১ শমূয়েল 9:26 - Chakma Bible

²⁶ তার কেল্যে বেন্যেপোত্যে তারা বেক্কুনে ঘুমোত্তুন্ উদিলাক্। পহর্‌ অনার পরেন্দি শৌল ছালত্‌ থাগদেই শমূয়েলে তারে ডাগিনে কলঅ, “যুক্কোল অ, মুই তরে ইক্কিনে বিদেয় দিম।” শৌল আর শমূয়েলে যুক্কোল্‌ ওইনে দ্বিজনে নিগিলি এলাক্।

১ শমূয়েল 9:26 Iomraidhean Croise

পত্থম 19:14

সেক্কে লোটে বারেন্দি যেইনে যিগুনে তার জামেই অবাক্‌ তারারে কলঅ, “তুমি যাদিমাদি এ জাগাগান্‌ ছাড়ি যগোই কিত্তে লগেপ্রভু এ শঅরান্‌ ভস্ত গুরিবাত্তে যুক্কোল ওই আঘে।” মাত্তর্‌ তারা মনে গুরিলাক তে বিগিদি গরের্‌।

পত্থম 44:4

তারা এইমাত্র শঅরত্তুন্‌ নিগিলি যেইয়োন মাত্তর্‌ বেশ্‌ দূরোত্‌ ন-যান, এন্‌ সময়োত্‌ যোষেফে তা ঘরর্‌ সদ্দারবোরে কলঅ, “যাদিমাদি গুরি উই মানুচ্চুনো পিজেদি যাহ্। তারারে দেগিলে কবেদে, তুমি উপোকারর্ বদলে অপকার্‌ গুরি এলা কিত্তে?”

যিহোশূয় 7:13

“তুই যেইনে মানুচ্চুনোরে মঅ‌ নাঙে যুদো গুরি নেযা। তারারে কঅ‌ যেন তারা এযেত্যে কেল্যেত্তে নিজোরে সিজি গরন্‌। ইস্রায়েলীয়গুনোর গোজেন্‌ লগেপ্রভু কোইয়্যে, ‘ও ইস্রায়েল, তমা ভিদিরে এন্‌ কদক্কানি জিনিস আঘে যিয়েনি ভস্তর্ অভিশাবর তলে। সিয়েনি তমা ভিদিরেত্তুন দূর্ গুরি ন-ফেলানা সং তুমি তমার শত্রুগুনোর বিরুদ্ধে থিয়্যেই ন-পারিবা।

বিচের গুরিয়্যেগুন 19:28

তে তারে কলঅ, “উঠ্‌, আধিচ্‌ আমি যেই,” মাত্তর্‌ কনঅ জোব্‌ তে ন-পেলঅ। সেক্কে মানুচ্চো তারে তা গাধা পিদিত্‌ তুলি নেযেইনে ঘরঅ মোক্কে যাহ্ ধুরিলো।

১ শমূয়েল 9:25

ইয়েনর্ পরেন্দি তারা সেই উজু জাগানত্তুন্‌ শঅরত্‌ ফিরি এলাক্। সে পরেন্দি শমূয়েলে তা ঘরর্‌ ছালত্‌ শৌল সমারে কধাবাত্তা কলঅ।

১ শমূয়েল 9:27

শঅরর্‌ দুঝির্‌ কোয়-কুরে এইনে শমূয়েল শৌলরে কলঅ, “তর্‌ চাগরবোরে উজেই যেবাত্তে কঅ, মাত্তর্‌ তুই কানক্কণত্তে ইয়েনত্‌ থিয়্যে। গোজেনে যিয়েন কোইয়্যে সিয়েন মুই তরে শুনেম।” সেক্কে তার চাগরুনে উজেই গেলাক্।