১ শমূয়েল 4:5 - Chakma Bible

⁵ লগেপ্রভুর সাক্ষ্য-সুন্দুক্কো তাম্বুলোত আনানার পরেন্দি ইস্রায়েলীয়গুনে বেক্কুনে এন্‌ দাঙর্‌ গুরি কিজেক্‌ সারি উদিলাক্, দেজর্‌ বেক্‌ জাগায়ানিত্‌ হবর্‌ পেলাক।

১ শমূয়েল 4:5 Iomraidhean Croise

২ শমূয়েল 15:24

রাজা যেক্কে শঅরত্তুন্‌ নিগিলি যার্‌ সেক্কে ধর্মগুরু সাদোক আর বেক্‌ লেবীয়গুনেয়ো তা সমারে এলাক্। লেবীয়গুনে গোজেনর্‌ সাক্ষ্য-সুন্দুক্কো বুয়োই নেযাদন্‌। শঅরত্তুন্‌ বেক্‌ মানুচ্চুন্‌ নিগিলি ন-যানা সং লেবীয়গুনে গোজেনর সুন্দুক্কো লামেই রাগেলাক্ আর ধর্মগুরু অবিয়াথরেয়ো তারা সমারে গেলঅ।

১ রাজাবলী 1:40

সে পরেন্দি বেক্‌ মানুচ্চুনে বাঁজি বাজাদে বাজাদে আর ফুত্তি গত্তে গত্তে শলোমনর্ পিচ্ছো পিচ্ছো ফিরি এলাক্। তারা এধোক্ক্যেনগুরি ফুত্তি গুরিলাক্, সিবের্‌ রঅবোলোই মাদিগান গির্‌গিরে উদিলো।

ইয়োব 20:5

শদানুনোর্‌ রঙ্গ-ফুত্তি কানক্কণ্‌। গোজেন উগুরে ভোক্তি নেইয়্যেগুনোর হুজিগান্ বানা কানক্কণত্তে থায়;

যিরমিয় 7:4

লগেপ্রভুর ঘরর নাঙান্দোই বার বার যে মিজে কধা কুয়ো অয় তুমি সিয়েন বিশ্বেজ্ ন-গোজ্য।

আমোষ 6:3

তুমি মনে গরত্তে যে, তুমি দযার্ দিন্নোরে দূরোত্ সোরেই দুয়োর্, মাত্তর্ আজলে তুমি সন্ত্রাজর্ রাজাগিরি চালর্।

মীখা 2:11

যুনি কনঅ মিজে কধা কোইয়্যে আর ঠোগেয়্যে এইনে কয়, ‘মুই কঙর্, তমার্ বোউত্ মদ আর আংগুর-রস অবঅ,’ মাত্তর্ তেয়ই অবঅ এ জাদ্‌তোত্তে যগাজ্যে ভাববাদী‌‌‌!”

যিহোশূয় 6:20

বাশি বাঁজি উদিবার লগে লগে মানুচ্চুনে অমকদ রঅ‌ ছাড়ি ছাড়ি উদিলাক্‌। বাশির রঅ‌বোলোই যেক্কে মানুচ্চুনে অমকদ রঅ‌ দাঙর্‌ গুরি উদিলাক্‌ সেক্কে যিরিহো শঅরর্‌ দেবালানি ভাঙিনে পড়ি গেলঅ‌। সেক্কে বেক্‌ মানুচ্চুন শঅ‌র ভিদিরে চমিলাক্‌ আরঅ সিয়েন গজক্ গুরি নেযেলাক্‌।

যিহোশূয় 6:5

যেক্কে তুমি শুনিবা সে ধর্মগুরুগুনে বাশিলোই একঢাল্যে রঅ তুল্যন্‌ সেক্কে বেক্‌ মানুচ্চুনে অমকদ দাঙর্‌ গুরিনে কিজেক্‌কারি উদিবাক্‌। সেক্কে শঅরর্‌ দেবালানি ভাঙি পড়ি যেবঅ আর সেনে ইস্রায়েলীয়গুনে সিয়েনর উগুরেন্দি সোজা ভিদিরেন্দি চুমিবাক্কোই।”

বিচের গুরিয়্যেগুন 15:14

তে যেক্কে লিহীর ইদু লুমিলো সেক্কে পলেষ্টীয়গুনে জয়-জগার গুরি গুরিনে তাইন্দি এজা ধুরিলাক্‌। সেক্কে লগেপ্রভুর আত্মাগান পুরো বলান্দোই তা উগুরে এলঅ। সেক্কে তার আঢঅ দুড়িগানি পুড়ি যেইয়্যে শনঅ ধোক্ক্যেন্‌ অলঅ আর তা আঢত্‌ বান্যেগান খুলো গেলঅ।

১ শমূয়েল 4:6

পলেষ্টীয়গুনে এই রঅবো শুনিনে পুযোর্ গুরিলাক, “ইব্রীয়গুনোর তাম্বুলোত ইবে কিয়োর কিজেক্‌ অর?” তারা জানি পারিলাক্কে, লগেপ্রভুর সাক্ষ্য-সুন্দুক্কো ইস্রায়েলীয়গুনোর তাম্বুলোত্‌ এচ্চ্যে।