১ শমূয়েল 6:2 - Chakma Bible

² পরেন্দি পলেষ্টীয় শাজন্‌গুরিয়্যেগুনে ধর্মগুরু আর গোণোক্কেগুনোরে ডাগিনে কলাক্, “আমি লগেপ্রভুর সুন্দুক্কো নেযেইনে কি গুরিবোং? আমারে কঅ, কেধোক্ক্যেনগুরি আমি ইবেরে তার নিজোর জাগানত্‌ পাধেই দিবোং?”

১ শমূয়েল 6:2 Iomraidhean Croise

পত্থম 41:8

মাত্তর্‌ বেন্যে মাদান্ তা মনান কেন্‌জান্‌ চুলুবুল্যে ওই উদিলো। তে মানুচ্‌ পাদেইনে মিসর দেজ বেক্‌ যাদুগরুনোরে আর গোণোক্ক্যে গুনোরে ডাগি আনিলো। তে স্ববনত্‌ যিয়েন্‌ দেক্কে সিয়েন্‌ তারা ইধু কলঅ, মাত্তর্‌ কনজনে সিয়েন অত্তগান কোই দি ন-পারিলাক্।

যাত্রা 7:11

ফরৌণে সেক্কে জ্ঞানীগুনোরে আন মাত্তলে ধরেদে বাবোত্যে জিনিস কামত্‌ লাগেই পারন্দে মানুচ্চুনোরে, অত্তাৎ যাদু পারিয়্যেগুনোরে ডাগিলো। তারায়ো তারার যাদুমন্ত্রলোই একই কাম গুরিলাক্।

যিশাইয় 2:6

তুই দঅ তঅ মানুচ্চুনোর্, অত্তাৎ যাকোব বংশধরুনোরে ছাড়ি যেইয়োচ্। তারা পুগেদি দেজ্‌ছানির কুসংস্কারলোই পেলেপেলে ওইয়োন; তারা পলেষ্টীয়গুনো ধোক্ক্যেন যাদুবিদ্যের্ অভ্যেস গোজ্যন আর নানান্ জাদ সমারে আঢ্ মিলেয়োন।

দানিয়েল 2:2

তা স্ববনান্ বুঝেই দিবাত্তে তে যাদুগুরিয়্যে, ভূদো ওঝা, গোণেয়্যে আর জ্যেতিষীগুনোরে ডাগিলো। তারা এইনে রাজার্ মুজুঙোত্ থিয়্যেলাক্।

দানিয়েল 5:7

সেক্কে রাজা রঅ ছাড়ি ছাড়ি ডাগিনে ভূদো ওঝা, জ্যোতিষী আর গোণোক্ক্যেগুনোরে আনিবাত্তে কলঅ। তে বাবিলর সেই সল্লাদিয়্যেগুনোরে কোইয়্যেদে, “যে কনজনে এই লেগাগান মাদেইনে সিয়েনর ভেদ্‌তান্ মরে কোই দি পারিবো তারে বিগুনো কাবড় উরেই দিয়্যে অবঅ আর গত্তনাবোত্ সনার নেগেলেচ্ দিয়্যে অবঅ আর তারে রেজ্যর তিনজন রাজা ভিদিরে একজনর্ পোজিশন্ দিয়্যে অবঅ ।”

মথি লেখ্যে গম্ হবর্ 2:4

হেরোদে বেগ আজল্ ধর্মগুরু আর ধর্ম-মাষ্টরুনোরে ডাগিনে পুযোর্ গুরিলো মশীহ কুদু জোর্মেব।

১ শমূয়েল 5:8

সেনত্যেই তারা মানুচ্‌ পাদেইনে পলেষ্টীয়গুনোর বেক্‌ শাজন্‌গুরিয়েগুনোরে এক্কান জাগাত ডাগি আনিনে পুযোর্ গুরিলাক, “ইস্রায়েলীয়গুনোর গোজেনর সুন্দুক্কো নেযেইনে আমি কি গুরিবোং?” তারা কলাক্, “ইস্রায়েলীয়গুনোর গোজেনর সুন্দুক্কো গাত শঅরত্‌ নেযা ওক্।” সেক্কে অস্‌দোদর মানুচ্চুনে ইস্রায়েলীয়গুনোর গোজেনর সুন্দুক্কো গাদত্‌ নেযেলাক।

১ শমূয়েল 6:1

লগেপ্রভুর সুন্দুক্কো সাত মাস সং পলেষ্টীয়গুনোর দেজত্‌ রলঅ।