১ শমূয়েল 5:4 - Chakma Bible

⁴ সে পরেন্দি দিন্নোত্‌অ তারা বেন্যেপোত্যে উদিনে দেগিলাক দাগোনে লগেপ্রভুর সুন্দুগোর মুজুঙোত্‌ মাদিত্‌ উবোত্‌ পুন্দুরী ওই পড়ি আঘে। তার্ মাদাবো আর আত্তানি ভাঙিনে দোরােন চৌকাত্তুনো উগুরে পড়ি আঘে, বানা কিয়্যেগানর বাগী কট্টাগান পড়ি আঘে।

১ শমূয়েল 5:4 Iomraidhean Croise

যিশাইয় 27:9

ইয়েনর্ মাধ্যমে যাকোবর্ পাপর্ দেনা সুজি দিয়্যে পুরিবো, মাত্তর্ তার বেক্ পাপ্‌পানি দূর্ গুরিবার আগেদি সিবিদি পাত্তর ধোক্ক্যেন্ গুরি তে তা পূজোর্ বেক্ পাত্তরুন্ ভস্ত গুরিবো; কনঅ আশেরা-খুদো বা আগর্‌বাট্টি-পুজো ন-থেবঅ।

যিশাইয় 40:20

নাঢা মান্‌জ্যে মুত্তি বানেবাত্তে যে তক্তাগান ন-পঁজে সিয়েনই বেঈ লন্। যিয়েনি ন-ভাঙিবো এবাবোত্যে মুত্তি বানেবাত্তে তে এক্কো কাবিদ্যেং কালিগর্ তগায়।

যিরমিয় 10:11

তুমি মানুচ্চুনোরে কঅ, এই দেব-দেবেদাগুনে আগাজ্‌‌‍‌‍চান আর পিত্‌‌‍‌‍‍‍থিমীগান ন-বানান; তারা আগাজ্‌চানত্তুন আর পিত্‌থিমীর বেক্ জাগানত্তুন্ ভস্ত ওই যেবাক্।‌‍‌‍‍‌‍‌‍‍

যিরমিয় 10:14

বেক্ মানুচ্চুন জ্ঞান নেইয়্যে আর ভুল্; পত্তি সনাবান্যে তা মূত্তিগুনোত্তে লাজ্ পায়। তার ছাজনিলোই ঢাল্যে মূত্তিগুন মিজে, সিগুনো ভিদিরে নিজেস্ নেই।

যিরমিয় 10:15

সিগুন অপদাত্ত, ঠাট্টা-ইংসের্ জিনিস; বিচেরর অক্ত এলে সিগুন ভস্ত ওই যেবাক্।

যিরমিয় 50:2

তুমি জাদ্‌‌‌‌তুনো ভিদিরে প্রচার আর ফগদাং গরঅ, বাবতাগান তুলি ধরঅ আর জানেই দুয়ো। কিচ্চু গুমুরোত্ ন-রাগেয়ো, বরং কঅ, অন্যগুনে বাবিলরে অধিকার গুরিবাক্; বেল দেবেদারে লাজত্ ফেলা অবঅ, মরোদক দেবেদাবোরে চুর্‌‌মার্ গরা অবঅ। বাবিল মূত্তিগুনোরে লাজত্ ফেলা অবঅ আর তার মূত্তিগুনোরে চুর্‌‌মার্ গরা অবঅ।

দানিয়েল 11:8

তে তারার্ দেব-দেবেদা, ধাতুলোই বানেয়্যে বেক্ মূত্তিগুন আর রূবো, সনার্ মংগা মংগা জিনিস্ গজক্ গুরিনে মিসরত্ নেযেব। কয়েক বজর্ তে উত্তোর রাজা উগুরে কিচ্চু ন-গুরিবো।

মীখা 1:7

তার্ বেক মূত্তিগুন কট্টা কট্টা গুরি ভাঙি ফেলা অবঅ; তার মন্দির-বেশ্যেগুনোর বেক কামেয়্যেগুন্ আগুন্দোই পুড়ো অবঅ; তার বেক মূত্তিগুন মুই ভস্ত গুরি ফেলেম। তে দঅ বেশ্যেগিরির পাওনা ইজেবে ইগুন পেইয়্যে সেনত্তে সিগুন আরঅ বেশ্যেগিরিত্তে বেবহার গরা অবঅ।”

১ শমূয়েল 6:5

যে টিউমার পিড়েগান তমার কিয়্যেত্‌ দেগা দিয়্যে আর যে উন্দুরুনে তমার দেজচান্‌ ভস্ত গুরি দেদন্‌ তুমি সিগুনোর মূত্তিগুন বানঅ আর ইস্রায়েলীয়গুনোর গোজেনর বাঈনী গরঅ। সালে অয়ত তে তমা উগুরেত্তুন আর তমার দেবেদাগুনোত্তুন আর দেজর উগুরেত্তুন তার দরঅ আত্তান্‌ সোরেই নেযেব।