিদিরে তা ধোক্ক্যেন দোল্‌ কেঅ ন-এলাক্। তে অন্য বেক্কুনোত্তুন্‌ প্রায় এক ফুট লাম্বা এলঅ।

১ শমূয়েল 9:20

তিনদিন আগে তর্‌ যে গাধীগুন আজি যেইয়োন সিগুন্দোই তুই আর চিদে ন-গুরিচ্‌; সিগুন্‌ পাহ্ যেইয়োন। ইস্রায়েল দেজ ভিদিরে বেক্‌ গম্‌ গম্‌ ঝিনিসছানি কাত্তেই? সিয়েনি কি তর্‌ আর তর্‌ বাবর্‌ বংশর্‌ মানুচ্চুনোত্তে নয়?”

১ শমূয়েল 9:4

শৌলে সেক্কে সিগুনোরে তোগাদে তোগাদে ইফ্রয়িমর মুড়ো-মুুড়ি বামত্‌ আর শালিশা বামর্‌ ভিদিরেন্দি গেলঅ, মাত্তর্‌ সিগুনোরে ন-পেলঅ। সে পরেন্দি তারা শালীম বামান ইন্দি গেলঅ, মাত্তর্‌ গাধীগুনোরে সিদুয়ো পাহ্ ন-গেলঅ। সে পরেন্দি তারা বিন্যামীনীয়গুনোর বামত্‌ গেলাক্, আর সিদুয়ো সিগুনোরে ন-পেলঅ।