১ শমূয়েল 4:4 - Chakma Bible

⁴ সেনত্যেই তারা শীলোত মানুচ্‌ পাদেইনে দুনিয়ের গিরোজ্‌ লগেপ্রভু, যিবে দ্বিবে করূবোর সংমোধ্যে থায়, তার সাক্ষ্য-সুন্দুক্কো আনিলাক্। গোজেনর সেই সাক্ষ্য-সুন্দুগোর্ লগে এলাক এলির দ্বিবে পূঅ, হফ্‌নি আর পীনহসে।

১ শমূয়েল 4:4 Iomraidhean Croise

২ শমূয়েল 15:24

রাজা যেক্কে শঅরত্তুন্‌ নিগিলি যার্‌ সেক্কে ধর্মগুরু সাদোক আর বেক্‌ লেবীয়গুনেয়ো তা সমারে এলাক্। লেবীয়গুনে গোজেনর্‌ সাক্ষ্য-সুন্দুক্কো বুয়োই নেযাদন্‌। শঅরত্তুন্‌ বেক্‌ মানুচ্চুন্‌ নিগিলি ন-যানা সং লেবীয়গুনে গোজেনর সুন্দুক্কো লামেই রাগেলাক্ আর ধর্মগুরু অবিয়াথরেয়ো তারা সমারে গেলঅ।

২ শমূয়েল 6:2

দায়ূদ আহ্‌ তার বেক্‌ মানুচ্চুনে গোজেনর সুন্দুক্কো বালি-যিহূদাত্তুন্‌ যিরূশালেমত্‌ নেযেবাত্তে বালি-যিহূদাত্তুন্‌ আঢা মারিলাক্। এ সুন্দুক্কো বেক্কুনোত্তুন্‌ খেমতাবান লগেপ্রভুর নাঙে বেক্কুনে চিনোন্, কিত্যে লগেপ্রভু সে সুন্দুক্কো উগুরে দ্বিবে করূবোর্‌ সংমধ্যে থায়।

২ রাজাবলী 19:15

হিষ্কিয় লগেপ্রভু ইদু এ তবনাগান্‌ গুরিলো, “দ্বিবে করূবো সংমধ্যে থেইয়্যে ও ইস্রায়েলর গোজেন লগেপ্রভু, তুই, বানা তুয়ই পিত্‌থিমীর্‌ বেক্‌ রেজ্যগানির্‌ গোজেন। তুই দাঙর্‌ আগাজ্‌ আর পিত্‌থিমীগান বানেয়োচ্।

গীতসংহিতা 80:1

ও ইস্রায়েলর পালক, তুই আমা কধানি শুন; তুই যোষেফর বংশবোরে ভেড়া পাল ধোক্ক্যেন গুরি চালেই নেযর্। তুই করূবপুনো উগুরে আগচ্, তর্ পহ্‌রান তুই ছিদি দে।

গীতসংহিতা 80:2

তুই ইফ্রয়িম, বিন্যামীন আর মনঃশি-গুট্টিগুনোর মুজুঙোত্ তর্ খেমতাগানরে জাগেই তুল আর আমারে উদ্ধোর গুরিবাত্তে আয়।

গীতসংহিতা 99:1

লগেপ্রভুই রাজা; বেক জাদ্‌তুনে গির্‌গিরে উদোদোক্। তে স্বর্গদূত্‌তুনো উগুরে সিংহাসনত্ বুজি আঘে; পিত্‌থিমীগান টলমল গোরোক্।

যিশাইয় 37:16

“ও দ্বিস্বর্গদূদোর সংমোধ্যে থেইয়্যে বেগত্তুন্ খেমতাবলা লগেপ্রভু, ইস্রায়েলর গোজেন, তুই, বানা তুয়ই পিত্‌থিমীর বেক্ রেজ্যগানির গোজেন। তুই আগাজ্‌‌‌‌‌চান আর পিত্‌‌‌‌থিমীগানরে বানেয়োচ্।‌‌

