১ শমূয়েল 5:9 - Chakma Bible

⁹ তারা সুন্দুক্কো সিদু নেযানার পরেন্দি লগেপ্রভু সেই শঅরানর্‌ বিরুদ্ধে আঢ্ তুলিলো। সেক্কে সে জাগার মানুচ্চুনে অমহদ দোরেলাক্। তে শঅরর্‌ চিগোন-দাঙর্‌ বেক্‌ মানুচ্চুনোরে আঘাত গুরিলো, আর সেক্কে বেক্কুনোর সেই টিউমার পিড়েগান্‌ অলঅ।

১ শমূয়েল 5:9 Iomraidhean Croise

গীতসংহিতা 78:66

তা শত্রুগুনোরে তে পিজেন্দি ওদেই দিলো; তারারে তে জদবদে অগমানত্ ফেলেল।

আমোষ 5:19

সিবে অবঅ যেন কনঅ মানুচ্ সিংহ আঢত্তুন্ ধেইনে ভালুগো মুজুঙোত্ পড়িলো, যেন নিজো ঘরত্ সোমেইনে দেবাল আঢত্তুন্ সাপ কামড় হেলঅ।

দ্বি’লম্বর বিররণ 2:15

তাম্বুলোত্তুন্‌ তারারে এক্কুবারে শেজ্ গুরি ফেলেবাত্তে লগেপ্রভু তারার্‌ বিরুদ্ধে কামান্‌ গোজ্যে, যেদক্কন্‌ সং তারা শেজ্ ওই ন-যান।

১ শমূয়েল 12:15

মাত্তর্‌ যুনি তুমি লগেপ্রভুর বাধ্য ন-অ আর তার উগুমোর বিরুদ্ধে আদঅ, সালে তে যেধোক্ক্যেন তমার পূরোণি মানুচ্চুনোরে সাজা দিয়্যে সেধোক্ক্যেন তমারেয়ো দিবো।

১ শমূয়েল 5:10

সেক্কে তারা গোজেনর সুন্দুক্কো ইক্রোণ শঅরত্‌ পাধেই দিলাক্। গোজেনর সুন্দুক্কো ইক্রোণত্‌ নেযানার পরেন্দি ইক্রোণর মানুচ্চুনে কিজেক্ ছাড়িনে কলাক্, “আমার আর আমা মানুচ্চুনোরে মারে ফেলেবাত্যেই ইগুনে ইস্রায়েলীয়গুনোর গোজেনর সুন্দুক্কো আমা ইদু আন্যন্।”

১ শমূয়েল 5:11

তারা মানুচ্‌ পাধেইনে পলেষ্টীয়গুনোর বেক্‌ শাজন্‌গুরিয়েগুনোরে এক্কান জাগাত্‌ ডাগি আনিনে কলাক্, “ইস্রায়েলীয়গুনোর গোজেনর সুন্দুক্কো ইয়োত্তুন পাধেই দুয়ো। সিবে তার নিজোর জাগাদই ফিরি যোক্‌। সিয়েন ন-অলে সিবে আমার আর আমার মানুচ্চুনোরে মারে ফেলেব।” গোজেনে সেই শঅরানরে জদবদে গুরি আঘাত গরানায় মানুচ্চুনোর মনত্‌ মরণর অমহদ দর্‌বুক লাক্কে।

১ শমূয়েল 5:6

লগেপ্রভু অস্‌দোদ আর তার কায়-কুরে জাগায়ানির মানুচ্চুনোরে আগন্দে কানাবোত্‌ টিউমার রুক্কোই জদবদে আঘাত গুরিনে তারারে মারে ফেলেল।

১ শমূয়েল 6:11

সে পরেন্দি তারা সেই গাড়ীগান উগুরে লগেপ্রভুর সুন্দুক্কো রাগেলাক্ আর তার কায়-কুরে রাগেলাক সেই বাক্‌সুবো যিবে ভিদিরে এলঅ সনার উন্দুর আর সনার টিউমারুন।

১ শমূয়েল 7:13

এধোক্ক্যেনগুরি পলেষ্টীয়গুনোরে দোঙানা অলঅ। ইয়েনর্ পরেন্দি তারা আর ইস্রায়েলীয়গুনোর দুঝিত্‌ ন-সোমেলাক্। শমূয়েলে যেদকদিন বাঁজি এলঅ সেদকদিন সং লগেপ্রভু পলেষ্টীয়গুনোর বিরুদ্ধে এলঅ।