১ শমূয়েল 5:8 - Chakma Bible

⁸ সেনত্যেই তারা মানুচ্‌ পাদেইনে পলেষ্টীয়গুনোর বেক্‌ শাজন্‌গুরিয়েগুনোরে এক্কান জাগাত ডাগি আনিনে পুযোর্ গুরিলাক, “ইস্রায়েলীয়গুনোর গোজেনর সুন্দুক্কো নেযেইনে আমি কি গুরিবোং?” তারা কলাক্, “ইস্রায়েলীয়গুনোর গোজেনর সুন্দুক্কো গাত শঅরত্‌ নেযা ওক্।” সেক্কে অস্‌দোদর মানুচ্চুনে ইস্রায়েলীয়গুনোর গোজেনর সুন্দুক্কো গাদত্‌ নেযেলাক।

১ শমূয়েল 5:8 Iomraidhean Croise

১ বংশধর 7:21

তহত পুয়ো সাবদ আর সাবদ পুয়ো শূথেলহ। ইফ্রয়িমর আরঅ দ্বিবে পুয়ো নাঙানি অলঅ এৎসর আর ইলিয়দ। দেজত্‌ জোর্মেয়্যে গাত মানুচ্চুনো আদত্‌ তারা মারা পোজ্যন্‌, কিত্তে তারা গাতীয়গুনো এ্যামানুন্‌ চুর্‌ গুরিবাত্তে গাতদ্‌ যেইয়োন্‌।

আমোষ 6:2

তুমি কল্‌নীত যেইনে চঅ; সিয়েনত্তুন্ দাঙর্ হমাত যঅ, সে পরেদি পলেষ্টীয়গুনোর গাৎ শঅরত্ যঅ। সেই রেজ্যগানিত্তুন্ কি তমা রেজ্য দিয়্যেন গম্? তারা দেজ্‌চানিত্তুন কি তমা দেজ্‌চান দাঙর্?

সখরিয় 12:3

সেদিন্যে যেক্কে বেক্ জাদে যিরূশালেম বিরুদ্ধে এগত্তর্ অবাক্ সেক্কে মুই তারে বেক্ জাদ্‌‌‌‌‌তুনোত্তে এক্কো গুয়োর্ পাত্তর ধোক্ক্যেন্ গুরিম। যিগুনে সেই পাত্তর্‌‌‌‌‌বোরে তুলিবাত্তে চেট্ট্যা গুরিবাক্ তারা নিজে আঘাত্ পেবাক্।

যিহোশূয় 15:11

সে পরেন্দি সে দুযির চিহ্নোগান ইক্রোণর উত্তোরেন্দি কামা জাগানত্‌ যেইনে শিক্করোণর ইন্দি ঘুরিনে সোজা বালা মুড়োবোত্‌ গেলঅ‌ আর যব্‌নিয়েলত্‌ লুমিনে ভূমধ্য সাগরত্‌ যেইনে থুম্‌ অলঅ‌।

১ শমূয়েল 17:4

পলেষ্টীয়গুনোর পক্ষত্তুন্‌ গলিয়াৎ নাঙে এক্কো বীর যোদ্ধা তারার সৈন্যদলত্তুন্‌ নিগিলি এলঅ। তে এলদে গাৎ শঅরর্‌ মানুচ্‌। লাম্বান্দি তে এলদে সাড়ে ছয় আত্‌।

১ শমূয়েল 17:52

সেক্কে ইস্রায়েল আর যিহূদার মানুচ্চুনে জগার্‌ পাড়ি উদিলাক্ আর গয় আহ্ ইক্রোণর গেট্টো সং পলেষ্টীয়গুনোরে লোড়েই নেযেলা্ক্। পলেষ্টীয়গুনোর আঘাত পেইয়্যে মানুচ্চুনে গাৎ আর ইক্রোণত্‌ সং শারয়িমর পধে পধে পড়ি রলাক্।

১ শমূয়েল 29:6

আখীশে সেক্কে দায়ূদোরে ডাগিনে কলঅ, “জেদা লগেপ্রভুর নাঙে কঙর্, মুই হবর্‌ পাং তুই গম্‌ মানুচ্‌। এ সৈন্যগুনো ভিদিরে তুই যিয়েনি গোজ্যস্‌ সিয়েনি মরে হুজি গোজ্যস্‌। তর্‌ এবার দিন্নোত্তুন্‌ ধুরি এচ্চ্যে সং মুই তঅ ভিদিরে অন্যেয় কিচ্ছু ন-দেগং, মাত্তর্‌ অন্য শাজন্‌গুরিয়্যেগুনে তর্‌ উগুরে হুজি নয়।

১ শমূয়েল 5:11

তারা মানুচ্‌ পাধেইনে পলেষ্টীয়গুনোর বেক্‌ শাজন্‌গুরিয়েগুনোরে এক্কান জাগাত্‌ ডাগি আনিনে কলাক্, “ইস্রায়েলীয়গুনোর গোজেনর সুন্দুক্কো ইয়োত্তুন পাধেই দুয়ো। সিবে তার নিজোর জাগাদই ফিরি যোক্‌। সিয়েন ন-অলে সিবে আমার আর আমার মানুচ্চুনোরে মারে ফেলেব।” গোজেনে সেই শঅরানরে জদবদে গুরি আঘাত গরানায় মানুচ্চুনোর মনত্‌ মরণর অমহদ দর্‌বুক লাক্কে।

১ শমূয়েল 5:7

এই অবস্থা দেগিনে অস্‌দোদর মানুচ্চুনে কলাক্, “আমি ইস্রায়েলীয়গুনোর গোজেনর সুন্দুক্কো আমা ইদু আর ন-রাগেবং, কিত্যে তে আমারে আর আমা দেবেদা দাগোনরে অমহদ আঘাত গোজ্যে।”

১ শমূয়েল 6:2

পরেন্দি পলেষ্টীয় শাজন্‌গুরিয়্যেগুনে ধর্মগুরু আর গোণোক্কেগুনোরে ডাগিনে কলাক্, “আমি লগেপ্রভুর সুন্দুক্কো নেযেইনে কি গুরিবোং? আমারে কঅ, কেধোক্ক্যেনগুরি আমি ইবেরে তার নিজোর জাগানত্‌ পাধেই দিবোং?”