১ শমূয়েল 5:3 - Chakma Bible

³ তারকেল্যে অস্‌দোদর মানুচ্চুনে বেন্যেপোত্যে উদিনে দেগিলাক্ দাগোনে লগেপ্রভুর সুন্দুক্কোর মুজুঙোত্‌ মাদিত্‌ মাদা নিগিরিনে পড়ি আঘে। তারা সেক্কে দাগোনর মূত্তিবো তুলি নেযেইনে তা জাগায়ানত্‌ রাগেলাক।

১ শমূয়েল 5:3 Iomraidhean Croise

১ রাজাবলী 18:26

যে বলদ গোরুবো তারারে দিয়্যে অলঅ তারা সিবে কাবিনে যুক্কোল্‌ গুরি নেযেলাক্‌। সে পরেন্দি তারা বেন্যেত্তুন্‌ ধুরি দিবুজ্যে সং বাল দেবেদাবোরে ডাগা ধুরিলাক্‌। তারা রঅ ছাড়ি ছাড়ি কুয়া ধুরিলাক্‌, “ও বালদেব, আমারে জোব্‌ দে।” মাত্তর্‌ কনঅ সাড়া ন-মিলিলো, কনজনে জোব্‌ ন-দিলো। যে ডালিপূজোবো তারা বানেয়োন্‌ সিবের্‌ চেরোকিত্তে তারা নাজা ধুরিলাক্‌।

গীতসংহিতা 115:7

তারার আত্ আঘে মাত্তর্ ধুরি ন-পারন্, টেঙ্ আঘে মাত্তর্ আহ্‌দি ন-পারন্, মুয়োন্দি কনঅ রঅয়ো নিগিলেই ন-পারন্।

গীতসংহিতা 97:7

যিগুনে মূত্তিপূজো গরন আর দেব-দেবেদালোই বাড়্‌বো গরন্ তারা বেক্কুনে লাজত্ পোড়োদোক্; লগেপ্রভুর মুজুঙোত্ দেব-দেবেদাগুনে মাঢা নিগিরোদোক্।

যাত্রা 12:12

সেই রেদোত্ মুই মিসর দেজ ভিদিরেন্দি যেইম্‌ আর মান্‌জ্যর্‌ পত্তম পূয়োবো আহ্ য়েমানর্‌ পত্তম চেলা ছঅগুনোরে মারে ফেলেম। মুই মিসরর বেক্‌ দেব-দেবেদাগুনোরে সাজা দিম; মুই লগেপ্রভু।

যিশাইয় 19:1

মিসর দেজ্‌ছান পৌইদ্যেনে লগেপ্রভুর কধা ইয়েন:‌‌ চঅ, লগেপ্রভু এক্কান যাদিমাদি যাইদে মেঘত্ গুরিনে মিসর দেজত্ এজের্। তা মুজুঙোত্ মিসর মূত্তিগুন্ গির্‌গিরেবাক্, আর মিসরীয়গুনো মনত্ সাহস ন-থেবঅ।‌‌

যিশাইয় 40:20

নাঢা মান্‌জ্যে মুত্তি বানেবাত্তে যে তক্তাগান ন-পঁজে সিয়েনই বেঈ লন্। যিয়েনি ন-ভাঙিবো এবাবোত্যে মুত্তি বানেবাত্তে তে এক্কো কাবিদ্যেং কালিগর্ তগায়।

যিশাইয় 41:7

কালিগর্‌‌‌‌‌বো সনা বানেয়্যেবোরে উচ্চোমি তুলি দিবো; আদুড়োলোই যে সং গরে তে নেহাইয় উগুরে আঘাত গুরিয়্যেবোরে উচ্চোমি তুলি দিবো। তে জড়াবোত্ কাম দেগিনে কবদে, “গম্ ওইয়্যে।” তে পেরেক্কোই মুত্তিবো দরমর গুরিবো যেনে সিবে ন-পড়ে।

যিশাইয় 46:7

তারা তারে কানাত্ তুলিনে বুয়োই নেযান্; তা জাগানত্ তারা তারে থিদেবর্ গরন আর তে সিয়েনত্ থায়। সে জাগানত্তুন্ তে আর লুড়ি ন-পারে। কনজনে তা কায়কুরে কানিলেয়ো তে জোব্ দি ন-পারে, তা দুখ্ কষ্টত্তুন্ তারে রোক্ষ্যে গুরি ন-পারে।

যিরমিয় 10:8

তারা বেক্কুনে জ্ঞাননেইয়্যে আর ভুল্। তারার মূত্তিগুন দঅ তক্তালোই বানেয়্যে, সিগুনে কেধোক্ক্যেন গুরি শিক্ষ্যে দিবাক্?

সফনিয় 2:11

লগেপ্রভু তারা ইধু অমকদ দর্‌‌গরেপারা অবঅ; তে পিত্‌‌থিমীর বেক দেবেদাগুনোরে বল্‌‌পোজ্যে গুরিবো। সেক্কে দূর দেজর্ বেক জাদর্ মানুচ্চুনে নিজো নিজো দেজত্তুন্ তার্ উবোসনা গুরিবাক্।

মার্ক 3:11

ভান্ন্যেই আত্মাগুনে যেক্কে তারে দেগিদাক্ সেক্কে তা মুজুঙোত্ মাদিত্ পড়িনে রঅ ছাড়িনে কদাক্, “তুয়ই গোজেনর্ পুয়ো।”

১ শমূয়েল 6:1

লগেপ্রভুর সুন্দুক্কো সাত মাস সং পলেষ্টীয়গুনোর দেজত্‌ রলঅ।

১ শমূয়েল 6:5

যে টিউমার পিড়েগান তমার কিয়্যেত্‌ দেগা দিয়্যে আর যে উন্দুরুনে তমার দেজচান্‌ ভস্ত গুরি দেদন্‌ তুমি সিগুনোর মূত্তিগুন বানঅ আর ইস্রায়েলীয়গুনোর গোজেনর বাঈনী গরঅ। সালে অয়ত তে তমা উগুরেত্তুন আর তমার দেবেদাগুনোত্তুন আর দেজর উগুরেত্তুন তার দরঅ আত্তান্‌ সোরেই নেযেব।