১ শমূয়েল 7:12 - Chakma Bible

¹² শমূয়েলে সেক্কে এক্কো পাত্তর্‌ নেযেইনে মিস্পা আর শেন নাঙে এক্কান জাগার মধ্যে উজু গুরি রাগেল আর কলদে, “এচ্চ্যে সং লগেপ্রভু আমারে এজাল দিয়্যে।”ইয়েন কোইনে তে সিয়েনর নাঙ্‌ দিলো এবন্-এষর (যিয়েনর্ ভেদ্‌তান্ “এজালর পাত্তর্‌”)।

১ শমূয়েল 7:12 Iomraidhean Croise

পত্থম 22:14

তে সে জাগায়ান নাঙান্‌ দিলো যিহোবা-যিরি (যিয়েনর ভেদ্‌তান্ “লগেপ্রভু যুগেই দে”)। সেনত্তে ইক্কিনিয়ো মান্‌জে কন্‌, “লগেপ্রভুর্‌ মুড়োবোত্‌ লগেপ্রভুই যুগেই দে।”

পত্থম 35:14

ঠিগ্‌ সে জাগানত্‌ যাকোবে এক্কো পাত্তর খুদো ধোক্ক্যেন অজল্ গুরিলো আর সিবে উগুরে তে পানীয়-উৎসর্ব গুরিলো। সিবে উগুরে তে তেলঅ ঢালি দিলো।

গীতসংহিতা 71:17

ও গোজেন, গাবুজ্যে অক্তত্তুন্ ধুরি তুই মরে শিক্ষ্যে দুয়োর্; এজঅ সং মুই তর্ আমক্ অবার কামর কধানি ফগদাং গরঙর্।

গীতসংহিতা 71:6

জর্মত্তুন ধুরি মুই তঅ উগুরে নির্ভরশীল; তুই মরে মা পেদত্তুন নিগিলেই আন্যচ্। তুই নিত্য মর্ বাঈনী গুরিবার্ বিষয়।

যাত্রা 17:15

পরেদি মোশি এক্কান ডালিপূজো বানেইনে তার্‌ নাঙান্‌ দিলো যিহোবা নিঃষি (যিয়েনর্ ভেদ্‌তান্ “লগেপ্রভুই মর্‌ বাবতা”)।

যিশাইয় 19:19

সেদিন্যে মিসর দেজ ভিদিরে লগেপ্রভুর নাঙে এক্কো পূজো আর তা দুযিত্ এক্কো খুদো থেবঅ।

প্রেরিত্‌ 26:22

মাত্তর্ গোজেনে এচ্চ্যে সং মরে এজাল্ দি এজের্ আর সেনত্তে মুই ইয়েনত্ থিয়্যেইনে চিগোন্-দাঙর্ বেক্কুনো ইধু সাক্ষ্য দোঙর্। ভাববাদীগুনে আর মোশি যিয়েনি ঘুদিবার কধা কোই যেইয়োন্ সিয়েনির বারেদি মুই কিচ্চু ন-কঙর্।

২ করিন্হীয় 1:10

এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।

যিহোশূয় 4:9

যর্দন গাঙর্‌ যে জাগানত্‌ সাক্ষ্য-সুন্দুক্কো বুয়োই নেযেয়্যে ধর্মগুরুগুনে থিয়্যেই এলাক্‌ যিহোশূয় সিয়েনত্‌ আরঅ‌ বারবো পাত্তর্‌ রাগেল। পাত্তরুন ইয়ো সং সিয়েনত্‌ আগন্‌।

১ শমূয়েল 14:35

লগেপ্রভুর নাঙে শৌল সিয়েনত্‌ এক্কো পূজো যুক্কোল্ গুরিলো। ইবেয়ই অলঅ লগেপ্রভুর নাঙে তার বানেয়্যে পত্তম্ ডালিপুজো।

১ শমূয়েল 4:1

আর শমূয়েলে যিয়েনি কদঅ সিয়েনি বেক্কানি ইস্রায়েলীয়গুনো ইদু লুমিদোগোই। একবার ইস্রায়েলীয়গুনে পলেষ্টীয়গুনোর বিরুদ্ধে যুদ্ধো গুরিবাত্তে নিগিলিলাক্। তারা এবন্-এষরত্‌ তাম্বুলান টাঙেলাক্ আর পলেষ্টীয়গুনে অফেকত্ তাম্বুল ফেলেলাক্।

১ শমূয়েল 5:1

পলেষ্টীয়গুনে গোজেনর সুন্দুক্কো এবন্-এষরত্তুন অস্‌দোদ শঅরত্‌ নেযেলাক্।

১ শমূয়েল 7:11

ইস্রায়েলীয়গুনে সেক্কে মিস্পাত্তুন নিগিলি এইনে পলেষ্টীয়গুনোরে লোড়েলাক্ আর তারারে মারদে মারদে বৈৎ-কর আদামর তলে জাগা সং নেযেলাক্।