১ শমূয়েল 5:10 - Chakma Bible

¹⁰ সেক্কে তারা গোজেনর সুন্দুক্কো ইক্রোণ শঅরত্‌ পাধেই দিলাক্। গোজেনর সুন্দুক্কো ইক্রোণত্‌ নেযানার পরেন্দি ইক্রোণর মানুচ্চুনে কিজেক্ ছাড়িনে কলাক্, “আমার আর আমা মানুচ্চুনোরে মারে ফেলেবাত্যেই ইগুনে ইস্রায়েলীয়গুনোর গোজেনর সুন্দুক্কো আমা ইদু আন্যন্।”

১ শমূয়েল 5:10 Iomraidhean Croise

২ শমূয়েল 7:9

তুই যেদক্কানি জাগাত্‌ যেইয়োচ্‌ মুইয়ো সিদু তঅ লগে যেইয়োং আর তঅ মুজুঙোত্তুন্‌ তর্‌ বেক্‌ শত্রুগুনোরে শেজ্‌ গুরি দুয়োং। মুই তঅ নাঙান্‌ পিত্তিমীর্ নাঙ্‌গিন্যে মানুচ্চুনোর নাঙানি ধোক্ক্যেন্‌ নাঙ্ তাই পাড়া গুরিম্।

২ রাজাবলী 1:2

অহসিয় শমরিয়াত্‌ তা ঘরর্‌ উগুরে তালাত্‌ গুদিবোর্‌ জানালাবোন্দি তলে পড়িনে দুঘ্ পেইয়্যে। সেক্কে তে কয়েকজন মান্‌জ্যরে ইয়েন্‌ কোইনে পাধেই দিলো, “তুমি যেইনে ইক্রোণর দেবেদা বাল্‌-সবূবর ইদু পুযোর্‌ গরঅ, এ দুঘ্ পেয়্যেগানত্তুন্‌ মুই গম্‌ ওই পারিম্‌ নাকি।”

১ বংশধর 7:21

তহত পুয়ো সাবদ আর সাবদ পুয়ো শূথেলহ। ইফ্রয়িমর আরঅ দ্বিবে পুয়ো নাঙানি অলঅ এৎসর আর ইলিয়দ। দেজত্‌ জোর্মেয়্যে গাত মানুচ্চুনো আদত্‌ তারা মারা পোজ্যন্‌, কিত্তে তারা গাতীয়গুনো এ্যামানুন্‌ চুর্‌ গুরিবাত্তে গাতদ্‌ যেইয়োন্‌।

আমোষ 1:8

মুই অস্‌‌দোদ মানুচ্চুনোরে আর অস্কিলোনত্ যে মানুচ্চো রাজলুদিক্কো ধুরি আঘে তারে ভস্ত গুরিম। মুই ইক্রোণ বিরুদ্ধে মঅ আঢ্‌‌তান তুলিম, সেক্কে পলেষ্টীয়গুনোর বাঁজি থেইয়্যে মানুচ্চুনে মুরি যেবাক্।”‌‌

আমোষ 6:2

তুমি কল্‌নীত যেইনে চঅ; সিয়েনত্তুন্ দাঙর্ হমাত যঅ, সে পরেদি পলেষ্টীয়গুনোর গাৎ শঅরত্ যঅ। সেই রেজ্যগানিত্তুন্ কি তমা রেজ্য দিয়্যেন গম্? তারা দেজ্‌চানিত্তুন কি তমা দেজ্‌চান দাঙর্?

যিহোশূয় 15:11

সে পরেন্দি সে দুযির চিহ্নোগান ইক্রোণর উত্তোরেন্দি কামা জাগানত্‌ যেইনে শিক্করোণর ইন্দি ঘুরিনে সোজা বালা মুড়োবোত্‌ গেলঅ‌ আর যব্‌নিয়েলত্‌ লুমিনে ভূমধ্য সাগরত্‌ যেইনে থুম্‌ অলঅ‌।

যিহোশূয় 15:45

ইক্রোণ শঅর্‌ আর তার কায়-কুরে জাগা আর আদামানি,

বিচের গুরিয়্যেগুন 1:18

যিহূদা-গুট্টির মানুচ্চুনে গাজা, অস্কিলোন আর ইক্রোণ শঅর আর সিয়েনির কায়-কুরে জাগানি গজক্‌ গুরি নেযেলাক্‌।

১ শমূয়েল 17:52

সেক্কে ইস্রায়েল আর যিহূদার মানুচ্চুনে জগার্‌ পাড়ি উদিলাক্ আর গয় আহ্ ইক্রোণর গেট্টো সং পলেষ্টীয়গুনোরে লোড়েই নেযেলা্ক্। পলেষ্টীয়গুনোর আঘাত পেইয়্যে মানুচ্চুনে গাৎ আর ইক্রোণত্‌ সং শারয়িমর পধে পধে পড়ি রলাক্।

১ শমূয়েল 5:11

তারা মানুচ্‌ পাধেইনে পলেষ্টীয়গুনোর বেক্‌ শাজন্‌গুরিয়েগুনোরে এক্কান জাগাত্‌ ডাগি আনিনে কলাক্, “ইস্রায়েলীয়গুনোর গোজেনর সুন্দুক্কো ইয়োত্তুন পাধেই দুয়ো। সিবে তার নিজোর জাগাদই ফিরি যোক্‌। সিয়েন ন-অলে সিবে আমার আর আমার মানুচ্চুনোরে মারে ফেলেব।” গোজেনে সেই শঅরানরে জদবদে গুরি আঘাত গরানায় মানুচ্চুনোর মনত্‌ মরণর অমহদ দর্‌বুক লাক্কে।

১ শমূয়েল 5:9

তারা সুন্দুক্কো সিদু নেযানার পরেন্দি লগেপ্রভু সেই শঅরানর্‌ বিরুদ্ধে আঢ্ তুলিলো। সেক্কে সে জাগার মানুচ্চুনে অমহদ দোরেলাক্। তে শঅরর্‌ চিগোন-দাঙর্‌ বেক্‌ মানুচ্চুনোরে আঘাত গুরিলো, আর সেক্কে বেক্কুনোর সেই টিউমার পিড়েগান্‌ অলঅ।

১ শমূয়েল 6:1

লগেপ্রভুর সুন্দুক্কো সাত মাস সং পলেষ্টীয়গুনোর দেজত্‌ রলঅ।