১ শমূয়েল 6:4 - Chakma Bible

⁴ সেক্কে শাজন্‌গুরিয়্যেগুনে পুযোর্ গুরিলাক, “দুষ-স্বীগের্‌ ইজেবে আমি তাইদু কি পাধেই দিবোং?” তারা কলাক্, পলেষ্টীয়গুনোর শাজেন্‌গুরিয়্যেগুনোর সোংখ্যে মজিম্ তুমি পাচছুয়ো সনার টিউমার আর পাচছুয়ো সনার উন্দুর পাধেই দো, কিত্যে মানুচ্চুনো উগুরে আর তারার শাজন্‌গুরিয়্যেগুনো উগুরে এক্কুই আঘাত এচ্চ্যে।

১ শমূয়েল 6:4 Iomraidhean Croise

যাত্রা 12:35

ইস্রায়েলীয়গুনে মোশির্‌ কধামজিম মিসরীয়গুনোত্তুন্‌ সনা-রুবোর জিনিসছানি আর কাবড়-চুগোরানি মাগি ললাক্‌।

বিচের গুরিয়্যেগুন 14:19

ইয়েনর্ পরেন্দি লগেপ্রভুর আত্মাগান পুরো বলান্দোই শিম্‌শোনর উগুরে এলঅ। তে অস্কিলোনত্‌ যেইনে সে জাগার তিরিশজন মান্‌জ্যরে মারে ফেলেনে তারার্‌ বেক্কানি লুদেই নেযেল আর তারার কাবড়-চুগোড়ানি লোইনে যিগুনে তা ভানাগানর জোব্‌পান দুয়োন তারারে দিলো। সে পরেন্দি তে রাগে ফুলি উদিনে তা বাবঅ্‌ ঘরত্‌ গেলঅ।

বিচের গুরিয়্যেগুন 3:3

সে জাদ্‌তুন্‌ অলাক্‌, পলেষ্টীয়গুনে আর তারার্‌ পাচজন শাজন্‌গুরিয়্যে, বেক্‌ কনানীয়গুনে আর সীদোনীয়গুনে আহ্‌ হিব্বীয়গুনে। বাল্‌-হর্মোণ মুড়োত্তুন হমাৎ আদামান সং লেবাননর যে মুড়ো-মুড়ি চাগালাগান আঘে এ হিব্বীয়গুনে সিদু থেদাক্‌।

১ শমূয়েল 5:12

যিদুক্কুন মানুচ্‌ মুরি ন-যান তারার্‌অ সেই টিউমার পিড়ে ওইয়্যে। সেক্কে শঅরর্‌ মানুচ্চুনোর কানাকুদির্ রঅবো যেন আগাজ সং লুমিলোগোই।

১ শমূয়েল 5:6

লগেপ্রভু অস্‌দোদ আর তার কায়-কুরে জাগায়ানির মানুচ্চুনোরে আগন্দে কানাবোত্‌ টিউমার রুক্কোই জদবদে আঘাত গুরিনে তারারে মারে ফেলেল।

১ শমূয়েল 5:9

তারা সুন্দুক্কো সিদু নেযানার পরেন্দি লগেপ্রভু সেই শঅরানর্‌ বিরুদ্ধে আঢ্ তুলিলো। সেক্কে সে জাগার মানুচ্চুনে অমহদ দোরেলাক্। তে শঅরর্‌ চিগোন-দাঙর্‌ বেক্‌ মানুচ্চুনোরে আঘাত গুরিলো, আর সেক্কে বেক্কুনোর সেই টিউমার পিড়েগান্‌ অলঅ।

১ শমূয়েল 6:5

যে টিউমার পিড়েগান তমার কিয়্যেত্‌ দেগা দিয়্যে আর যে উন্দুরুনে তমার দেজচান্‌ ভস্ত গুরি দেদন্‌ তুমি সিগুনোর মূত্তিগুন বানঅ আর ইস্রায়েলীয়গুনোর গোজেনর বাঈনী গরঅ। সালে অয়ত তে তমা উগুরেত্তুন আর তমার দেবেদাগুনোত্তুন আর দেজর উগুরেত্তুন তার দরঅ আত্তান্‌ সোরেই নেযেব।

১ শমূয়েল 6:8

সে পরেন্দি লগেপ্রভুর সুন্দুক্কো তুমি সেই গাড়ীগান উগুরে বোজেবা আর দুষ-স্বীগের্ গুরিবাত্যে যেদক্কানি সনার জিনিস তুমি লগেপ্রভুরে পাদেবা সিয়েনি এক্কো বাক্‌সু ভিদিরে গুরিনে সুন্দুক্কো ইদু রাগেবা। এধোক্ক্যেনগুরি সুন্দুক্কো পাধেই দিবা যেনে সিবে যায়ই।