মালাখি 1:9

ইক্কিনে গোজেন ইধু দোয়্যে চেইনে কি লাভ? তমা আঢ্‌তানিলোই যেক্কে এবাবোত্যে উৎসর্ব গরা ওইয়্যে, সেক্কে তে কি আমারে গুজি লবঅ? শুনো, বেগত্তুন্ খেমতাবলা লগেপ্রভু কি কোইয়্যে,

গণাণা 4:15

“হারোণ আর তার্‌ পূঅগুনে যেক্কে এই বেক্‌ পবিত্র পজা-পিরানি আর পবিত্র তাম্বুলোর পজা-পিরানি নাঢি দেনা শেজ্ গুরিবাক আর মানুচ্চুনে তাম্বুলান বুদিনে যেবাত্তে যুক্কোল্‌ অবাক্‌ সেক্কে কহাতীয়গুনে এই বেক্কানি বুয়োই নেযেবাত্তে এবাক। মাত্তর্‌ কনঅ পবিত্র জিনিজোত্‌ তারার্‌ আত্‌ বাজেই ন-পারিবাক্। বাজেলে তারা মুরি যেবাক। মিলন-তাম্বুলোত্‌ যেদক্কানি জিনিস থেবঅ কহাতীয়গুনোর্‌ সিয়েনি বুয়োই নেযা পুরিবো।

গণাণা 4:5

তাম্বুল তুলিনে যেবার্‌ সময় অলে হারোণ আর তার্‌ পূঅগুনে থেবার্‌-তাম্বুলো ভিদিরে যেইনে সাক্ষ্য-সুন্দুক্কো নাঢি রাগেবার্‌ পর্দাগান লামেইনে সিয়েন্দোই সুন্দুক্কো নাঢি দিবাক।

গণাণা 7:89

ইয়েনর পরেদি মোশি যেক্কে লগেপ্রভুর লগে কধা কবাত্তে মিলন-তাম্বুলোত্‌ চোমেদ সেক্কে সাক্ষ্য-সিন্দুগো উগুরে ঢাগনিগানর্‌ কাজাকুরেন্দি করূব দ্বিবের্‌ ভিদিরে জাগানত্তুন্‌ তাঁর কধানি শুনিদাক্। এবাবোত্যেগুরি লগেপ্রভু মোশি সমারে কধা কদঅ।

১ শমূয়েল 1:24

পূঅবোরে দুধ এরানার পরেন্দি হান্না তিন্নো দামাড়া গোরু, আদার কেজি মোইদে, চামর্‌ থৈইলেত্‌ গুরিনে এক থৈল্যে আংগুর-রস আর পূঅবোরে লগে নেযেইনে শীলোদত্ লগেপ্রভুর ঘরত্‌ গেলঅ। পূঅবো সেক্কেয়ো চিগোন এলঅ।

১ শমূয়েল 14:3

আর তারা ভিদিরে অহিয় এলঅ, যিবের্‌ কিয়্যেত্‌ এফোদ এলঅ। অহিয় অহীটুবর পূঅ এলঅ, অহীটুবে ঈখাবোদর ভেই এলঅ, ঈখাবোদে পীনহসর পূঅ এলঅ আর পীনহসে এলির পূঅ এলঅ; এলি শীলোদত্‌ লগেপ্রভুর ধর্মগুরু এলঅ। যোনাথনে যে নিগিলি যেইয়্যে সিয়েন কনজনে হবর্ ন-পেদাক্।

১ শমূয়েল 2:22

এলি সেক্কে অমহদ বুড়ো ওই গেলঅ। ইস্রায়েলীয়গুনো উগুরে তার পূঅগুনোর বেবহারর্‌ কধা আর যিদুক্কুন মিলে সেবা-কামত্তে মিলন-তাম্বুর দোরান ইদু এদাক্ তারার লগে তারার সিনেলীর কধা তা কানত্‌ গেলঅ।